Sponsored Links ::::::::::::::::::::Remove adverts | |
അബുദാബിയിൽ ഇനി സിനിമയും; പ്രവേശനം 30% പേർക്ക്, കർശന നിർദേശങ്ങൾ
അബുദാബി∙ സിനിമാ തീയേറ്ററുകൾ തുറക്കാൻ അനുമതി. തീയേറ്ററിന്റെ ശേഷിയുടെ 30% ആളുകളെ മാത്രമേ പ്രവേശിപ്പിക്കാവൂ. അബുദാബി അത്യാഹിത, ദുരന്ത നിവാരണ സമിതിയുമായി നടത്തിയ ചർച്ചയെ തുടർന്നാണ് തീരുമാനം. ജീവനക്കാർക്ക് കോവിഡ് ടെസ്റ്റ് നിർബന്ധമാക്കി. രോഗപ്പകർച്ച തടയുന്നതിനുള്ള മാനദണ്ഡങ്ങൾ സ്വീകരിക്കാത്ത തിയറ്ററുകൾക്ക് പ്രദർശനാനുമതി നൽകില്ല.
സിനിമാ ശാലകളും പൊതു ഇടങ്ങളും സമയബന്ധിതമായി അണുവിമുക്തമാക്കുക, സാമൂഹിക അകലം പാലിക്കുക, കൂട്ടം കൂടുന്നത് ഒഴിവാക്കുക, ദിവസേനയും ഓരോ സിനിമാ പ്രദർശനത്തിനു ശേഷവും തീയേറ്റർ അണുവിമുക്തമാക്കുക, പ്രദർശനത്തിടയിൽ 20 മുതൽ 30 മിനിറ്റ് വരെ ഇടവേള നൽകുക.
പൊതു സ്ഥലങ്ങളിൽ സാനിറ്റൈസർ ലഭ്യമാക്കുക, ഒന്നിടവിട്ട വിരകിളിലും സീറ്റുകളിലും ഇരുത്തുക, പ്രവേശനവും പുറത്തുപോകലും വ്യത്യസ്ത കവാടങ്ങളിലൂടെയാക്കുക, ടിക്കറ്റ് ഓൺലൈനിൽ എടുക്കുക, ടച്ച് സ്ക്രീൻ അനുവദിക്കരുത്, ജീവനക്കാർ മാസ്കും ഗ്ലൗസും ധരിക്കുക എന്നിവയാണ് പ്രധാന നിർദേശങ്ങൾ.
ഉപയോഗിച്ചശേഷം കളയാവുന്ന പാത്രത്തിലായിരിക്കണം ഭക്ഷണം നൽകേണ്ടതെന്നും ഓർമിപ്പിച്ചു. നിയമലംഘകരിൽനിന്ന് കനത്ത പിഴ ഈടാക്കും. അബുദാബി എമിറേറ്റിലുള്ള 19 തീയേറ്ററുകളിൽ 12 എണ്ണം അബുദാബി നഗരത്തിലും 6 എണ്ണം അൽഐനിലും ഒരെണ്ണം അൽദഫ്റയിലുമാണുള്ളത്.
Kundarayil ninn poya oru theatre reopening nu nokunund. UFO aavum digital partner . Wrk next year start chaiyum.