മഹേഷിന്റെ പ്രതികാരം - review

[Jomon Thiru]

മഹേഷിന്റെ പ്രതികാരം

■"എന്റെ സിനിമകള്* ആളുകള്* കാണണമെന്ന് അതിയായ ആഗ്രഹമുണ്ടെനിക്ക്. അതും നല്ല സിനിമകള്* ആണെങ്കില്* മാത്രം. അത്രയും മതി എനിക്ക്. അത് കൊണ്ട് തന്നെ ഫാന്*സ്* അസോസിയേഷന്* വേണ്ട എന്ന തീരുമാനത്തില്* ഞാൻ ഉറച്ചു നില്*ക്കുന്നു..." -തന്റെ പുതിയ ചിത്രം ഇറങ്ങുന്നതിന്*, കേവലം ഒരാഴ്ച മുൻപ്*, ഇത്തരത്തിൽ ഒരു പ്രസ്താവന നടത്താൻ ചങ്കൂറ്റമുള്ള എത്ര നടന്മാർ ഇന്നുണ്ട്*?


■മറ്റ്* യുവതാരങ്ങളിൽ നിന്നും, ഫഹദ്* ഫാസിൽ എന്ന നടനെ വേർതിരിക്കുന്ന ഏറ്റവും വലിയ പ്രത്യേകത, അദ്ദേഹത്തിനെ ആയാസരഹിതമായ അഭിനയ ശൈലിയാണ്*. ഏതു വേഷവും, നിഷ്പ്രയാസം അവതരിപ്പിക്കുന്ന ഈ നടന്റെ, ഏറ്റവും പുതിയ ചിത്രമാണ്* 'മഹേഷിന്റെ പ്രതികാരം.' സമീപകാലത്ത്* ആസ്വദിച്ച ഏറ്റവും മികച്ച ട്രൈലർ, ഈ ചിത്രം കാണുവാനുള്ള എന്നിലെ പ്രേക്ഷകന്റെ വാഞ്*ജയെ വാനോളമുയർത്തി.

■121 minutes ദൈർഘ്യമുള്ള, യഥാർത്ഥ സംഭവത്തെ അടിസ്ഥാനപ്പെടുത്തിയുള്ള ഈ ചിത്രം, മഹേഷ്* എന്ന ഫോട്ടോഗ്രാഫറുടെ കഥയാണ്*. ഭാവന എന്ന പേരിൽ, മഹേഷ്* സ്വന്തമായി ഒരു സ്റ്റുഡിയോ നടത്തുന്നു. നിഷ്കളങ്കനായ മഹേഷ്* അവിചാരിതമായി ഒരു പ്രശ്നത്തിൽ അകപ്പെടാനിടയാവുകയും, തുടർന്ന് സംഭവിക്കുന്ന ചില കാര്യങ്ങളുമാണ്* ചിത്രത്തിന്റെ പ്രതിപാദ്യവിഷയം.

■പതിവ്* ഫഹദ്* ചിത്രങ്ങളിലേതുപോലെതന്നെ, ഇവിടെയും നായകനായി ഫഹദ്* അഭിനയിച്ചു എന്ന് പറയാൻ കഴിയില്ല, മഹേഷ്* എന്ന നാട്ടിൻ പുറത്തുകാരനെ മാത്രമേ നമുക്കവിടെ കാണുവാൻ കഴിയൂ. പിതാവിനെ വളരെയേറെ സ്നേഹിക്കുന്ന യുവാവായും, ഉത്തരവാദിത്തമുള്ള സ്റ്റുഡിയോ ഉടമയായും, ഒരു കാമുകനായും, വാക്കുകൾക്കും അതീതമായിരുന്നു ഫഹദിന്റെ പ്രകടനം.

■അപർണ്ണ ബാലമുരളി, അനുശ്രീ എന്നിവരാണ്* നായികമാർ. അനുശ്രീ 'സൗമ്യ' എന്ന നഴ്സായും, അപർണ്ണ 'ജിംസി' എന്ന വിദ്യാർത്ഥിനിയായും വേഷമിട്ടു. യുവനടിമാരിൽ ഏറ്റവും കഴിവുള്ള നടിയായ അനുശ്രീയോടൊപ്പം, അപർണ്ണയും തന്റെ വേഷം തന്മയത്വത്തോടുകൂടി അവതരിപ്പിച്ചു.

■പാസ്റ്ററുടെ മകനായ 'ക്രിസ്പിൻ' അഥവാ 'ക്രിസ്പി' എന്ന ചെറുപ്പക്കാരനായി അഭിനയിക്കുന്നത്*, നമുക്കേവർക്കും പ്രിയങ്കരനായ സൗബിൻ ഷാഹിർ. സ്ക്രീനിൽ കാണുന്ന നിമിഷം മുതൽ, ചിത്രത്തിന്റെ അവസാനം വരെ ക്രിസ്പി വളരെയധികം ചിരിപ്പിച്ചു.

■ബേബി എന്ന, പ്രാധാന്യമുള്ള വേഷം അവതരിപ്പിക്കുന്നത്* അലൻഷ്യർ. ജാഫർ ഇടുക്കി ഇന്നോളം ചെയ്ത വേഷങ്ങളിൽ നിന്നും വ്യത്യസ്തമായിരുന്നു, ഈ ചിത്രത്തിലെ ഗൃഹനാഥന്റെ വേഷം.

■ദിലീഷ്* പോത്തൻ ഈ ചിത്രത്തിൽ, എൽദോച്ചായൻ എന്ന കഥാപാത്രത്തെ അവതരിപ്പിച്ചു. അദ്ദേഹം തന്നെയാണ്* ഈ ചിത്രം സംവിധാനം ചെയ്തിരിക്കുന്നത്*.
ശ്യാം പുഷ്കരൻ രചന നിർവഹിക്കുന്ന ഈ ചിത്രം നിർമ്മിക്കുന്നത്* ആഷിഖ്* അബു.


��CAMERA

■'ഇടുക്കി അണക്കെട്ട്*' ഉൾപ്പെട്ട, ഇടുക്കിയുടെ ദൃശ്യഭംഗി ഷൈജു ഖാലിദ്* വളരെ നന്നായി ക്യാമറയിൽ പകർത്തിയിരിക്കുന്നു.♪♬MUSIC & ORIGINAL SCORES

■ആഷിഖ്* അബുവിനോടൊത്തുചേരുമ്പോൾ ബിജിബാൽ എന്ന സംഗീതസംവിധായകന്* ശോഭയേറും. ആ പതിവ്*, ഇവിടെ വീണ്ടും ആവർത്തിക്കപ്പെട്ടു. ഗാനങ്ങളെല്ലാം നന്നായിട്ടുണ്ട്*. ബിജിബാൽ ആലപിക്കുന്ന 'മലമേലെ' എന്നുതുടങ്ങുന്ന ആദ്യഗാനം ഇടുക്കിയുടെ മനോഹാരിതയെ വിളിച്ചോതുന്നു. 'പൂക്കാലം കൈവീശി' എന്നു തുടങ്ങുന്ന ഗാനം ഏറെ നന്നായിരുന്നു.
പശ്ചാത്തലസംഗീതം സന്ദർഭോചിതമായിരുന്നു.

Overall view

■ഒരു കൊച്ചുകഥയെ ഹാസ്യത്തിന്റെ മേമ്പൊടി ചേർത്ത്* അതിമനോഹരമായി ആവിഷ്കരിച്ചിരിക്കുന്നു. തുടക്കം മുതൽ, അതീവരസകരമായ സംഭാഷണങ്ങളിലൂടെ മുൻപോട്ടുപോകുന്ന ഈ ചിത്രം, ഒരു നിമിഷം പോലും ബോറടിപ്പിക്കുകയില്ല. നല്ല തിരക്കഥ, ദിലീഷ്* പോത്തന്റെ ആദ്യ സംവിധാന സംരംഭം ആണെന്നുകൂടി തോന്നുകയില്ലാത്തവിധമുള്ള മികച്ച മേക്കിംഗ്*.


■നിഷ്കളങ്കമായ നാട്ടിൻപുറത്തിന്റെ നന്മകളും, കുടുംബാന്തരീക്ഷവും സൗഹൃദവും, പ്രണയവും ഉൾപ്പെടുത്തപ്പെട്ട ആദ്യപകുതിയും, അതിനോട്* പൂർണ്ണമായും യോജിക്കുന്ന രണ്ടാം പകുതിയും, വളരെ മികച്ച രീതിയിലുള്ള ഉപസംഹാരവും. നമുക്കേവർക്കും ഈ ചിത്രം പൂർണ്ണതൃപ്തി നൽകും.


■തുടക്കത്തിൽ സൂചിപ്പിച്ചതുപോലെ, തന്റെ സിനിമകള്*, നല്ലതാണെങ്കില്* മാത്രം നിങ്ങൾ കാണണം എന്ന് ഫഹദ്* പറഞ്ഞതിനു പിന്നിലെ ആത്മവിശ്വാസം എന്തായിരുന്നു? അദ്ദേഹത്തിനു തന്നെ, ഈ ചിത്രത്തേക്കുറിച്ച്* അവബോധമുണ്ടായിരുന്നു. ഈ തിരിച്ചുവരവിൽ, ഒരു തികവുറ്റ കുടുംബചിത്രം ഫഹദ്* നമുക്കായി നൽകിയിരിക്കുന്നു. ഈ ചിത്രം നിങ്ങൾക്കും കുടുംബസമ്മേതം പോയിക്കാണാവുന്നതാണ്*.



My Rating:3.25/★★★★★


വാൽക്കഷണം:

■ഒരു ചിത്രം വിജയിക്കണമെങ്കിൽ, ഫാൻസ്* അസോസിയേഷൻ ആവശ്യമല്ല എന്ന ഫഹദിന്റെ പ്രസ്താവന തീർച്ചയായും പ്രശംസാർഹമാണ്*. ഇവിടെ ഫാൻസില്ല, മോശം ചിത്രത്തെ നല്ലതാക്കിപ്പറയുവാനോ, നായകനെ വാഴ്ത്തുവാനോ അപകീർത്തിപ്പെടുത്തുവാനോ ആരുമില്ല. ഒരു നല്ല ചിത്രം വിജയിക്കുക എന്നത്*, നമുക്കേവർക്കും അഭിമാനിക്കത്തക്കവിധത്തിലുള്ള ഒന്നുതന്നെയാണ്*. തീർച്ചയായും, ഫഹദ്* ഫാസിൽ എന്ന നടന്റെ കരിയറിലെ വലിയൊരു വിജയം തന്നെയായിരിക്കും ഈ ചിത്രം.

[Bilalikka Rules]

Thanks Jomon..........

[gldnstar]

Thanks @Jomon Thiru

[Film Freak]

Thanks Jomon...

[wayanadan]

thanxxxxx jomon

[baadshahmian]

Thanks Jomon

[yathra]

Thanks jomon bhai nala,review

[Balram]

thnx Jomon.. Mahesh prathikaram cheyyatte..

[aneesh mohanan]

thanks jomon

[rajivnedungadi]

Thanks for the review