Mohammed Thalha Rafeeque59 mins
ജയസൂര്യയെ പോലെ നാലാളറിയുന്ന ഒരു താരം ട്രാൻജെൻഡർ വിഷയത്തിൽ സിനിമ ചെയ്യുന്നു എന്നത് തന്നെ ആ വിഷയത്തിലേക്കുള്ള പോസിറ്റീവായ ചുവട് വെപ്പാണ് ,എന്ന സിനിമ അനൗൺസ് ചെയ്തപ്പോൾ മുതലുള്ള അഭിപ്രായമല്ലാതെ, ഒരു തരത്തിലും കൈയ്യടിച്ച് ആനയിക്കേണ്ട/ അഭിനന്ദിക്കേണ്ട എഫേർട്ടല്ല ഞാൻ മേരികുട്ടി എന്നാണ് വ്യക്തിപരമായ അഭിപ്രായം .സമൂഹത്തിലുള്ള ട്രാൻസ് ഫോബിയയെ അവിടിവിടെയായി അടയാളപ്പെടുത്തുന്നു എന്നതല്ലാതെ ,അവർ അനുഭവിക്കുന്ന മാനസിക-ശാരീരിക-സ്വത്വ സംഘർഷങ്ങളെ ഇൻ്റൻസായിട്ട് അവതരിപിക്കാനുള്ള യാതൊരു ശ്രമവും രഞ്ജിത്ത് ശങ്കറിൽ നിന്നുണ്ടായില്ല എന്നത് പോട്ടെ, അയാളുടെ സ്വത്വ സിദ്ധമായ മൊട്ടിവേഷനൽ കവല പ്രസംഗവും സിനിമയിലുടനീളമുണ്ടെന്നത് കാഴ്ചയെ അലോസരപ്പെടുത്തുന്നുമുണ്ട്.
പ്രധാനമായും സിനിമയുടെ പ്രശ്നം മേരികുട്ടിയെന്ന കഥാപാത്രം നമ്മുടെ ഇടയിലുള്ള ട്രാൻസ് ജെൻഡേഴ്സിനെ റെപ്രസെന്റ് ചെയ്യുന്ന കഥാപാത്രം അല്ല എന്നുള്ളതാണ് .മേരികുട്ടി "പ്രിവിലേജ്ഡ് ട്രാനസ്ജെൻഡറാണ്". കൂട്ടുകാരിയുടെ വീട്ടിൽ വളരെ സന്തോഷപൂർവ്വം കഴിയാനുള്ള സ്വതന്ത്ര്യമുള്ള,അതില്ലെങ്കിൽ ഇറങ്ങുമ്പോൾ തന്നെ മേഴ്സി ഹോമിലെ ഒരു റൂം ഒരുങ്ങി കിടപ്പുള്ള, വിപ്രൊയിൽ വലിയ ജോലിയുള്ള, എന്തിനും കൂട്ടിനുള്ള പള്ളിലച്ചനുമുള്ള ഒരു "പ്രിവിലേജ്ഡ് ട്രാൻസ്ജെനഡർ കഥാപാത്രം" അത് കൊണ്ട് തന്നെ റെൻ്റിന് പോലും വീട് കിട്ടാത്ത, ഒരാളും സപ്പോർട്ടില്ലാതെ നാട് വിടേണ്ടി വന്ന, ജോലി കിട്ടാതെ വേശ്യാവൃത്തിയിലേക്ക് തിരിയേണ്ടി വന്ന വലിയൊരു വിഭാഗത്തിന്റെ ,അഥവാ നമ്മുടെ മുന്നിലുള്ള ആ ലൈംഗീക ന്യൂനപക്ഷവുമായി ഒരു ബന്ധവും മേരികുട്ടിക്കില്ലാത്തത് കൊണ്ട് തന്നെ, ഞാൻ മേരികുട്ടി ഇവരുടെ ഐഡന്റിറ്റി ക്രൈസിസൊന്നുമല്ല പറയുന്നത് ,മറിച്ച് നല്ലൊരു കമ്പനി നടത്തി കൊണ്ട് പോവാൻ ജോയ് താക്കോൽക്കാരൻ പെടുന്ന പാട് പോലെ ,തൻ്റ സ്വത്വം കാരണം തൻ്റെ സ്വപ്നത്തിന് എതിര് നിൽക്കുന്ന കുറച്ച് പേരെ അങ്ങുമിങ്ങും കാണിച്ചുള്ള ഒരു ഇഷ്യൂ ബേസ്ഡ് പുറം ചട്ടയുള്ള, ഉള്ളിൽ ഒരു തേങ്ങയുമില്ലാത്ത സമീപകാല രഞ്ജിത്ത് ശങ്കർ സിനിമകളുടെ മോശം കാര്യങ്ങളെല്ലാമുള്ള ഒരു ശരാശരിയിലും താഴെയുള്ള സിനിമാനുഭവമാണ് ഞാൻ മേരികുട്ടി. എടുത്ത് പറയത്തക്ക ഒന്നുമില്ലാത്ത ജയസൂര്യയുടെ പ്രകടനവും, അലോസരപ്പെടുത്തുന്നതിൽ മുൻപന്തിയിലുള്ള പശ്ചാത്തല സംഗീതവും സിനിമയെ മികച്ചൊരു "അനുഭവമാക്കുന്നു".
Nammal discuss cheytha karyam... @chandru @anupkerb1 @yathra