Originally Posted by
Perumthachan
അതീവ ആശങ്ക ഉയര്ത്തും വിധമാണ് കോവിഡ് വ്യാപനമെങ്കിലും ഉടന് സമ്പൂര്ണ ലോക്ക്ഡൗണ് വേണ്ടെന്ന തീരുമാനമാണ് മന്ത്രിസഭ കൈക്കൊണ്ടത്. കര്ശന നിയന്ത്രണം വേണമെന്ന ആരോഗ്യവകുപ്പിന്റെ അഭിപ്രായം ആരോഗ്യമന്ത്രി മന്ത്രി സഭയെ അറിയിച്ചു. എന്നാല് വിദഗ്ധ സമിതി ഇപ്പോഴും സമ്പൂര്ണലോക്ക്ഡൗണിനെ പൂര്ണമായി പിന്തുണച്ചിട്ടില്ല. സാമ്പത്തികവും സാമൂഹികവുമായ യാഥാര്ഥ്യങ്ങളും കണക്കിലെടുക്കണമെന്ന് ചില മന്ത്രിമാര് യോഗത്തില് അഭിപ്രായപ്പെട്ടു. സര്വ കക്ഷിയോഗത്തിന്റെ അഭിപ്രായം, മതസാമുദായിക നേതാക്കളുടെ അഭിപ്രായം എന്നിവയും പരിഗണിക്കും. തിങ്കളാഴ്ച പ്രത്യേക മന്ത്രിസഭാ യോഗം ചേര്ന്ന് തീരുമാനമെടുക്കും.