Hi I'm Tony - Niroopakan Review

[Niroopakan]

സൈക്കൊളജിക്കൽ ത്രില്ലർ എന്ന വിഭാഗത്തിൽ പെടുന്ന ചിത്രങ്ങൾ മലയാളത്തിൽ അധികം ഉണ്ടായിട്ടില്ല.
സൂക്ഷ്മതയോടെ കൈകാര്യം ചെയ്തില്ലയെങ്കിൽ അമ്പേ പാളിപ്പോകാവുന്ന വിഭാഗമാണ്* ഇവയെന്ന ബോദ്ധ്യം നമ്മുടെ സംവിധായകർക്ക് ഉള്ളത് കൊണ്ട് ആകാം ഇത്. ആദ്യ ചിത്രമായ 'ഹണി ബീ' നേടിയ വൻ വിജയത്തിന്റെ ഊർജം ഉൾക്കൊണ്ട് ലാൽ ജൂനിയർ അവതരിപ്പിച്ച 'ഹായ്, ഐ ആം ടോണി' ഒരു സൈക്കൊളജിക്കൽ ത്രില്ലർ ആണ്.
സമീർ, ടീന എന്നിവർ താമസിക്കുന്ന ഫ്ലാറ്റിലേക്ക് എത്തുന്ന ടോണിയുടെ ചില ചോദ്യങ്ങൾ ഇരുവരേയും കുഴയ്ക്കുന്നു. ടോണി ഏറെ ദുരൂഹത ഉണർത്തുന്ന കഥാപാത്രം ആണ്. അയാൾ സമീറിന്റെയും ടീനയുടെയും ജീവിതത്തിൽ ഉണ്ടാക്കുന്ന പ്രശ്നങ്ങൾ സിനിമയെ മുന്നോട്ടു നയിക്കുന്നു.
മുൻപ് സൂചിപ്പിച്ചത് പോലെ ശ്രദ്ധയോടെ കൈകാര്യം ചെയ്തില്ല എങ്കിൽ ആസ്വാദനത്തിന്റെ രസച്ചരട് പൊട്ടിപോകാൻ സാദ്ധ്യത ഏറെയാണ്* ഇത്തരം ചിത്രങ്ങളിൽ. ഗംഭീരമായ തുടക്കത്തോടെ പ്രേക്ഷകനെ ആകാംക്ഷയുടെ മുൾമുനയിൽ നിർത്തിയാണ് ചിത്രം ആരംഭികുന്നത്. പക്ഷേ കഥാഗതിയുടെ മുൻപോട്ടുള്ള ഒഴുക്കിൽ ചിത്രം പ്രേക്ഷകനെ ഒരു തരത്തിലും സ്പർശിക്കാതെ കടന്നു പോകുന്നു . രണ്ടാം പകുതി ആകുമ്പോഴേക്കും വിരസതയുടെ പാരമ്യത്തിൽ പ്രേക്ഷകനെ എത്തിക്കുകയാണ് 'ഹായ്, ഐ ആം ടോണി'. തിരക്കഥാ രചനയിൽ സമ്പൂർണ പരാജയം ആകുന്നു ലാൽ ജൂനിയർ.
സംവിധാന മികവു കൊണ്ട് തിരക്കഥയിലെ പാളിച്ചകളെ ഇല്ലാതാക്കുവാൻ കഴിയാതെ 'ഹായ്, ഐ ആം ടോണി' പ്രേക്ഷകന് നിറഞ്ഞ നിരാശ മാത്രം സമാനിക്കുന്നു. അഭിനേതാക്കളുടെ മികച്ച പ്രകടനം ആണ് ചിത്രത്തെ അൽപ്പമെങ്കിലും ആകർഷണീയമാക്കുന്നത് . ടോണി ആയി ലാൽ മിന്നിയപ്പോൾ ആസിഫ് അലിയുടെ സമീറും മിയയുടെ ടീനയും മികച്ചു നിന്നു. ബിജു മേനോനും ലെനയും അടക്കം മറ്റു താരങ്ങളും തങ്ങളുടെ കഥാപാത്രങ്ങളെ മികവുറ്റതാക്കി. സാങ്കേതിക വശങ്ങളും ചിത്രത്തിന് പിന്തുണ നൽകുന്നതിൽ വിജയിച്ചിരിക്കുന്നു.
ഒരു സിനിമക്ക് അതിന്റെ സബ്ജക്റ്റ് ആവശ്യപ്പെടുന്ന തരം സമീപനം തിരക്കഥയിലും അവതരണത്തിലും ഉണ്ടായില്ല എങ്കിൽ എന്ത് സംഭവിക്കും എന്നതിന്റെ ഒടുവിലത്തെ ഉദാഹരണം ആയി മാറുന്നു ലാൽ ജൂനിയറിന്റെ ഹായ്, ഐ ആം ടോണി.


Fb- https://www.facebook.com/Chithrashala

[MalluSingh]

Thankss Bhaiii!!!!!!!!!!!!

[wayanadan]

thanxxx niroopakaaaaaaaaa

[krishnaranni]

[Don Mathew]

Thanks Niroopakan....

[ClubAns]

Thanks Niroopakan ................

[Spunky]

Kollam nalla review :) Thank you

[Saathan]

thanks.....

[maryland]

thanks...

[PEACE THRU WAR]

thankssssss............