വരനെ ആവശ്യമുണ്ട്
🔸ഒരു ഇടവേളയ്ക്ക് ശേഷം സുരേഷ് ഗോപി, ശോഭന എന്നിവർ വരുന്നു
🔸സത്യൻ അന്തിക്കാടിന്റെ മകൻ അനൂപ് സത്യന്റെ ആദ്യ ചിത്രം
🔸ദുൽക്കർ സൽമാന്റെ ആദ്യ നിർമ്മാണ സംരംഭം
💯ശതമാനം കുടുംബവുമായി തിയറ്ററിൽ പോയി കാണേണ്ട ചിത്രം എന്ന് ഒറ്റവരിയിൽ പറയാം
കഥയേക്കാൾ കഥാപാത്രങ്ങൾ മുന്നോട്ട് കൊണ്ട് പോകുന്ന ഒരു സിനിമ ആണ് ഇത്. അതിൽ സുരേഷ് ഗോപി അവതരിപ്പിക്കുന്ന മേജർ ഉണ്ണികൃഷ്ണൻ എന്ന കഥാപാത്രം ആ നടനെ വളരെ നന്നായി ഉപയോഗിച്ചിട്ടുണ്ട്. ഒരേ സമയം തമാശ, സെന്റിമെന്റ്സ്, റൊമാൻസ്, പൊടിക്ക്* ആക്ഷനും ഒക്കെയായി സുരേഷ് ഗോപിയെ നൽകി കൊണ്ട് ആക്ഷൻ ഹീറോ ഇമേജ് മാറ്റി നിർത്തി കുടുംബപ്രേക്ഷകർ ഇരു കയ്യും നീട്ടി സ്വീകരിക്കുന്ന കാഴ്ച്ച. ശോഭനയുടെ കഥാപാത്രം ലാലു അലക്സിന്റെ കഥാപാത്രത്തിലൂടെ പറയുമ്പോൾ നീനയുടെ ഭൂതകാലം ഉൾപ്പടെ ആ കഥാപാത്രത്തെ നന്നായി അവതരിപ്പിച്ചിട്ടുണ്ട് ചിത്രത്തിലുടനീളം. വരുന്നത് 3~4 സീൻ ആണ്, പക്ഷെ *ഉർവശി* എന്ന നടിയെ വെല്ലാൻ ഇപ്പോഴും ആളില്ല. റെസ്റ്റോറന്റ് സീൻ ആ നടി വേറെ ലെവൽ ആക്കി. ദുൽക്കർ ബിപീഷ് എന്ന റോളിൽ നന്നായപ്പോൾ കല്യാണി വളരെ confident ആയ പ്രകടനം നടത്തി. കെ പി എ സി ലളിത ഒക്കെ പതിവ് പോലെ(ആ ആർട്ടിസ്റ്റിന് കിട്ടുന്ന വേഷം ഒക്കെ കിടു ആയി ചെയ്യുക എന്നതാണ് പതിവ്). ലാലു അലക്സ് കുറച്ചേ ഉള്ളൂ എങ്കിലും കൊള്ളാം. 2 സീനിൽ വന്ന സിജു വിൽസൺ ചിരിപ്പിച്ചു, പോസ്റ്റ് ക്രെഡിറ്റ് സീൻ മിസ്സ് ചെയ്യരുത്. മറ്റ് നടീനടന്മാരും നന്നായിട്ടുണ്ട്.
ജോണി ആന്റണി എന്ന നടനെ പരാമർശിക്കാതെ പോയാൽ ഈ സെക്ഷൻ പൂർണമാവില്ല, കിക്കിടു, വരുന്ന ഓരോ സീനിലും ചിരിപ്പിച്ചു ഒരു വഴിയാക്കി
അൽഫോൺസ് ഒരുക്കിയ ഗാനങ്ങൾ ചിത്രത്തിന്റെ മൂഡിന് ചേർന്നവയായപ്പോൾ ബി ജി എം കിടു ആയി. ആർട്ട് വിഭാഗവും ക്യാമറയും നന്നായിട്ടുണ്ട്. എഡിറ്റിംഗ് രണ്ടാം പകുതി അല്പം കൂടി നന്നാക്കാമായിരുന്നില്ലേ എന്ന് തോന്നി, ഒരു പക്ഷെ സ്*ക്രിപ്റ്റിൽ വന്ന പ്രശ്നവുമാകാം, എന്തോ ഒരു വിട്ട് പോകൽ പോലെ
അനൂപ് സത്യൻ ഈ കഥ പറയാൻ ചെന്നൈ നഗരം തിരഞ്ഞെടുത്തത് മുതൽ ഈ സിനിമയുടെ ആസ്വാദനം തുടങ്ങുന്നു. സ്ഥിരം മലയാള സിനിമ കഥാപാത്രങ്ങളിൽ നിന്ന് ഒരല്പം വേറിട്ട പാത്ര സൃഷ്ടിയാണ് സുരേഷ് ഗോപി, ശോഭന, ഉർവശി എന്നിവർക്ക്. ഒരു ചെറിയ വൺലൈൻ കഥ ഒരല്പം വലിയ ക്യാൻവാസിൽ തന്നെ നന്നായി ഒരു നിമിഷം പോലെ ബോർ അടിപ്പിക്കാതെ അവതരിപ്പിച്ചിട്ടുണ്ട്.
അനൂപ് ഒരുക്കിയ ഡയലോഗുകൾ അത്യുഗ്രൻ. ഏറ്റവും ഇഷ്ടപ്പെട്ട 4 എണ്ണം
📌ഒരൊറ്റ സെക്കൻഡ് കൊണ്ട് ചിരിയിൽ മറിഞ്ഞ തിയറ്ററിനെ പൂർണ നിശബ്ദതയിൽ എത്തിച്ച _എന്റെ അമ്മയ്ക്ക് സംസാരിക്കാൻ പറ്റില്ലായിരുന്നു_ സുരേഷ് ഗോപി അതിമനോഹരമാക്കി അത്
📌മഴ സമയത്ത് വീട്ടിൽ കഴിക്കാൻ വല്ലതും ഉണ്ടോ എന്ന് ചോദിക്കുമ്പോൾ _ഒരു വെള്ളപ്പൊക്കം വന്നാൽ ആദ്യം വിളിക്കുന്നത് ഞങ്ങൾ പട്ടാളക്കാരെ അല്ലെ, ഞങ്ങളോടാരും ഇതൊന്നും ചോദിക്കാറില്ല_ എന്നിട്ടൊരു നടത്തം, ഒരൊറ്റ ഡയലോഗിൽ ഫുൾ ആർമിക്ക് സല്യൂട്ട് അടിപ്പിച്ചുകളഞ്ഞു
📌പ്രീ ക്ലൈമാക്സ് സ്പീച്
📌കല്യാണി പറയുന്ന _ഇന്ന് ഞാൻ തുറന്ന് സംസാരിച്ചില്ലേ, ഇന്ന് ഞാൻ നേരത്തെ ഉറങ്ങും_
രണ്ടാം പകുതിയിൽ എവിടെയൊക്കെയോ അല്പം സീനുകൾ തമ്മിൽ ഒരു ചെറിയ ഫ്ലോ കുറവ് തോന്നിയെങ്കിലും സീനുകൾ നന്നായി തന്നെ പോയി. ക്ലൈമാക്സ് ഭാഗം മാത്രം അപൂർണ്ണമായി തോന്നി, ഒന്ന് കൂടി റീവർക്ക് ചെയ്യാമായിരുന്നു ആ സീനും ഡയലോഗുകളും, വളരെ പെട്ടെന്ന് തീർന്നല്ലോ എന്ന പോലെ ആയി പ്രേക്ഷകർക്ക്. റണ്ണിങ്ങ് ക്രെഡിറ്റ് രംഗം ഒരു പരിധി വരെ ആ കുറവ് നികത്തുന്നുണ്ട്.
അനൂപ് സത്യന്റെ അരങ്ങേറ്റം നന്നായി, സത്യൻ അന്തിക്കാട് മലയാള സിനിമയ്ക്ക് നൽകിയ നന്മകളിൽ ഒരു വ്യക്തി കൂടി
🎞GO FOR IT WITH YOUR FAMILY🎞