പത്തേമാരി ഒരു അവലോകനം

[jishnujdas]

തലശേരി ലിബർട്ടി സ്യൂട്ട് 15/10/2015 2.45 മണി ഷോ 90%

അങ്ങനെ ഇന്ന് പത്തേമാരി കണ്ടു.സലീം അഹമ്മദിൻറ്റെ ആദ്യ ചിത്രം ആദാമിൻറ്റെ മകൻ അബു എനിക്കു ഇഷ്ടമായിരുന്നു.ഒരു അവാർഡ് സിനിമ എന്ന നിലയിൽ വന്നെങ്കിലും അത്തരം നാട്യങ്ങൾ ഒന്നുമില്ലാത്ത ചിത്രം.എന്നാൽ രണ്ടാമത്തെ ചിത്രം അത്തരം ജാഡനാട്യങ്ങളുടെ അങ്ങേയറ്റമായിരുന്നു.അസഹ്യമായ ക്ഷമപരീക്ഷണം.അതു കൊണ്ട് തന്നെ ഈ ചിത്രം കാണേണ്ട എന്ന് ആദ്യമേ തീരുമാനിച്ചതാണ്.പിന്നീട് വളരെ നല്ല അഭിപ്രായങ്ങൾ വന്നതു കൊണ്ടു മാത്രമാണ് പടം കണ്ടത്.എന്തായാലും ചിത്രം നിരാശപ്പെടുത്തിയില്ല.

കഥയുടെ തുടക്കം മലയാളികൾക്ക് പണ്ടേ സുപരിചമാണ്.ദാസനേയും വിജയനേയും കാലിഫോർണിയക്ക് ചരക്ക് കയറ്റുന്ന ഉരുവിൽ ദുഫായ് കടപ്പുറം വഴി മദിരാശിയിൽ ഇറക്കിയ് ഗഫൂർക്ക. ഈ ഗഫൂറിൻറ്റെ ഒറിജിനലാണ് പള്ളിക്കൽ നാരായണനേയും ഒട്ടനവധി പേരേയും പത്തേമാരിയിൽ ദുബായിൽ എത്തിച്ച സിദ്ദിക്കിൻറ്റെ ലോഞ്ച് വേലായുധൻ.പടം തുടങ്ങി കുറച്ചധികം സമയം കഴിഞ്ഞേ മമ്മൂട്ടി എന്ന നടൻ സ്ക്രീനിൽ വരുന്നുവെങ്കിലും അതു വരെയുള്ള ഭാഗങ്ങളും ഗംഭീരമാണ്. പത്തേമാരിയിൽ കാറ്റിലും കോളിലും ഉലയുന്ന ഒരു രംഗം ഗ്രാഫിക്സ് ഉപയോഗിച്ച് ഗംഭീരമായി കാണിച്ചിട്ടുണ്ട്.ശരിക്കും കപ്പിലിൽ നിന്ന് ആടുകായാണെന്ന തോന്നൽ വരുന്ന രീതിയിൽ ഉജ്ജ്വലം.മമൂട്ടി രംഗപ്രവേശം ചെയ്തതിനു ശേഷം ഹൃദയസ്പർശിയായ രംഗങ്ങളാൽ സമ്പന്നമാണ് ഈ ചിത്രം.മമ്മൂട്ടിയും സന്തോഷ് കീഴാറ്റൂരുമുള്ള രംഗം എടുത്തു പറയേണ്ടതാണ്. അതിമനോഹരമായാണ് ചിത്രത്തിൻറ്റെ ഒന്നാം പകുതി അവസാനിക്കുന്നത്.

എന്നാൽ ഒന്നാം പകുതിയുടെ ആ മികവ് തീവ്രത രണ്ടാം പകുതിയിൽ വന്നില്ല എന്നു വച്ചു മോശമായി എന്നല്ല നല്ല രീതിയിൽ തന്നെ കഥ മുന്നോട്ടു കൊണ്ടു പോയി നല്ല ക്ലൈമാക്സോടെ ചിത്രം അവസാനിപ്പിച്ചിട്ടുണ്ട്.പക്ഷേ ഒന്നാം പകുതിയുടെ ആ മികവ് ഇവിടെയും ആവർത്തിച്ചിരുന്നെങ്കിലും ചിത്രം വേറെ തലത്തിൽ എത്തിയേനേ.
മമ്മൂട്ടിയും ശ്രീനിവാസനും സിദ്ദിക്കും എന്തിനു ജുവൽ മേരി വരെ നന്നായി അഭിനയിച്ചിട്ടുണ്ട്. പക്ഷേ പാലേരിമാണിക്യത്തിലെ അഹമ്മദ് ഹാജിക്കും വർഷത്തിലെ വേണുവിനും പിന്നിലാണ് സമീപകാല മമ്മൂട്ടിചിത്രങ്ങൾ എടുത്തു നോക്കിയാൽ പള്ളിക്കൽ നാരായണൻ എന്നു തന്നെയാണ് എൻറ്റെ അഭിപ്രായം.സലീം അഹമ്മദിൻറ്റെ മൂന്നു ചിത്രങ്ങളിൽ വച്ച് ഏറ്റവും മികച്ചത് തന്നെയാണ് പത്തേമാരി.

2-3 വർഷങ്ങക്കു മുമ്പായിരുന്നെങ്കിൽ ലോ ബഡ്ജറ്റ് അവാർഡ് പടങ്ങളായി വന്ന് ഷുവർ ഫ്ലോപ്പായി പോകേണ്ട പടങ്ങളായിരുന്നു എന്നു നിൻറ്റെ മൊയ്തീനും പത്തേമാരിയുമൊക്കെ എന്നാൽ ഇന്ന് ബിഗ് ബഡ്ജറ്റിൽ വന്ന് നിറഞ്ഞ സദസ്സിൽ ഓടുന്ന നിലയിൽ എത്തി മലയാളസിനിമ

3.5/5

[PEACE THRU WAR]

thanks my dear.....

[Malik]

Thanks machaa

[wayanadan]

thanxxxxxxxxxxxxxxx jishnu .....

[paavam]

Thanks for the review ...

[renjuus]

thanks bhai...

[Jishnu Anand]

Thanks bhai...

[4EVER]

Thanks for the review

[Nishpakshan]

Good review...

[riyan]

Thanks for the review