Oozham - My Take....

[Jomon Thiru]

ഊഴം » A RETROSPECT

✦ ഓരോ മലയാളിയും ഏറ്റവും കൂടുതൽ പ്രതീക്ഷയർപ്പിച്ചിരിക്കുന്ന സംവിധായകൻ എന്ന പദവിയിലേക്ക്*, ജീത്തു ജോസഫ്* ഉയർന്നത്*, കേവലം ആറു ചിത്രങ്ങളിലൂടെയാണ്*. അവതരണത്തിലെ പെർഫെക്ഷൻ തന്നെയാണ്* അതിനു കാരണം. ഓരോ ചിത്രങ്ങൾ കഴിയും തോറും, പക്വതയോടുകൂടിയ തിരഞ്ഞെടുപ്പുകൾ കൊണ്ട്*, ജനഹൃദയങ്ങൾ കീഴടക്കി മുന്നേറുന്ന യുവതാരം പൃഥ്വിരാജിനൊപ്പം, മൂന്നുവർഷങ്ങക്കുശേഷം, വീണ്ടും കൈകോർക്കുകയാണ്* ജീത്തു ജോസഫ്*.

■It's just a matter of time' എന്ന ടാഗ്* ലൈനും, ചിത്രത്തിന്റെ പോസ്റ്ററുകളിൽ, 'ഊഴം' എന്നെഴുതിയിരിക്കുന്നതിനു ചുറ്റുമുള്ള ചിലന്തിവലയും നിങ്ങൾ ശ്രദ്ധിച്ചിരിക്കും. ത്രില്ലർ സിനിമകൾക്ക്* പുതുതായി ഒരു മാനം കൊണ്ടുവന്ന ജീത്തു ജോസഫ്*, പ്രേക്ഷകരുടെ ചിന്തകൾക്കുമപ്പുറമുള്ള മറ്റെന്തോ, നമുക്കായി കരുതിവച്ചിട്ടുണ്ടെന്നുള്ളത്* ഇതിലൂടെ വ്യക്തമാണ്*.

»SYNOPSIS
■140മിനിറ്റുകൾ ദൈർഘ്യമുള്ള ഈ ചിത്രം, ഹെൽത്ത്* ഇൻസ്പെക്ടറായ കൃഷ്ണമൂർത്തിയുടെയും കുടുംബത്തിന്റെയും കഥയാണ്*. അമേരിക്കയിൽ ജോലി ചെയ്യുന്ന മൂത്തമകൻ സൂര്യ, രണ്ടു വർഷത്തിനുശേഷം നാട്ടിലെത്തി കുടുംബവുമൊത്ത്* സമയം ചിലവഴിച്ചശേഷം തിരികെ പോവുന്നു. എന്നാൽ അപ്രതീക്ഷിതമായ ഒന്ന് ആ കുടുംബത്തിൽ സംഭവിക്കുന്നു.

��CAST & PERFORMANCES
■സൂര്യ കൃഷ്ണമൂർത്തി എന്ന കേന്ദ്രകഥാപാത്രത്തെ പൃഥ്വിരാജ്* അവതരിപ്പിച്ചു. മുൻപ്*, ഡോ. രവി തരകനായും, ആന്റണി മോസസ്* ആയും, സാം അലക്സായും നമ്മെ വിസ്മയിപ്പിച്ചിട്ടുള്ള പൃഥ്വിരാജ്*, വീണ്ടും ഊർജ്ജസ്വലമായ പ്രകടനങ്ങളിലൂടെ, ശരിക്കും പ്രേക്ഷകനെ അമ്പരപ്പിച്ചുകളഞ്ഞു എന്നുതന്നെ പറയാം. രണ്ടു ഗെറ്റപ്പുകളിൽ പ്രത്യക്ഷപ്പെട്ട പൃഥ്വിരാജ്*, ആത്മനിയന്ത്രണം പ്രകടമാക്കേണ്ടതായ സന്ദർഭങ്ങൾ ഉൾപ്പെട്ട രംഗങ്ങളിലും, സെന്റിമെൻസ്* രംഗങ്ങളിലും സ്വാഭാവിക പ്രകടനങ്ങൾ കാഴ്ചവച്ചു.

■സൂര്യയുടെ പിതാവ്* കൃഷ്ണമൂർത്തി എന്ന കഥാപാത്രത്തെ അവതരിപ്പിക്കുന്നത്* ബാലചന്ദ്രമേനോൻ. തൊഴിലിനോട്* അർപ്പണബോധമുള്ള ഹെൽത്ത്* ഇൻസ്പെക്ടറായും, കുടുംബത്തോട്* അതിയായ സ്നേഹമുള്ള പിതാവായും, ഏൽപ്പിക്കപ്പെട്ട വേഷം വളരെ നന്നായി അദ്ദേഹം അവതരിപ്പിച്ചു. സുബ്ബലക്ഷ്മി എന്ന അമ്മവേഷം അവതരിപ്പിക്കുന്നത്* സീത.

■സു.സു.സുധി വാത്മീകം, KQ എന്നീ ചിത്രങ്ങളിലൂടെ പ്രേക്ഷകശ്രദ്ധ നേടിയ ആൻസൺ പോൾ, എഡ്വേർഡ്* വിൽഫ്രഡ്* എന്ന, പ്രാധാന്യമുള്ള ഒരു കഥാപാത്രത്തെ അവതരിപ്പിച്ചു. കൃഷ്ണമൂർത്തിയുടെ വളർത്തുമകനായ അജു (അജ്മൽ മുഹമ്മദ്*) എന്ന കഥാപാത്രത്തെ അവതരിപ്പിക്കുന്നത്* നീരജ്* മാധവ്*. ദൃശ്യത്തിലൂടെ പ്രേക്ഷകശ്രദ്ധനേടുകയും, ശേഷം ചെറിയ ചെറിയ റോളുകളിൽ പ്രത്യക്ഷപ്പെടുകയും ചെയ്ത നീരജ്* മാധവിന്റെ മികച്ച പ്രകടനം എന്ന് ഈ കഥാപാത്രത്തെ വിലയിരുത്താം.

■'അയാൾ ഞാനല്ല' എന്ന ഫഹദ്* ഫാസിൽ ചിത്രത്തിൽ നായികയായി അഭിനയിച്ച ദിവ്യ പിള്ള എന്ന ഗായത്രി എന്ന നായികാകഥാപാത്രത്തെ അവതരിപ്പിക്കുന്നു. ഇര്*ഷാദ്, കിഷോര്* സത്യ, ടോണി ലൂക്ക്*, പശുപതി, ജയപ്രകാശ്, രസ്*ന പവിത്രന്* എന്നിവര്* മറ്റ് പ്രധാന കഥാപാത്രങ്ങളെ അവതരിപ്പിക്കുന്നു.

��CINEMATOGRAPHY Oozham - My Take....
■ഉത്തമവില്ലൻ, വിശ്വരൂപം തുടങ്ങിയ ചിത്രങ്ങൾക്കായി ക്യാമറ ചലിപ്പിച്ച ഷാംദത്ത്* സൈനുദ്ദീനാണ്*. ഊഴത്തിന്റെ ഛായാഗ്രഹണനിർവ്വാഹകൻ. ടീസറിലും ട്രൈലറിലും ഉൾപ്പെടുത്തിയ രംഗങ്ങളിൽത്തന്നെ ക്യാമറാമികവ്* വ്യക്തമായിരുന്നു. വളരെ നന്നായിത്തന്നെ അദ്ദേഹം തന്റെ ജോലി നിർവ്വഹിച്ചു.

����MUSIC & ORIGINAL SCORES
■ജീത്തു ജോസഫിനൊപ്പം, ദൃശ്യം, ലൈഫ്* ഓഫ്* ജോസൂട്ടി, മെമ്മറീസ്* എന്നീ ചിത്രങ്ങളിൽ പ്രവർത്തിച്ചിരുന്ന സംഗീതസംവിധായകനായ അനിൽ ജോൺസനാണ്* 'ഊഴ'ത്തിന്* ഈണം നൽകുന്നത്*. സന്തോഷ്* വർമ്മയുടെ വരികളിലുള്ള, 'തിരികെ വരുമോ' എന്നുതുടങ്ങുന്ന ഗാനം പശ്ചാത്തലത്തോട്* ചേർന്നുനിന്നു. ടീസറിന്റെ ഏറ്റവും ആകർഷണീയത പശ്ചാത്തലസംഗീതമായിരുന്നു. ചിത്രത്തിന്റെ കാര്യവും മറിച്ചല്ല. മുൻചിത്രങ്ങളിലേതുപോലെതന്നെ, സന്ദർഭോചിതമായ വിധത്തിൽ അനിൽ ജോൺസൺ പശ്ചാത്തലസംഗീതമൊരുക്കി. ചിത്രത്തിന്റെ ത്രില്ലർ മൂഡ്* നിലനിറുത്തുന്നതിൽ അതൊരു വലിയ പങ്കുവഹിച്ചു.

»OVERALL VIEW
■ചിത്രത്തോടുള്ള നമ്മുടെ പ്രതീക്ഷകളെ തൃപ്തിപ്പെടുത്തും വിധമുള്ള ഒരു ആക്ഷൻ ഡ്രാമ ത്രില്ലർ. കഥയിൽ സസ്പെൻസ്* ഇല്ലെന്നുതന്നെ പറയാം. എന്നാൽ വ്യത്യസ്തമായ സംഭവങ്ങളെ കോർത്തിണക്കിയ മികച്ച തിരക്കഥയുയും, പൂർണ്ണതയുള്ള സംവിധാനവും ചിത്രത്തെ ഒരു നല്ല അനുഭവമാക്കിമാറ്റി ആവിഷ്കാരം.

■നായകൻ ഉൾപ്പെട്ട സംഘട്ടനരംഗങ്ങളിൽ നിന്നും ആരംഭിച്ച ചിത്രം, ഒപ്പം തന്നെ കുടുംബപശ്ചാത്തലവും കൂട്ടിച്ചേർത്തുകൊണ്ട്* രസാവഹമായി ആരംഭിച്ചു. അരമണിക്കൂറിനകത്ത്* ചിത്രം മറ്റൊരു തലത്തിലേക്ക്* വഴിമാറുന്നു. ഒരു നിമിഷം പോലും ചിന്തിക്കുവാനിടതരാതെ നീങ്ങിയ ആദ്യപകുതിക്കൊടുവിലെ സംഭാഷണരംഗങ്ങൾ വീര്യം പകരും വിധമായിരുന്നു. എന്നാൽ രണ്ടാം പകുതി, ആദ്യപകുതിയോളം മികവു പുലർത്തിയില്ല. ക്ലൈമാക്സ്* കഥയ്ക്കനുയോജ്യമായിരുന്നെങ്കിലും, ചില ചോദ്യങ്ങൾ നമ്മിൽ അവശേഷിപ്പിക്കുകയുണ്ടായി.

■ആക്ഷൻ ചിത്രമാണെങ്കിലും, സൗഹൃദം, കുടുംബബന്ധങ്ങൾ ഇവയ്ക്കെല്ലാം ചിത്രം പ്രാധാന്യം നൽകിയിട്ടുണ്ട്*. തമിഴ്* കലർന്ന മലയാളമാണ്* കഥാപാത്രങ്ങളെല്ലാം സംസാരഭാഷയായി ഉപയോഗിച്ചിരിക്കുന്നത്*. മൾട്ടിനാഷണൽ കമ്പനികളേക്കുറിച്ചുള്ള അജുവിന്റെ കാഴ്ചപ്പാടുകൾ സ്വാഗതാർഹമാണ്*.

■സസ്പെൻസ്* അല്ല ചിത്രത്തെ മുന്നോട്ട്* നയിക്കുന്നതെന്ന് സംവിധായകൻ മുൻകൂട്ടി പറഞ്ഞിട്ടുണ്ട്*. എന്നാൽ പ്രേക്ഷകന്* ഉദ്വേഗം പകർന്നു തരുന്ന ചില രംഗങ്ങൾ ചിത്രത്തിലടങ്ങിയിട്ടുണ്ട്*. ചിത്രത്തിൽ കാണിച്ചിരിക്കുന്ന ബ്ലാസ്റ്റുകൾ കൃത്രിമത്വം നിറഞ്ഞതായിരുന്നു. വിജയത്തിലേക്കുള്ള നായകന്റെ വേഗതയും, നായകനുമുന്നിൽ ദുർബ്ബലരാവുന്ന വില്ലന്മാരും, ചിത്രത്തിന്* ശാപമായിട്ടുണ്ട്*.

■ഇന്നത്തെ നിയമവ്യവസ്ഥയുടെ പൊള്ളത്തരങ്ങളേയും, പണപരമായ സ്വാധീനങ്ങളേയും ചിത്രത്തിൽ വിമർശനാത്മകമയി പ്രതിപാദിച്ചിട്ടുണ്ട്*. ഫാർമസ്യൂട്ടിക്കൽ കമ്പനികളുടെ അതിക്രൂരമായ ചില നയങ്ങളേയും മാർക്കറ്റിംഗ്* തന്ത്രങ്ങളേയും തുറന്നുകാണിച്ചതിനൊപ്പം, അതിനിരയാവുന്നവരേക്കുറിച്ചും ചിത്രം ഒരാകമാനവീക്ഷണം തരുന്നുണ്ട്*.

■ആഖ്യാനത്തിലെ വ്യത്യസ്തതയും, പക്വതയും, ചിത്രത്തെ ഒരു മലയാളചിത്രത്തിനുമപ്പുറമുള്ള വേറിട്ട സിനിമാനുഭവമാക്കിമാറ്റുന്നു. എനിക്ക്* ചിത്രത്തിലൂടെ ലഭിച്ച സംതൃപ്തിയുടെ അടിസ്ഥാനത്തിൽ അഞ്ചിൽ മൂന്നേകാൽ മാർക്കാണ്* ഊഴത്തിനു ഞാൻ നൽകുന്നത്*. വളരെ വ്യത്യസ്തമായ, ആക്ഷൻ മൂഡിലുള്ള ഒരു പ്രതികാര കഥ ആസ്വദിക്കുവാനായി, നിങ്ങൾക്കും ടിക്കറ്റെടുക്കാവുന്നതാണ്*.



➟വാൽക്കഷണം:
■'Revenge has many faces"-ചിത്രത്തിന്റെ ടീസറിൽ ഇങ്ങനെ ഒരു തലവാചകം കാണാം. ഇതൊരു വ്യത്യസ്തതരം പ്രതികാരകഥയാണ്*. ഇത്* മനസ്സിൽപ്പിടിച്ചുകൊണ്ടുവേണം ചിത്രത്തെ സമീപിക്കാൻ. മുൻപ്* കണ്ടതോ, പ്രതീക്ഷിച്ചതോ ആയവയിൽ നിന്നും വ്യത്യസ്തമായ ഒരു ചിത്രം. ആ വിധത്തിൽ നോക്കിയാൽ, ഒരു മലയാള ചിത്രം എന്നതിനേക്കാളുപരിയായ സംതൃപ്തി പ്രേക്ഷകനു നൽകിത്തരാൻ ചിത്രത്തിനു കഴിഞ്ഞിട്ടുണ്ട്*.

[yathra]

Thanks jomon

[udaips]

Thanks Jomon

[vishnugk88]

thanks jomon

[ClubAns]

Thanks for the Review.........

[baadshahmian]

Thanks Jomon

[HighnesS]

Thanks Jomon...

[megamaestro]

thanks jomon

[amintvm]

Thanks for the review..

[Helwin]

thanx for rthe review