Originally Posted by
Bhasker
ധർമജൻ ബോൾഗാട്ടി ആദ്യമായി നിർമിച്ച് എ. ആർ. ബിനുരാജ് സംവിധാനം ചെയ്ത ചിത്രമാണ് നിത്യഹരിതനായകൻ. കട്ടപ്പനയിലെ ഹൃതിക് റോഷൻ എന്ന ചിത്രത്തിന്റെ വിജയ കോമ്പിനേഷൻ ആയിരുന്നു വിഷ്ണു ഉണ്ണികൃഷ്ണൻ -ധർമജൻ ജോഡികൾ. എന്നാൽ തുടർന്നു വന്ന വികടകുമാരന് കട്ടപ്പനയുടെ വിജയം ആവർത്തിക്കാൻ കഴിഞ്ഞില്ല. ഈ ജോഡി വീണ്ടും ഒന്നിച്ചു കട്ടപ്പനയുടെ വിജയം ആവർത്തിക്കാൻ കഴിയും എന്ന വിശ്വാസമായിരിക്കണം ഈ സിനിമയ്ക്ക് പണമിറക്കാൻ പ്രേരിപ്പിച്ചത്.
നിരവധി പ്രണയ പരാജയങ്ങൾ ഉണ്ടായിട്ടുള്ള ആളാണ് സജിമോൻ. തന്റെ വിവാഹശേഷം സജിമോൻ തന്റെ വിവിധ പ്രായങ്ങളിൽ തന്റെ ജീവിതത്തിലുണ്ടായ പ്രേമങ്ങളെക്കുറിച്ചു തന്റെ ഭാര്യയോട് വിശദീകരിക്കുന്നതും തുടർന്നുണ്ടാകുന്ന സംഭവങ്ങളുമാണ് ചിത്രത്തിന്റെ കഥാസാരം.
അധികം പുതുമയൊന്നുമില്ലാത്ത കഥാപശ്ചാത്തലമാണ് ചിത്രത്തിന്റേത്.ചിത്രത്തിന്റെ ആഖ്യാന ശൈലിയിൽ പുതുമ കൊണ്ട് വരുവാനും സംവിധായകൻ ബിനുരാജിനും സാധിച്ചിട്ടില്ല. ബേസിൽ ജോസഫുമായുള്ള വിഷ്ണുവിന്റെ പത്താം ക്ലാസ് പ്രണയം കാണിക്കുന്ന ചിത്രത്തിന്റെ ആദ്യ ഭാഗം മാത്രമാണ് ചിത്രത്തിന്റെ അധികം ബോറടിപ്പാക്കാതെ കൊണ്ട് പോയത്. തുടർന്നു പടം ഒരു ലക്ഷ്യ ബോധമില്ലാതെ പോകുന്ന ഫീലിങ്ങാണ്. ഇത് കൊണ്ട് തന്നെ വളരെ ദൈർഘ്യം ഏറിയ ആദ്യ പകുതി കുറെയൊക്കെ മുഷിപ്പുളവാക്കുന്നുണ്ട്. ഇടവേളയ്ക്ക് ശേഷവും ഇടയ്ക്കിടെ വന്നു പോകുന്ന ചില കോമഡി നമ്പറുകൾ ഒഴിച്ച് എടുത്തു പറയുവാനൊന്നും തന്നെയില്ല. അത് പോലെ ചിത്രത്തിന്റെ ക്ലൈമാക്സ്* ഒരു മെസ്സേജ് കൊടുക്കുക എന്ന മാത്രം ഉദ്ദേശത്തോടെ ചെയ്തിരിക്കുന്നതിനാൽ ഒരു ഏച്ചു കെട്ടിയത് പോലെയായി. നല്ല രീതിയിൽ ക്ലൈമാക്സ്* പ്രെസെന്റ് ചെയ്യാൻ സാധിക്കാത്തതും ഒരു പോരായ്മയായി.
അഭിനയത്തിന്റെ കാര്യത്തിൽ വിഷ്ണു ഉണ്ണികൃഷ്ണന് തന്റെ മറ്റ് ചിത്രങ്ങളുടെ വേഷങ്ങളുടെ ആവർത്തനം മാത്രമാണ് ഈ ചിത്രത്തിലെ റോളും. തന്റെ കുറവുകൾ പ്രൊജക്റ്റ്* ചെയ്തുള്ള റോളികളിൽ നിന്ന് മാറിയില്ലെങ്കിൽ അഭിനയത്തിൽ വലിയ ഭാവി ഉണ്ടാകുമെന്ന് തോന്നുന്നില്ല. ധർമജനുമായിട്ടുള്ള കോമ്പിനേഷൻ സീനുകളൊന്നും ഋഥ്വിക് റോഷനെ പോലെ ഒരു ഓളം ഉണ്ടാക്കിയില്ല. അവർ തമ്മിലുള്ള ഫ്രണ്ട്ഷിപ്പിന് ഒരു ആഴം ഉള്ളതായും തോന്നിയില്ല. ബേസിൽ ജോസെഫിന്റെ പ്രകടനമാണ് കുറച്ചെങ്കിലും എടുത്തു പറയത്തക്ക വണ്ണമുള്ളത്. ബേസിലിന്റെ ഡയലോഗ് പ്രസന്റേഷനും നന്നായിരുന്നു. ഇന്ദ്രൻസ്, മഞ്ജു പിള്ള, സാജു നവോദയ തുടങ്ങി നിരവധി മിമിക്രി താരങ്ങളും ചിത്രത്തിലുണ്ട്.
കെട്ടുറപ്പില്ലാത്ത തിരക്കഥയും, പുതുമകളില്ലാത്ത സംവിധാനവും ആണ് ചിത്രത്തിന്റെ പോരായ്മ. സ്ഥിരം സിനിമ കാണുന്ന പ്രേക്ഷകർക്ക് ചിത്രത്തിന്റെ ആദ്യ ഭാഗവും ഇടയ്ക്ക് വരുന്ന ചില കൊമഡി നമ്പറുകളും ഒഴിച്ചാൽ അത്യാവശ്യം മുഷിപ്പ് നൽകുന്ന ചിത്രവും സ്ഥിരം സിനിമ കാണാത്ത പ്രേക്ഷകർക്ക് ഒരു പ്രാവശ്യം കണ്ടിരിക്കാവുന്ന ശരാശരി ചിത്രവുമായിരിക്കും നിത്യ ഹരിത നായകൻ.
റേറ്റിംഗ് : 2 /5
Sent from my Redmi Note 5 pro using Tapatalk