Page 62 of 62 FirstFirst ... 1252606162
Results 611 to 614 of 614

Thread: Nature Lovers Thread - പ്രകൃതിസ്നേഹികളെ ഇതിലേ ഇതിലേ

  1. #611
    FK Muni Naradhan's Avatar
    Join Date
    Apr 2010
    Location
    Devalogam
    Posts
    40,448

    Default


    Quote Originally Posted by BangaloreaN View Post
    മറയൂരിന്റെ മനമിളക്കി മരത്തക്കാളി !



    വിളവെടുപ്പിന് പാകമായ മരത്തക്കാളി

    മറയൂർ മലനിരകളിൽ മരത്തക്കാളി വിളവെടുപ്പിന് പാകമായി. കാന്തല്ലൂരിലെ പെരുമല, കീഴാന്തൂർ തുടങ്ങിയ പ്രദേശങ്ങളിലാണ് മരത്തക്കാളി പാകമായത്. ഇന്ത്യയിൽ അപൂർവം ഭൂപ്രദേശങ്ങളിൽ മാത്രമേ മരത്തക്കാളി വിളയൂ. വൈകി എത്തിയ മഴയിൽ ഹരിതാഭമായി തീർന്ന തോട്ടങ്ങളിൽ ചുവന്നു തുടുത്ത പഴങ്ങൾ വിളഞ്ഞു കിടക്കുന്നത് കർഷകനും കാഴ്ചക്കാർക്കും മനം നിറയ്ക്കുന്ന കാഴ്ച. കാലാവസ്ഥാ വ്യതിയാനം വിളവ് പകുതിയോളം കുറയാൻ കാരണമായെന്നു കർഷകർ പറയുന്നു. മറയൂർ, കാന്തല്ലൂർ, മൂന്നാർ പ്രദേശങ്ങളിൽ സന്ദർശനത്തിനു എത്തുന്ന വിനോദ സഞ്ചാരികളാണ് പ്രധാന ഉപഭോക്താക്കൾ. കിലോഗ്രാമിന് 60 മുതൽ 100 രൂപ വരെ കർഷകന് ലഭിക്കുന്നു. ഏഥൻസ്, പെറു രാജ്യങ്ങളിലാണ് ഈ സസ്യം ആദ്യം കണ്ടെത്തിയത് .

    വർഷങ്ങളായി മറയൂർ, കാന്തല്ലൂർ പ്രദേശങ്ങളിലെ തോട്ടങ്ങളിൽ ഇവ വളരാറുണ്ടെങ്കിലും വ്യാവസായിക പ്രാധാന്യം കൈവരിച്ചത് അടുത്ത കാലത്ത്. ഒരു ടൺ ഉൽപാദനം നിലവിൽ കാന്തല്ലൂർ - മറയൂർ പ്രദേശങ്ങളിലുണ്ട്. 15 മീറ്ററോളം ഉയരത്തിൽ വളരുന്നചെടിയിൽ നിന്നു 20 കിലോ വരെ വിളവ് ലഭിക്കും. പഴത്തിനുള്ളിലെ വിത്തിൽ നിന്നുള്ള തൈ വളർത്തിയാണ് കൃഷി . നാലു വർഷത്തിനുള്ളിൽ വിളവ് ലഭിച്ചു തുടങ്ങും 12 വർഷം വരെ ലഭിക്കും. 10 അടി അകലത്തിൽ ചെടികൾ നടണം. ചാണകം മാത്രമാണ് വളമായി നൽകുന്നത്.വൈറ്റമിൻ എയും അയണും ധാരാളമായി അടങ്ങിയിട്ടുള്ള മരത്തക്കാളിക്ക് വിദേശ രാജ്യങ്ങളിൽ ആവശ്യക്കാരേറെ.
    ചാണകം എന്ന് പറയുമ്പോൾ പശുവിന്റെ അല്ലെ ?? അപ്പോൾ വില കുറവാണല്ലോ ... സ്വർണാംശം ഒക്കെ ഉള്ളതല്ലേ...?
    Narayana ... Narayana ...

  2. #612
    F.K. VazhipokkaN BangaloreaN's Avatar
    Join Date
    Jan 2011
    Location
    Bangalore
    Posts
    98,730

    Default

    കിളികൾ എവിടെ പോയി? അങ്ങാടിക്കുരുവികളെ കാത്ത് ഒരു കൂട്ടം മനുഷ്യർ!


    Disappearing House Sparrows
    കുറച്ചു വർഷങ്ങൾക്കു മുൻപ്, കോട്ടയം മാർക്കറ്റിലെ എം.എൽ റോഡിലൂടെ നടക്കുമ്പോൾ കടകൾക്കു മുൻപിലും കേബിളുകളിലും കലപില കൂട്ടി പറന്നു നടന്നിരുന്ന അങ്ങാടിക്കുരുവി കൂട്ടങ്ങൾ ഒരു പതിവു കാഴ്ചയായിരുന്നു. കുട്ടികളെയും കൂട്ടി ആ കാഴ്ച കാണാനെത്തുന്നവരും പതിവായിരുന്നു. എം.എൽ റോഡ് അങ്ങനെ അങ്ങാടിക്കുരുവി റോഡായി. പക്ഷെ, നൂറുകണക്കിനു അങ്ങാടിക്കുരുവികൾ ഉണ്ടായിരുന്ന കോട്ടയം മാർക്കറ്റിൽ ഇപ്പോൾ ആ കിളിയൊച്ചകൾ കേൾക്കുന്നില്ല. 2012ൽ എഴുന്നൂറിലധികം ഉണ്ടായിരുന്ന കിളികൾ ഏഴുവർഷങ്ങൾക്കിപ്പുറം വെറും 38 എന്ന എണ്ണത്തിലേക്ക് ചുരുങ്ങിയിരിക്കുന്നു. അവർക്കായി വ്യാപാരികൾ ഒരുക്കിയ മൺകലങ്ങളും ശൂന്യമാണ്.

    കിളികൾ എവിടെ പോയി?

    കഴിഞ്ഞ വേനലിനു ശേഷമാണ് കിളികൾ മൊത്തത്തിൽ അപ്രത്യക്ഷരായതെന്ന് എം.എൽ റോഡിൽ വ്യാപാരം നടത്തുന്ന ജോമി മാത്യു പറയുന്നു. നൂറുകണക്കിനു കിളികളായിരുന്നു പതിവായി ജോമിയുടെ കടയിൽ ബിരിയാണി അരി കഴിക്കാൻ വന്നുകൊണ്ടിരുന്നത്. ഇപ്പോഴെത്തുന്നത് അഞ്ചോ ആറോ മാത്രം. ഇതിനെ സാധൂകരിക്കുന്നതാണ് ട്രോപിക്കൽ ഇൻസ്റ്റിറ്റ്യൂട്ട് ഓഫ് ഇക്കോളജിക്കൽ സയൻസസ് (TIES) പുറത്തുവിട്ട കണക്കുകൾ. ഇവർ നടത്തിയ സർവെ അനുസരിച്ച് 2012ൽ കോട്ടയം മാർക്കറ്റിലെ അങ്ങാടിക്കുരുവികളുടെ എണ്ണം 740 ആയിരുന്നു. 2103ൽ ഇത് 610 ആയും 2014ൽ 580 ആയും കുറഞ്ഞു. 2015 ആയപ്പോഴേക്കും കിളികളുടെ എണ്ണം ഒറ്റയടിക്ക് പാതിയായി കുറഞ്ഞ് 240ലെത്തി. ഇവയെ സംരക്ഷിക്കാനുള്ള ശ്രമങ്ങൾ തുടങ്ങിയിട്ടും കുരുവികളുടെ എണ്ണം വർധിച്ചില്ല.

    ടൈസ് (TIES) പറയുന്നത്

    Disappearing House Sparrows
    വേൾഡ് വൈൽഡ്*ലൈഫ് ഫണ്ടിന്റെ റിപ്പോർട്ടു പ്രകാരം വംശനാശഭീഷണി നേരിടുന്ന പക്ഷികളുടെ പട്ടികയിൽ നിലവിൽ ലീസ്റ്റ് കൺസേൺ (Least concern) വിഭാഗത്തിൽ ഈ കുഞ്ഞൻ കുരുവികളുമുണ്ട്. കുരുവികൾക്ക് കൂടൊരുക്കാൻ കഴിയാത്ത തരത്തിലുള്ള കെട്ടിടനിർമാണരീതിയും ഇവരുടെ മുഖ്യ ആഹാരമായ ധാന്യങ്ങൾ വിഷലിപ്തമായതുമാകാം കുരുവികൾ കൂട്ടത്തോടെ അപ്രത്യക്ഷമായതിനു പിന്നിലെന്നാണ് ട്രോപിക്കൽ ഇൻസ്റ്റിറ്റ്യൂട്ട് ഓഫ് ഇക്കോളജിക്കൽ സയൻസസ് സെക്രട്ടറി ഡോ. പുന്നൻ കുര്യന്റെ നിരീക്ഷണം. മനുഷ്യർ കഴിക്കുന്ന അരിയാണ് കിളികൾ കഴിക്കുന്നത്. പക്ഷെ, അരി കഴുകി വേവിച്ചാണ് മനുഷ്യർ ഭക്ഷിക്കുന്നത്. എന്നാൽ, കിളികൾ നേരിട്ട് കഴിക്കുന്നു. അവരുടെ ശരീരത്തിനു യോജിക്കാത്ത എന്തെങ്കിലുമൊക്കെ ഈ ധാന്യങ്ങളിൽ ഉണ്ടായിരിക്കാമെന്നു ഡോ.പുന്നൻ കുര്യൻ ചൂണ്ടിക്കാട്ടുന്നു.

    ഓർമകളിലെ കിളിയൊച്ചകൾ

    House Sparrow
    എം.എൽ റോഡിലെ പല കടകളിലും അങ്ങാടിക്കുരുവികൾക്കായി മൺകുടങ്ങളുടെ കൂടൊരുക്കിയിരുന്നു. ചില വ്യാപാരികൾ കിളികളോടുള്ള സ്നേഹക്കൂടുതൽ കാരണം അവർക്കായി ഊഞ്ഞാലകളും ഇരിക്കാൻ പ്രത്യേക സ്റ്റാൻഡുകളും നിർമിച്ചു നൽകി. "എന്നും ഒരു രണ്ടു കൂടുകളിലെങ്കിലും മുട്ടകൾ ഉണ്ടാകുമായിരുന്നു. നാലു മുട്ടകൾ വരെ കൂടുകളിലുണ്ടായിരുന്ന സമയമുണ്ടായിരുന്നു. ഞാൻ ഇതൊക്കെ ദിവസവും നോക്കി ഇരിക്കുമായിരുന്നു. നല്ല പോലെ ഭക്ഷണം ഇവിടെയുള്ളതുകൊണ്ട് കുരുവികൾ നല്ല ആരോഗ്യമുള്ളവരായിരുന്നു. അവർക്ക് തീറ്റ തേടി എങ്ങും പോകേണ്ട സാഹചര്യം ഉണ്ടായിരുന്നില്ല," വ്യാപാരി ജോമി മാത്യു പറഞ്ഞു. കിളിക്കുഞ്ഞുങ്ങൾ മുട്ട വിരിഞ്ഞ് പറക്കാൻ തുടങ്ങിയാൽ കടയ്ക്കകത്ത് ഫാൻ പോലും ഇടാതെ കരുതലോടെ പെരുമാറിയിരുന്നവരുമുണ്ട്. ഫാനിലിടിച്ച് കിളികൾ ചത്തുപോകാതിരിക്കാനായിരുന്നു ആ കരുതൽ. എന്നാൽ, ഇപ്പോൾ ആ കൂടുകളും ഊഞ്ഞാലകളും അനാഥമാണ്.

    കാത്തിരിക്കുന്ന കണ്ണുകൾ

    House Sparrow
    മറ്റിടങ്ങളിൽ അങ്ങാടിക്കുരുവികളെ കാണുമ്പോൾ സങ്കടം തോന്നാറുണ്ടെന്ന് തുറന്നു പറയുകയാണ് വ്യാപാരികൾ. "അവർ സന്തോഷത്തോടെ മതി മറന്ന് നടന്നിരുന്ന സ്ഥലമായിരുന്നു കോട്ടയം മാർക്കറ്റ്. അവരെ നന്നായി മിസ് ചെയ്യുന്നുണ്ട്. അവരെ എങ്ങനെ തിരിച്ചു കൊണ്ടു വരണമെന്ന് അറിയില്ല. കിളികൾ അപ്രത്യക്ഷമാകുന്നതിന്റെ കാരണം കണ്ടെത്താൻ ശാസ്ത്രീയമായ പഠനം ആവശ്യമാണ്," വ്യാപാരികൾ പറയുന്നു. അങ്ങാടിക്കുരുവികൾ വീണ്ടും കൂട്ടത്തോടെ പറന്നെത്തുമെന്ന പ്രതീക്ഷയിൽ ഈ തെരുവിലെ കടക്കാർ ഇപ്പോഴും ഇവർക്കായി വെള്ളവും ധാന്യമണികളും കരുതി വയ്ക്കുന്നു. രാവിലെ കട തുറന്നാൽ ഒരു പാത്രത്തിൽ വെള്ളവും ഒരു പിടി അരിയും ഇവർക്കായി നീക്കിവച്ചതിനു ശേഷമാണ് മറ്റു പരിപാടികളിലേക്ക് ഇവിടെയുള്ളവർ പോകുന്നതു പോലും. ഇന്നല്ലെങ്കിൽ നാളെ അങ്ങാടിക്കുരുവികൾ കൂട്ടമായി പറന്നുവരുമെന്ന പ്രതീക്ഷയിലാണ് അവർ. കച്ചവടത്തിരിക്കിനിടയിലും അവരുടെ കണ്ണുകൾ തിരയുന്നത് കലപിലയുണ്ടാക്കി കടയിലെത്താറുള്ള ആ കുരുവി കൂട്ടുകാരെയാണ്.

  3. #613
    F.K. VazhipokkaN BangaloreaN's Avatar
    Join Date
    Jan 2011
    Location
    Bangalore
    Posts
    98,730

    Default

    പക്ഷികളുടെ സ്വന്തം നാട്ടിലേക്ക് ഒരു പെണ്*ഫോട്ടോഗ്രാഫര്* നടത്തിയ യാത്ര...

    # എഴുത്തും ചിത്രങ്ങളും: അപര്*ണ പുരുഷോത്തമന്*


    പൂക്കളും പുള്ളിമാനുകളും ചേര്*ന്നൊരു ചിത്രഭംഗി

    തട്ടേക്കാട് പക്ഷിസങ്കേതമാണ് പക്ഷിവൈവിധ്യങ്ങള്*കൊണ്ട് അക്ഷരാര്*ഥത്തില്* ഞെട്ടിച്ചിട്ടുള്ളത്. ഇലച്ചാര്*ത്തുകള്*ക്കിടയിലിരുന്ന് തീക്ഷ്ണമായ നോട്ടങ്ങളെറിയുന്ന മൂങ്ങകളും കണ്ണഞ്ചിപ്പിക്കുന്ന നിറങ്ങളില്* പാറിപ്പറന്ന് പിടിതരാതെയകലുന്ന മീന്*കൊത്തികളും ഒറ്റനോട്ടത്തില്* ആരെയും വശീകരിക്കുന്ന തീക്കാക്കകളും തിരിച്ചറിയാനാവാത്തവിധം ആവാസവ്യവസ്ഥയുമായി ഇഴുകിച്ചേര്*ന്നിരിക്കുന്ന മാക്കാച്ചിക്കാടകളും രാച്ചുക്കുകളും... ശരിക്കും പക്ഷികളുടെ പറുദീസ തന്നെ.



    ചെമ്പന്* നത്ത്*
    രാത്രിസഞ്ചാരികളായ പക്ഷികളാണ് അപൂര്*വതകളില്* ഏറെ മുന്നിലെന്ന് തോന്നിയിട്ടുണ്ട്. പകല്*സമയങ്ങളില്* ഏതെങ്കിലും മരച്ചില്ലകളില്* ഒതുങ്ങിക്കൂടിയിരിക്കുന്ന ഇവര്* രാവെത്തുമ്പോള്* ഊര്*ജസ്വലരായി ഇരതേടാനാരംഭിക്കും. അവയിലെ പ്രധാനികളിലൊരുവനാണ് ചെവിയന്* രാച്ചുക്ക് (Great Eared Nightjar). കുറുകിയ കാലുകളും വിലങ്ങനെ മരക്കൊമ്പിലിരിക്കാനുള്ള ബുദ്ധിമുട്ടും ഇവയെ തറയില്* കൂടുകൂട്ടാന്* പ്രേരിപ്പിക്കുന്നു. മൂങ്ങകളോട് സാദൃശ്യം തോന്നുമെങ്കിലും ഇവയുടെ മുഖവും ശരീരവും അവയുടെതില്*നിന്ന് വ്യത്യസ്തമാണ്.


    ഒരിക്കല്* ഒരു പക്ഷിനിരീക്ഷണദിനത്തില്* തട്ടേക്കാടുനിന്ന് തികച്ചും യാദൃച്ഛികമായാണ് ചെവിയന്* രാച്ചുക്കിനെ കാണാനായത്. കണ്ണുകളിറുക്കിയടച്ച് ഒരു താഴ്ന്ന മരക്കൊമ്പിലിരുന്ന പക്ഷിയെ തിരിച്ചറിയാന്* നന്നേ ബുദ്ധിമുട്ടി. അതിന് ബുദ്ധിമുട്ടുണ്ടാക്കാതെ സാവധാനം അല്പമകലെ മാറിനിന്ന് ചിത്രമെടുക്കുന്നതിനിടയിലാണ് അരികിലായി ഇണപ്പക്ഷിയെക്കൂടി കണ്ടത്. സാവധാനത്തില്* അതീവശ്രദ്ധയോടെ കുറച്ച് ചിത്രങ്ങള്* പകര്*ത്തി. ജീവിതത്തില്* ആദ്യമായാണ് ചെവിയന്* രാച്ചുക്കുകളെ ഇണകളായി കാണാനുള്ള ഭാഗ്യമുണ്ടായത്. സാലിം അലി ദിനത്തില്*തന്നെ അത്യപൂര്*വ കാഴ്ച പകര്*ത്താനായതിന്റെ സന്തോഷത്തിലാണ് അന്ന് അവിടെനിന്ന് മടങ്ങിയത്. കാട് കനിഞ്ഞുനല്*കിയ സമ്മാനം.


    പെയിന്റഡ് സ്റ്റോര്*ക്ക്*


    മാക്കാച്ചിക്കാടകള്*
    രാച്ചുക്കുകളെപ്പോലെതന്നെ വൈവിധ്യമുള്ളതും കൗതുകമേറിയതുമായ ഒട്ടനവധി മൂങ്ങകളുടെയും വിഹാരകേന്ദ്രമാണ് തട്ടേക്കാട്. റിപ്ലിമൂങ്ങ (Cylon Bay Owl) ഇവയില്* പ്രധാനിയാണ്. പകല്*സമയങ്ങളില്* അപൂര്*വമായി മാത്രമാണ് റിപ്ലിമൂങ്ങകള്* പ്രത്യക്ഷപ്പെടാറ്. സ്ഥിരമായി ഒരേ സ്ഥലത്തുതന്നെ ഇരിപ്പുറപ്പിക്കുന്ന സ്വഭാവം ഇവയ്ക്കില്ല. കുറേസമയം മരത്തില്* അനങ്ങാതെ കണ്ണുകളടച്ച് ഇരിപ്പുറപ്പിച്ചിട്ടുണ്ടാവും, രാത്രിസമയങ്ങളിലെ ഇരതേടലിന്റെ ക്ഷീണം തീര്*ക്കാനെന്നപോലെ. ഇവയുടെ 'ഡ' ആകൃതിയിലുള്ള മുഖാവരണവും ഹൃദയാകൃതിയിലുള്ള തൂവലിലെ കറുത്ത പുള്ളികളും ആകര്*ഷകമാണ്. മഴക്കാടുകളാണ് ഇവയുടെ പ്രധാന ആവാസവ്യവസ്ഥ. അധികം ഉയരത്തിലല്ലാത്ത ഒരു മരച്ചില്ലയിലിരുന്ന റിപ്ലിമൂങ്ങയുടെ ചിത്രം മറ്റൊരു തട്ടേക്കാട് യാത്രയിലെ ഭാഗ്യമാണ്.


    മാതൃവാത്സല്യം
    നിശാസഞ്ചാരികളായ പക്ഷികളില്* ഒട്ടേറെ സവിശേഷതകളുള്ള പക്ഷിയാണ് മാക്കാച്ചിക്കാടകള്* (Cylon Frog Mouth). പേര് അന്വര്*ഥമാക്കുന്നവിധം തവളകളുടെതുമായി സാമ്യമുള്ള അപൂര്*വസാദൃശ്യം തോന്നിപ്പിക്കുന്ന മുഖമാണിവയ്ക്ക്. പകല്*സമയങ്ങളില്* മിക്കപ്പോഴും ഇണചേര്*ന്നോ ഒറ്റയ്*ക്കോ ഉണക്കിലകള്*ക്കിടയിലെ മരച്ചില്ലകളില്* ഇരിപ്പുറപ്പിച്ചിട്ടുണ്ടാവും. ആവാസ വ്യവസ്ഥയുമായി വളരെയധികം ഇഴുകിച്ചേര്*ന്നിരിക്കുന്ന ഇവയെ ഉണക്കിലകള്*ക്കിടയില്* തിരിച്ചറിയാന്* പ്രയാസമാണ്. വംശനാശഭീഷണി നേരിടുന്ന ഇത്തരം പക്ഷികളുടെ വംശം നിലനിന്നു പോകാന്* തക്കവണ്ണം ഈ പ്രദേശത്തെ പ്രകൃതി കനിഞ്ഞനുഗ്രഹിച്ചിട്ടുണ്ട്.


    കുട്ടിത്തേവാങ്ക്
    മീന്*കൊത്തികളെ നാട്ടിന്*പുറങ്ങളിലും മറ്റും സാധാരണമായി കാണാറുണ്ടെങ്കിലും ഇവയുടെ വൈവിധ്യത്തെക്കുറിച്ച് അധികം ധാരണകളുണ്ടായിരുന്നില്ല. ഏറെ വ്യത്യസ്തതകളും അപൂര്*വതകളുമുള്ള ഏതാനും മീന്*കൊത്തികളെയും തട്ടേക്കാട് കാണാന്* കഴിഞ്ഞിട്ടുണ്ട്. Oriental Dwarf Kingfisher എന്ന കുഞ്ഞന്* മീന്*കൊത്തിയാണ് ഇവയില്* പ്രധാനി. വര്*ണവൈവിധ്യവും കണ്ടെത്താനുള്ള ബുദ്ധിമുട്ടും എണ്ണത്തില്* കുറവുമൊക്കെ ഇവയെ വ്യത്യസ്തമാക്കുന്നു. കാട്ടുപ്രദേശത്തെ പുഴക്കരയിലും മുളങ്കാട്ടിലും മറ്റും ഭംഗിയുള്ള മഞ്ഞയും നീലയും നിറങ്ങളുടെ വര്*ണഭേദങ്ങളോടെ ഈ കുഞ്ഞന്*പക്ഷിയെ കാണാനാകും. ഒരിക്കല്* പുഴവക്കിലെ പൂഴിമണ്ണില്* ഇണയുമൊത്ത് കൂടുകൂട്ടാനുള്ള ശ്രമത്തിനിടയിലാണ് ശ്രദ്ധയില്*പ്പെട്ടത്. കൗതുകകരമായ ആ കാഴ്ച അല്പസമയം നിരീക്ഷിച്ചതിനുശേഷമാണ് അവയിലൊന്നിന്റെ ചിത്രം പകര്*ത്തിയത്.


    മലയണ്ണാന്*
    മീന്*കൊത്തികളിലെ മറ്റൊരു പ്രധാനിയാണ് പൊടിപ്പൊന്മാന്* (Blue Eared Kingfisher). ഇത്തിരിക്കുഞ്ഞന്മാരാണിവരും. പുഴക്കരയിലെ മുളങ്കാട്ടിനടുത്ത് ഒരു കമ്പില്* പുഴയിലെ ചെറുമീനുകളെ ലക്ഷ്യംവെച്ചിരുന്ന ഒരുവനെ അപ്രതീക്ഷിതമായാണ് കണ്ടത്. ഏറെനേരം ആ ഇരിപ്പ് തുടര്*ന്നു. ഒടുവില്* ഒരു ചെറുമീനിനെ കൊത്തിയെടുത്ത് അകത്താക്കി വിശ്രമിക്കുമ്പോഴേക്കും ഏതാനും ചിത്രങ്ങളെടുത്ത് പിന്മാറി. ഇവയുടെ ശരീരത്തിലെ കടുംനീലനിറമാണ് ഏറ്റവും ആകര്*ഷകമായത്. പുഴയോരത്തും കാട്ടരുവികള്*ക്കടുത്തും അപൂര്*വമായിമാത്രമാണ് ഇവയെയും കാണാനായിട്ടുള്ളത്.


    കോപ്പര്*സ്മിത്ത് ബാര്*ബെറ്റ്
    പണ്ട് കാലന്*കോഴിയെന്ന കോഴിയെക്കുറിച്ച് പലതവണ ചിന്തിച്ച് തല പുകച്ചിട്ടുണ്ട്. പിന്നീടൊരിക്കല്* കക്ഷിയെ നേരിട്ടുകണ്ടപ്പോഴാണ് ആള് അസല്* മൂങ്ങയാണെന്ന് മനസ്സിലായത്. കാലന്*കോഴി (Mottled wood owl) അന്ധവിശ്വാസത്തിന്റെ പേരില്* ഏറെ വേട്ടയാടപ്പെടുന്ന പക്ഷിയാണ്. ഇവയുടെ ഉച്ചത്തിലുള്ള കരച്ചില്* കേട്ടാണ് നാട്ടിന്*പുറത്തുള്ളവര്* കാലന്* വരുന്നതിന് മുന്നറിയിപ്പാണെന്നൊക്കെ വിശ്വസിച്ച് അന്ധവിശ്വാസത്തിന്റെ പേരില്* ഈ സാധുക്കളെ തുരത്താന്* ശ്രമിക്കുന്നത്. നമ്മുടെ ആഹാരശൃംഖലയിലെ പ്രധാന കണ്ണികളാണിവരൊക്കെ. ഇവരുടെ നിലനില്പ് നമ്മുടെകൂടി ബാധ്യതയാണ്. കാക്കകളും ലളിതകാക്കകളുമൊക്കെ കൊത്തിയോടിക്കാറുള്ളതിനാല്* പലപ്പോഴും സ്വസ്ഥമായി ഇരിക്കാനാവാറില്ല കാലന്*കോഴികള്*ക്ക്. എങ്കിലും സ്ഥിരമായി കാണാറുള്ള പ്രദേശപരിധിയ്ക്ക് പുറത്ത് ഇവ പോകാറുമില്ല.


    പച്ച ഓന്ത്
    ഒരു തട്ടേക്കാട് യാത്രയില്* അപ്രതീക്ഷിതമായി രണ്ട് കാലന്*കോഴിക്കുഞ്ഞുങ്ങളെ കണ്ടു. അവയുടെ ഉണ്ടക്കണ്ണുകളുരുട്ടിയുള്ള നോട്ടത്തില്* കറകളഞ്ഞ നിഷ്*കളങ്കതയാണ് തോന്നിയത്. രണ്ടാളും ചേര്*ന്നിരുന്ന് തൂവലൊതുക്കുകയും വിശ്രമിക്കുകയുമായിരുന്നു. കണ്ണുകളുരുട്ടി മരത്തിന് താഴെ മറഞ്ഞിരുന്ന എന്നെ പലവട്ടം പാളി നോക്കിയെങ്കിലും അവ പറന്നുപോയില്ല. അവയുടെ കുറെയധികം ചിത്രങ്ങളെടുത്താണ് അന്ന് മടങ്ങിയത്.


    അരണ
    വനയാത്രകള്* അവസാനിക്കുന്നില്ല. അതിനിഗൂഢമായ ദൃശ്യങ്ങളുടെ കലവറ കാത്തുവെച്ച് കാട് വീണ്ടും വിളിച്ചുകൊണ്ടേയിരിക്കുന്നു.


    വെള്ളിമൂങ്ങ

  4. #614
    Sinister ballu's Avatar
    Join Date
    Jan 2010
    Location
    Banglore
    Posts
    43,753

    Default

    ente kuttikaalathu sparrow kaakkalekaal kooduthal ayitu nammade areayil undayirunu ....panampilly nagar-kadavantra residential areayil dhaaralam undayirunu...man kudam vetchu koduthal vannu mutta ettu perukum. flatil mikkapolum kerum ....idiots ayirunna njanum chetanum puthappu veeshi pidikum ....pineedu parathi vidum ...

    eppo ee kurivikale kaanare ella ...
    last time i saw them in abundance was in Jaisalmer. aviduthe dry climateil polum nirachu ee kilikal aayirunnu ....
    വിരഹത്തിൻ ചൂടേറ്റു വാടിക്കൊഴിഞ്ഞു നീ
    വിടപറയുന്നോരാ നാളിൽ
    നിറയുന്ന കണ്ണുനീര്തുള്ളിയിൽ സ്വപ്നങ്ങൾ
    ചിറകറ്റു വീഴുമാ നാളിൽ
    മൗനത്തിൽ മുങ്ങുമെൻ ഗദ്ഗദം മന്ത്രിക്കും
    മംഗളം നേരുന്നു തോഴീ

Tags for this Thread

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •