Originally Posted by
roshy
പ്രിയപ്പെട്ട നടൻ മമ്മൂട്ടിയാണ്. ഏത് കോണിൽ അളന്നാലും അങ്ങനെ തന്നെയാണ്...!
ഭാവപകർച്ചകൾക്ക് മമ്മൂട്ടിയോളം സാധ്യതയുള്ള നടൻ കേരളത്തിലെന്നല്ല, ഇന്ത്യയിൽ മറ്റൊരാളുമില്ല.
അമരത്തിലെ അച്ചൂട്ടിയും വടക്കൻ വീരഗാഥയിലെ ചന്തുവും സേതുരാമയ്യരും രാജമാണിക്യവും മതിലുകളിലെ ബഷീറും ഗ്രേറ്റ് ഫാദറിലെ ഡേവിഡ് നൈനാനും അംബ്ദേക്കറും പാലേരിമാണിക്യത്തിലെ മുരുക്കുംകുന്നത്ത് അഹമ്മദ് ഹാജിയും ബിഗ് ബി യിലെ ബിലാലും ഒരാളിൽ നിന്ന് സംഭവിച്ചതാണ്. അഴകിലും ആകാരത്തിലും മാത്രം സംഭവിക്കുന്ന പകർന്നാട്ടമല്ല അത്, സൂക്ഷ്*മ ചലനങ്ങളിലും ശ്വാസനിശ്വാസങ്ങളിലും ഭാഷാ വിനിമയത്തിൽ പോലും ഈ കഥാപാത്രങ്ങൾ തമ്മിൽ സാമ്യതയുണ്ടാവറില്ല.
പക്ഷേ പറഞ്ഞു വരുന്നത് ഈ കഥാപാത്രങ്ങളെ കുറിച്ചേയല്ല..!
തന്റെ അഭിനയ കാലഘട്ടത്തിനിടയിൽ അൻപതിലധികം തവണ പോലീസ് യൂണിഫോം അണിഞ്ഞെത്തിയിട്ടുണ്ട് മമ്മൂട്ടി.
ആ പട്ടികയിലെ ഒടുവിലത്തേതാണ് ഉണ്ട.
ഉണ്ടയിലെ മണി സാറിനെ പക്ഷേ അതിന് മുൻപ് ഒരു നോട്ടം കൊണ്ട് പോലും കാണാൻ വഴിയില്ല. ബൽറാം എന്ന ക്ഷുഭിത യൗവനത്തിന്റെ നോക്കും വാക്കുമല്ല ആഗസ്റ്റ് ഒന്നിലെ പെരുമാളിന്റെ പെരുമാറ്റത്തിലുള്ളത്. പെരുമാളും യവനികയിലെ ജേക്കബ് ഈരാളിയും തമ്മിൽ തെല്ലും സാമ്യതകളില്ല. മേൽ പറഞ്ഞ സിനിമകൾക്കൊന്നും രൗദ്രത്തിലെ നരി എന്ന ഫയർ ബ്രാൻഡിന്റെ ശരീര ഭാഷയില്ല. പഞ്ച് ഡയലോഗുകൾ പറയുമെന്നതും മീശ പിരിച്ചു വെക്കുന്നു എന്നതും മാത്രമാണ് നരിയും രാക്ഷസരാജാവിലെ രാമനാഥനും തമ്മിലുള്ള സാമ്യത. ബ്ലാക്കിലെ ഷൺമുഖൻ എന്ന പോലീസുകാരന്റെ തന്നിഷ്ടവും നന്ദി വീണ്ടും വരികയിലെ മോഹൻദാസിന്റെ ധൈര്യക്കുറവും ഒരു നാണയത്തിന്റെ രണ്ട് വശങ്ങളാണ്. ഡാഡികൂളിലെ മടിയൻ പോലീസുകാരനും കസബയിലെ രാജൻ സക്കറിയ എന്ന വഷളൻ പോലീസുകാരനും തമ്മിൽ സ്വഭാവത്തിലോ പെരുമാറ്റത്തിലോ ഒരു പരിചയവുമില്ല. മേൽ പറഞ്ഞ കഥാപത്രങ്ങളുമായി അബ്രഹാമിന്റെ സന്തതികളിലെ ഡെറിക് അബ്രഹാമിന് ബന്ധമേതുമില്ല.
എങ്ങനെയാണ് ഒരു ജന്മത്തിനിടയിൽ ഒരു മനുഷ്യന് ഇങ്ങനെ പകർന്നാട്ടങ്ങൾ സാധ്യമാവുന്നത്...!!
ഇനി ഈ വർഷം മമ്മൂട്ടിയുടേതായി പുറത്തിറങ്ങിയ 4 സിനിമകൾ പരിശോധിക്കാം. മൂന്ന് ഭാഷകളിലായി 4 സിനിമകൾ.
ആ കൂടുമാറ്റം ശ്രദ്ധിക്കണം, പേരൻപിലെ നിസ്സഹായനായ അച്ഛനിൽ നിന്നും യാത്രയിലെ ശക്തനായ രാഷ്ട്രീയ നേതാവിലേക്ക്... അവിടെ നിന്നും മധുരയിലെ രാജ എന്ന താര സ്വരൂപത്തിലേക്ക്... വീണ്ടും എസ്*.ഐ മണികണ്ഠൻ എന്ന സാധാരണ പൊലീസുകാരനിലേക്ക്...!!!
മമ്മൂക്കാ... നിങ്ങൾ ആഗോള സിനിമാ വിദ്യാർത്ഥികൾക്ക് ഒരു സിലബസാണ്...!!!
#ക്രെഡിറ്റ്