പച്ചോളിയില്* നിന്നും എണ്ണ വേര്*തിരിച്ചെടുക്കാം; വ്യാവസായികാടിസ്ഥാനത്തില്* കൃഷി ചെയ്*താല്* വന്*ലാഭം
ഇന്ത്യ, ചൈന, ഇന്തോനേഷ്യ, മ്യാന്*മാര്*, കമ്പോഡിയ, മാലിദ്വീപ്, മലേഷ്യ, മൗറീഷ്യസ്, മഡഗാസ്*കര്*, തായ്*വാന്*, ഫിലിപ്പീന്*സ്, തായ്*ലാന്റ്, വിയറ്റ്*നാം, സൗത്ത് അമേരിക്ക, കരീബിയ എന്നിവിടങ്ങളിലാണ് നിലവില്* പച്ചോളി കൃഷി ചെയ്യുന്നത്.
വിപണിയില്* വില അല്*പം കൂടുതലാണെങ്കിലും പച്ചോളിയില്* നിന്നും വേര്*തിരിച്ചെടുക്കുന്ന എണ്ണയ്ക്ക് ഔഷധഗുണങ്ങള്* നിരവധിയാണ്.
സുഗന്ധദ്രവ്യങ്ങളും സോപ്പുകളും മരുന്നുകളുമെല്ലാം നിര്*മിക്കാന്* ഈ എണ്ണ ഉപയോഗിക്കുന്നുണ്ട്. ഫിലിപ്പീന്*സ് ആണ് ഈ ചെടിയുടെ ജന്മദേശം. പുതിനയുടെ കുടുംബത്തില്*പ്പെട്ട ചെറിയ കുറ്റിച്ചെടിയായി വളരുന്ന ചെടിയാണിത്. മൂന്നടി ഉയരത്തില്* വളരുന്ന ഈ ചെടിയില്* ചെറുതും മങ്ങിയ പിങ്കും വെളുപ്പും കലര്*ന്ന നിറത്തിലുള്ളതുമായ പൂക്കളുണ്ടാകുന്നു. ഇതില്*നിന്ന് വേര്*തിരിച്ചെടുക്കുന്ന എണ്ണയുടെ ഡിമാന്റ് കാരണം പല ഏഷ്യന്* രാജ്യങ്ങളും പച്ചോളിയുടെ കൃഷി ആരംഭിച്ചിട്ടുണ്ട്.
ഒരു കിലോ എണ്ണയ്ക്ക് 1200 മുതല്* 1250 രൂപ വരെ വിപണിയില്* വിലയുണ്ട്. ഇന്ത്യയില്* ലക്*നൗവിലെ സെന്*ട്രല്* ഇന്*സ്റ്റിറ്റ്യൂട്ട് ഓഫ് മെഡിസിനല്* ആന്*ഡ് ആരോമാറ്റിക് ക്രോപ്*സ് 'സമര്*ഥ്' എന്ന പേരില്* ഉയര്*ന്ന വിളവ് തരുന്ന പുതിയ ഇനം വികസിപ്പിച്ചെടുത്തിട്ടുണ്ട്. എണ്ണയ്ക്ക് ഡിമാന്റുള്ളതുകൊണ്ടുതന്നെ വ്യാവസായികാടിസ്ഥാനത്തില്* കൃഷി ചെയ്*താല്* വന്*ലാഭം നേടാന്* കഴിയും.
ഇന്ത്യ, ചൈന, ഇന്തോനേഷ്യ, മ്യാന്*മാര്*, കമ്പോഡിയ, മാലിദ്വീപ്, മലേഷ്യ, മൗറീഷ്യസ്, മഡഗാസ്*കര്*, തായ്*വാന്*, ഫിലിപ്പീന്*സ്, തായ്*ലാന്റ്, വിയറ്റ്*നാം, സൗത്ത് അമേരിക്ക, കരീബിയ എന്നിവിടങ്ങളിലാണ് നിലവില്* പച്ചോളി കൃഷി ചെയ്യുന്നത്.
ലാമിയേസിയേ കുടുംബത്തില്*പ്പെട്ട പച്ചോളിയില്* നിന്നുണ്ടാക്കുന്ന തൈലം വേദനസംഹാരിയായും ചര്*മ സംരക്ഷണത്തിനും ഉപയോഗിക്കുന്നുണ്ട്. ഇലകള്* ഔഷധച്ചായ ഉണ്ടാക്കുന്നതിനുപയോഗിക്കുന്നു. മുറിവുണക്കാനുള്ള കഴിവും ശരീരഭാരം കുറയ്ക്കാനുള്ള കഴിവും ഈ എണ്ണയ്ക്കുണ്ട്. കുമിള്*നാശിനിയായും കീടനാശിനിയായും എണ്ണ ഉപയോഗിക്കുന്നവരുണ്ട്. ഡെര്*മറ്റൈറ്റിസ്, സോറിയാസിസ് എന്നിവയ്*ക്കെതിരെയുള്ള ചികിത്സയ്ക്കും ഈ എണ്ണ ഫലപ്രദമാണ്.
വ്യത്യസ്*ത ഇനത്തില്*പ്പെട്ട ഈ ഔഷധസസ്യങ്ങളില്* ജാവ, ജോഹോറെ, സിങ്കപ്പൂര്*, ഇന്തോനേഷ്യ എന്നിവയാണ് സാധാരണയായി കൃഷി ചെയ്യുന്നത്. ജോഹോറെ എന്ന ഇനത്തിലാണ് ഏറ്റവും ഗുണനിലവാരമുള്ള എണ്ണയുള്ളത്. എന്നാല്*, മറ്റ് രണ്ടിനങ്ങളുമാണ് കൂടുതല്* എണ്ണ ഉത്പാദിപ്പിക്കുന്നത്.
സമുദ്രനിരപ്പില്* നിന്നും 1100 മീറ്റര്* വരെ ഉയരത്തിലുള്ള പ്രദേശങ്ങളില്* നന്നായി വളരുന്ന ചെടിയാണിത്. പച്ചോളി ചെടികള്* ആര്*ദ്രതയുള്ളതും അല്*പം ചൂടുള്ളതുമായ കാലാവസ്ഥ ഇഷ്ടപ്പെടുന്നു. 150 മുതല്* 325 വരെ സെ.മീ മഴ ലഭിക്കുന്ന പ്രദേശങ്ങളാണ് അനുയോജ്യം. മഴ കുറവുള്ള സ്ഥലങ്ങളില്* ജലസേചനസൗകര്യങ്ങള്* ഏര്*പ്പെടുത്തി കൃഷി ചെയ്യാവുന്നതാണ്. 25 ഡിഗ്രി മുതല്* 30 ഡിഗ്രി വരെയാണ് ചെടികള്* വളരാന്* നല്ലത്.
നല്ല ജൈവവളമുള്ള മണ്ണിലാണ് ചെടി വളര്*ത്തേണ്ടത്. 5.5 മുതല്* 6.0 വരെ പി.എച്ച് മൂല്യമുള്ള മണ്ണിലാണ് കൃഷി ചെയ്യേണ്ടത്. നഴ്*സറികളില്* വേര് പിടിപ്പിച്ച തൈകള്* വാങ്ങി കൃഷി ചെയ്യാവുന്നതാണ്.
തണ്ടില്* നിന്നും ആദ്യത്തെ മൂന്ന് ജോഡി ഇലകള്* ശ്രദ്ധയോടെ നീക്കം ചെയ്യണം. മൂന്ന് സെ.മീ അകലത്തില്* നഴ്*സറിയിലെ ബെഡ്ഡില്* നടണം. നനച്ചശേഷം തണലില്* വെക്കണം. ഏകദേശം അഞ്ച് ആഴ്ചകള്*ക്ക് ശേഷം വേരുകള്* മുളച്ച് വരും. ഒമ്പതോ പത്തോ ആഴ്ചകള്* കഴിഞ്ഞാല്* പ്രധാന കൃഷിത്തോട്ടത്തിലേക്ക് മാറ്റി നടാവുന്നതാണ്.
മണ്ണ് ഉഴുതുമറിക്കുമ്പോള്* ഒരു ഹെക്ടര്* ഭൂമിയില്* 15 മുതല്* 20 ടണ്* ചാണകപ്പൊടി ചേര്*ക്കണം. വേര് പിടിപ്പിച്ച തൈകള്* പറിച്ചുമാറ്റുന്നതിന് മുമ്പ് നന്നായി നനയ്ക്കണം. ഒരു ഹെക്ടര്* സ്ഥലത്ത് 28,000 വേര് പിടിപ്പിച്ച തൈകള്* നടാവുന്നതാണ്. 60 സെ.മീ അകലത്തിലാണ് നടേണ്ടത്.
യഥാസമയത്തുള്ള ജലസേചനം അത്യാവശ്യമാണ്. മലനിരകളില്* മഴയെ ആശ്രയിച്ചാണ് ഈ കൃഷി ചെയ്യുന്നത്. ആദ്യത്തെ 45 ദിവസങ്ങളില്* ഓരോ മൂന്ന് ദിവസം കൂടുമ്പോളും നനയ്ക്കണം.
നാല് മുതല്* ആറ് മാസങ്ങള്* കൊണ്ട് വിളവെടുക്കാം. ഇലകള്* മങ്ങിയ പച്ചനിറമാകുമ്പോഴോ ബ്രൗണ്* നിറമാകുമ്പോഴോ വിളവെടുപ്പിന് പാകമായെന്ന് മനസിലാക്കാം. അതിരാവിലെ തന്നെ വിളവെടുക്കുമ്പോള്* കൂടുതല്* എണ്ണ ഉത്പാദിപ്പിക്കാം. ഇളംതണ്ടുകളില്* നിന്നാണ് 30 മുതല്* 50 സെ.മീ നീളത്തില്* മുറിച്ചെടുക്കുന്നത്. ഇതില്* മൂന്ന് ജോഡി മൂപ്പെത്തിയ ഇലകളുണ്ടായിരിക്കണം.
മുറിച്ചെടുത്ത ഇലകളും തണ്ടുകളും നാല് ദിവസത്തോളം വായുസഞ്ചാരമുള്ള സ്ഥലത്ത് വെച്ച് ഉണക്കണം. ശരിയായ രീതിയില്* ഉണക്കിയെടുത്ത തണ്ടുകളില്* നിന്ന് നന്നായി എണ്ണ ലഭിക്കും. ഒരു ഹെക്ടര്* സ്ഥലത്ത് നിന്നും സാധാരണയായി രണ്ട് ടണ്* ഉണങ്ങിയ ഇലകളും 60 കി.ഗ്രാം എണ്ണയും ലഭിക്കും.
മധുരം കൊല്ലും ചക്കരക്കൊല്ലി, ഇലയിലും വേരിലും ഔഷധഗുണമുള്ള സസ്യം
Highlights
വിത്ത് മുളപ്പിച്ചും തണ്ടുകള്* മുറിച്ച് നട്ടും കൃഷി ചെയ്യാറുണ്ട്. വിത്ത് പഴത്തില്* നിന്നെടുത്ത ശേഷം ഒരു ദിവസം വെള്ളത്തില്* കുതിര്*ത്ത് വെക്കും. അതിനുശേഷമാണ് നഴ്*സറി ബെഡ്ഡില്* നടുന്നത്.
ഔഷധഗുണം കൊണ്ട് ശ്രദ്ധിക്കപ്പെട്ട സസ്യമാണ് ചക്കരക്കൊല്ലി. ഇന്ത്യയാണ് ഈ ചെടിയുടെ സ്വദേശം. പല സ്ഥങ്ങളിലും ഗുര്*മാര്* എന്നറിയപ്പെടുന്ന ഈ സസ്യത്തിന്റെ പേരിന്റെ അര്*ഥം തന്നെ മധുരത്തെ കൊല്ലുന്നത് എന്നതാണ്. അപ്പോസിനേഷ്യ എന്ന സസ്യകുടുംബത്തില്*പ്പെട്ട ഈ ചെടി മധ്യപ്രദേശിലും പശ്ചിമ ബംഗാളിലും കേരളത്തിലും ഹരിയാനയിലും മഹാരാഷ്ട്രയിലും ഉത്തര്*പ്രദേശിലും പഞ്ചാബിലും കാണപ്പെടുന്നുണ്ട്. ആഫ്രിക്കയുടെ ചില പ്രദേശങ്ങളിലും ഇത് കൃഷി ചെയ്യുന്നുണ്ട്. ജിംനെമ സില്*വെസ്റ്റര്* എന്ന ശാസ്ത്രനാമമുള്ള ചക്കരക്കൊല്ലിയുടെ ഇല ചവച്ചരച്ചിട്ട് മധുരം കഴിച്ചാല്* മധുരിക്കില്ലെന്നതാണ് പ്രത്യേകത.
നീളത്തില്* പടര്*ന്നുവളരുന്ന ഇനം ചെടിയാണിത്. ഇലകളുടെ മുകള്* ഭാഗം മിനുസമാര്*ന്നതും അടിഭാഗം നല്ല വെല്*വെറ്റ് പോലെ മൃദുവുമാണ്. ഇലകള്*ക്ക് ആറ് മുതല്* 12 മി.മീ വരെ നീളമുണ്ടായിരിക്കും.
പൂക്കള്* വളരെ ചെറുതും മഞ്ഞനിറത്തിലുള്ളതും ബെല്* ആകൃതിയിലുള്ളതുമാണ്. പഴങ്ങളില്* ഒറ്റ വിത്ത് മാത്രമേ ഉണ്ടാകുകയുള്ളു. ഓവല്* ആകൃതിയില്* രണ്ടുവശവും അല്*പം കൂര്*ത്ത പോലുള്ള പഴങ്ങളാണ്. കട്ടികുറഞ്ഞ വിത്തുകളാണ്.
വൈറസ് മൂലമുള്ള അസുഖങ്ങളെ പ്രതിരോധിക്കാനും കണ്ണ്, പല്ല് എന്നിവയെ ബാധിക്കുന്ന അസുഖങ്ങള്* അകറ്റാനും ചക്കരക്കൊല്ലി അടങ്ങിയ ഔഷധം ഉപയോഗിക്കാറുണ്ട്. അലര്*ജിക്കെതിരെയും തടി കുറയ്ക്കാനും ചുമ നിയന്ത്രിക്കാനും രക്തത്തിലെ കൊളസ്*ട്രോളിന്റെ അളവ് കുറയ്ക്കാനും ശരീരത്തിലെ നല്ല കൊളസ്*ട്രോളിന്റെ അളവ് കൂട്ടാനും ഇത് സഹായിക്കുന്നു.
നല്ല ചുവന്നതും നീര്*വാര്*ച്ചയുള്ളതുമായ മണ്ണാണ് വളര്*ത്താന്* അനുയോജ്യം. അല്ലെങ്കില്* കറുത്ത മണ്ണും ഉപയോഗിക്കാം. വെള്ളം കെട്ടിനില്*ക്കാത്ത മണ്ണ് അത്യാവശ്യമാണ്.
ഉഷ്ണമേഖലാപ്രദേശങ്ങളിലും ഉപോഷ്ണമേഖലാപ്രദേശങ്ങളിലും ഇത് വളരും. വരണ്ട കാലാവസ്ഥയിലും കൃഷി ചെയ്യാം. മിതമായ നിരക്കില്* മഴ ലഭിക്കുന്ന പ്രദേശത്തും വളര്*ത്താവുന്നതാണ്. നടാനായി കുഴിയെടുക്കുമ്പോള്* 45 സെ.മീ ആഴമുള്ളതും രണ്ട് ചെടികള്* തമ്മില്* 2.5 മീറ്റര്* അകലമുള്ളതുമായ കുഴികളാണ് സാധാരണ തയ്യാറാക്കുന്നത്. നടുന്നതിന് മുമ്പായി ജൈവവളം ചേര്*ക്കണം. ജലസേചനം നടത്തിയശേഷം മാത്രമേ തൈകള്* നടാന്* പാടുള്ളു.
വിത്ത് മുളപ്പിച്ചും തണ്ടുകള്* മുറിച്ച് നട്ടും കൃഷി ചെയ്യാറുണ്ട്. വിത്ത് പഴത്തില്* നിന്നെടുത്ത ശേഷം ഒരു ദിവസം വെള്ളത്തില്* കുതിര്*ത്ത് വെക്കും. അതിനുശേഷമാണ് നഴ്*സറി ബെഡ്ഡില്* നടുന്നത്. 15 മുതല്* 20 ദിവസം വരെ എടുത്ത ശേഷമാണ് വിത്തുകള്* മുളയ്ക്കുന്നത്. 45 ദിവസം പ്രായമായാല്* തൈകള്* പ്രധാന കൃഷിയിടത്തിലേക്ക് മാറ്റിനടാം. ഒരു ഏക്കര്* ഭൂമിയില്* ഒരു കിലോ വിത്ത് ആവശ്യമാണ്.
ഒരു ഹെക്ടര്* ഭൂമിയില്* അഞ്ച് ടണ്* ജൈവവളം ചേര്*ക്കണം. വേനല്*ക്കാലത്ത് അഞ്ച് ദിവസം കൂടുമ്പോള്* നിര്*ബന്ധമായും നനച്ചിരിക്കണം. അല്ലെങ്കില്* സാധാരണയായി 15 ദിവസം കൂടുമ്പോളാണ് നനയ്ക്കുന്നത്. ജലസേചനം നടത്തുന്നത് ചെടി വളരുന്ന പ്രദേശങ്ങളിലെ കാലാവസ്ഥയെ ആശ്രയിച്ചിരിക്കും. മണ്ണിലെ പോഷകങ്ങള്* കളകള്* വലിച്ചെടുക്കുന്നതിനാല്* കൃത്യമായി കളകള്* പറിച്ചുമാറ്റണം. ഉണങ്ങിയ ഇലകളും മരക്കമ്പുകളുമെല്ലാം ഉപയോഗിച്ച് പുതയിടല്* നടത്തിയാല്* ഈര്*പ്പം നഷ്ടപ്പെടില്ല.
നട്ടുവളര്*ത്തി രണ്ടുവര്*ഷം കഴിഞ്ഞാല്* വിളവെടുക്കാന്* പാകമാകും. ചെടികളില്* പൂക്കളുണ്ടാകുമ്പോളാണ് വിളവെടുപ്പ് നടത്തുന്നത്. ജൂലായ് ആദ്യവാരത്തിലാണ് സാധാരണ കര്*ഷകര്* വിളവെടുപ്പ് നടത്താറുള്ളത്. പൂക്കളോടൊപ്പമുള്ള ഇലകളാണ് പറിച്ചെടുക്കുന്നത്. വര്*ഷത്തില്* ഒരിക്കലാണ് വിളവെടുപ്പ്. 15 വര്*ഷത്തോളം പരിചരിച്ച് വിളവുണ്ടാക്കാം.
വിളവെടുത്ത ഇലകള്* നന്നായി കഴുകി വൃത്തിയാക്കും. തണലത്ത് വെച്ച് ഉണക്കിയെടുക്കണം. നല്ല വായുസഞ്ചാരമുള്ള സ്ഥലത്ത് 10 ദിവസത്തോളം വെച്ചാണ് ഉണക്കിയെടുക്കുന്നത്. ഉണങ്ങിയ ഇലകള്* പോളിത്തീന്* ബാഗുകളിലും വേരുകള്* നെയ്*തെടുത്ത ചാക്കുകളിലുമാണ് സൂക്ഷിക്കുന്നത്. നല്ല ഉണങ്ങിയ സ്ഥലത്തുതന്നെയാണ് ഇവ സൂക്ഷിക്കേണ്ടത്. ഒരു ഹെക്ടര്* ഭൂമിയില്* നിന്ന് ഇപ്രകാരം കൃഷി ചെയ്ത് ഒരു പ്രാവശ്യം വിളവെടുത്താല്* 1250 കി.ഗ്രാം ഉണങ്ങിയ ഇലകള്* ലഭിക്കും.