ഇക്കുറി പിറന്നാളിന് സര്*പ്രൈസ് പ്രഖ്യാപനം? ആരാധകര്*ക്കുള്ള പിറന്നാള്* സമ്മാനവുമായി മമ്മൂട്ടി
FILM UPDATE
September 6, 2017, 8:01 pm
SHARETHIS STORY
മമ്മൂട്ടിക്ക് വ്യാഴാഴ്ച 66ാം പിറന്നാള്*. പിറന്നാള്* ദിനത്തില്* അദ്ദേഹത്തിന് കരിയറില്* ഏറെ പ്രതീക്ഷയുള്ള ചില പ്രോജക്ടുകളുടെ സര്*പ്രൈസ് അനൗണ്*സ്*മെന്റ് നടക്കുമെന്ന് അറിയുന്നു. പലകാലങ്ങളിലായി വാര്*ത്തകളില്* വന്നതും എന്നാല്* ഒഫിഷ്യല്* അനൗണ്*സ്*മെന്റ് ഇതുവരെ നടക്കാത്തതുമായി ചില പ്രോജക്ടുകളുണ്ട്. നാളെ അനൗണ്*സ്*മെന്റ് നടക്കുമെന്ന് പ്രതീക്ഷിക്കപ്പെടുന്ന പ്രോജക്ടുകള്* ഇവയില്* നിന്നുമാകാം.
കുഞ്ഞാലിമരയ്ക്കാര്*
മമ്മൂട്ടി നായകനാവുന്ന മെഗാ പ്രോജക്ട്. ടി.പി.രാജീവന്* രചന നിര്*വ്വഹിക്കുന്ന ചിത്രത്തിന് അഡീഷണല്* സ്*ക്രീന്*പ്ലേ ഒരുക്കുന്നത് ശങ്കര്* രാമകൃഷ്ണന്*. സാമൂതിരിപ്പടയ്ക്ക് വേണ്ടി പോര്*ച്ചുഗീസ് സൈന്യത്തിനെതിരെ കുഞ്ഞാലിമരയ്ക്കാര്* നടത്തിയ കപ്പല്* യുദ്ധം ഉള്*പ്പെടെ മമ്മൂട്ടി നായകനാവുന്ന സിനിമയ്ക്കായി ചിത്രീകരിക്കുമെന്നാണ് അറിയുന്നത്. മമ്മൂട്ടിയുടെ കരിയറിലെ ഏറ്റവും ഉയര്*ന്ന ബജറ്റിലുള്ള ചിത്രമായിരിക്കും കുഞ്ഞാലിമരക്കാര്*. ബോളിവുഡിലെയും ദക്ഷിണേന്ത്യയിലെയും മുന്*നിര സാങ്കേതിക പ്രവര്*ത്തകര്* ചിത്രത്തിനായി അണിനിരയ്ക്കും. പക്ഷേ സംവിധായകന്* ആരെന്നത് സര്*പ്രൈസ്. അഡീഷണല്* സ്*ക്രീന്*പ്ലേ ഒരുക്കുന്ന ശങ്കര്* രാമകൃഷ്ണന്*, സന്തോഷ് ശിവന്*, അമല്* നീരദ് എന്നിവരുടെ പേരുകളാണ് സംവിധായകന്റെ റോളിലേക്ക് പറഞ്ഞുകേട്ടത്. എന്നാല്* അമല്* നീരദ് തന്റെ പേര് വാര്*ത്തകളില്* തെറ്റായി പരാമര്*ശിക്കപ്പെട്ടതാണെന്ന് പറഞ്ഞിരുന്നു. ഓഗസ്റ്റ് സിനിമാസ് ആണ് നിര്*മ്മാണം.
മാമാങ്കം പശ്ചാത്തലമാക്കുന്ന ചിത്രം
മലയാളത്തിലെ ചേകവര്* കഥാപാത്രങ്ങളില്* എക്കാലവും ഓര്*ക്കപ്പെടുന്ന ഒന്നാണ് 'ഒരു വടക്കന്* വീരഗാഥ'യിലെ ചന്തു. മമ്മൂട്ടി അനശ്വരമാക്കിയ എംടി-ഹരിഹരന്* കഥാപാത്രം. മാമാങ്കം പശ്ചാത്തലമാക്കി ഒരുങ്ങുന്ന ഒരു ബിഗ് ബജറ്റ് പ്രോജക്ടും മമ്മൂട്ടിയുടേതായി വരുമെന്ന് റിപ്പോര്*ട്ടുകളുണ്ടായിരുന്നു. വേണു ഇല്ലംപള്ളിയുടെ പേരാണ് നിര്*മ്മാതാവിന്റെ സ്ഥാനത്ത് കേട്ടത്. ചേകവര്* കഥാപാത്രമായിരിക്കും മമ്മൂട്ടിയുടേത്.
ദുല്*ഖര്*-മമ്മൂട്ടി ചിത്രം
മമ്മൂട്ടിയുടെ മാത്രമല്ല ദുല്*ഖര്* ആരാധകരെയും ആവേശത്തിലാക്കാന്* പോന്ന പ്രോജക്ട്. അണിയറയില്* ചര്*ച്ചകള്* പലത് നടന്ന ഈ പ്രോജക്ടിന്റെ സംവിധായകന്* ആരെന്ന് ഇനിയും അറിവായിട്ടില്ല. ബിഗ് ബിയുടെ രണ്ടാം ഭാഗമെന്ന നിലയില്* അമല്* നീരദിന്റെ സംവിധാനത്തില്* ഒരു മമ്മൂട്ടി-ദുല്*ഖര്* ചിത്രം ഒരുങ്ങാനിടയുണ്ടെന്നും സൂചനകളുണ്ട്.
രാജാ 2
'പുലിമുരുകന്റെ' വിജയത്തിന് ശേഷം വൈശാഖ് പ്രഖ്യാപിച്ച പ്രോജക്ട്. മമ്മൂട്ടി-വൈശാഖ് ടീമിന്റെ സൂപ്പര്*ഹിറ്റ് ചിത്രം 'പോക്കിരിരാജ'യിലെ രാജ എന്ന കഥാപാത്രത്തിന്റെ തുടര്*ച്ചയാവും ഈ സിനിമ. 2010ല്* തീയറ്ററുകളിലെത്തിയ ആദ്യ ഭാഗത്തിനു സിബി കെ തോമസും ഉദയകൃഷ്ണനും ചേര്*ന്നാണ് തിരക്കഥ എങ്കില്* രാജാ 2 വിന്റെ രചന ഉദയകൃഷ്ണ മാത്രമായാണ്. പോക്കിരിരാജയും പുലിമുരുകനും നിര്*മ്മിച്ച ടോമിച്ചന്* മുളകുപാടമാണ് രാജാ 2 നിര്*മ്മിക്കുന്നത്. ഇന്ത്യയിലെ തന്നെ മികച്ച സാങ്കേതിക പ്രവര്*ത്തകരും വിഎഫ്എക്സ് ടീമും താരങ്ങളും സഹകരിക്കുന്ന ചിത്രം. മലയാളം , തമിഴ്, തെലുങ്ക് ഭാഷകളിലായി ഒരേ സമയം ചിത്രീകരണം നടക്കും. ഒരു പക്ഷേ മമ്മൂട്ടിയുടെ കരിയറിലെ തന്നെ ഏറ്റവും ഉയര്*ന്ന ബജറ്റ് സിനിമകളിലൊന്നാവും ഇത്.