പലായനം ചെയ്യുന്ന ജീവിവര്*ഗങ്ങള്*, കുന്ന് കയറിപ്പോകുന്ന ഷഡ്പദങ്ങള്*
https://www.mathrubhumi.com/image/co...10&w=852&q=0.8
കാലാവസ്ഥാ പ്രതിസന്ധി നമ്മള്* ആവര്*ത്തിച്ച് ചര്*ച്ച ചെയ്തുകൊണ്ടേയിരിക്കുന്നു. അത് മനുഷ്യന്റെ നിലനില്*പ്പിന് ഭീഷണിയാണ് എന്നതുതന്നെ കാരണം. എന്നാല്* ഷഡ്പദങ്ങള്* ഉള്*പ്പെടെ ആയിരക്കണക്കിന് ജീവിവര്*ഗങ്ങള്* ഈ പ്രതിസന്ധിയുടെ സമ്മര്*ദത്തില്* തങ്ങളുടെ ആവാസവ്യവസ്ഥ വിട്ട് പലായനം ചെയ്യുന്നതും പലതിനും വംശനാശം സംഭവിക്കുന്നതും നാമറിയുന്നില്ല. ആ ചെറുജീവികളുടെ പ്രശ്*നങ്ങള്* മനുഷ്യന്റെ പ്രശ്*നമായി മാറാന്* അധിക കാലം വേണ്ടിവരില്ല.
കാലാവസ്ഥാ വ്യതിയാനം, ഭൂമിയുടെ നാനാകോണിലുമുള്ള എല്ലാത്തരം ഭൂപ്രദേശങ്ങളെയും സസ്യ ജന്തുജാലങ്ങളുടെ അതിജീവനത്തിനുള്ള പോരാട്ടവേദിയാക്കിയിട്ടുണ്ട്. അവ കൂടുവിട്ട് ചേക്കേറുകയാണ്. ചില ജീവികള്* തങ്ങളുടെ ആവാസവ്യവസ്ഥയില്*നിന്ന് പൂര്*ണമായി കുടിയേറുന്നു. തെക്കന്* യൂറോപ്പിലെ ആല്*പ്*സ്, ആപെനൈന്* പര്*വതനിരകളില്* ഇങ്ങനെയൊരു കൂട്ടപ്പലായനം നടക്കുന്നുണ്ട്. കുന്നുകളുടെ താഴ്വാരങ്ങളില്*നിന്ന് ആകാശവണ്ട് അഥവാ കൊമ്പന്* ചെല്ലികള്* കൂട്ടത്തോടെ മുകളിലേക്ക് നീങ്ങുകയാണ്. ആവാസവ്യവസ്ഥകള്* പറിച്ചുനടപ്പെടുന്ന ആഗോളപ്രവണതയുടെ ഒരു ഉദാഹരണമാണിതെന്നാണ് പരിസ്ഥിതി ഗവേഷകര്* പറയുന്നത്.
ആഗോളതാപനവും ജൈവവൈവിധ്യത്തിന്മേലുയരുന്ന ബാഹ്യസമ്മര്*ദങ്ങളും നമ്മുടെ ആവാസവ്യവസ്ഥകളിലെ പ്രമുഖരായ പ്രാണികളെ വടക്കോട്ടും തെക്കോട്ടും മാത്രമല്ല സമുദ്രനിരപ്പില്*നിന്ന് ബഹുദൂരം ഉയരങ്ങളിലേക്കും എത്തിക്കുകയാണ്. പ്രാണികള്* മാത്രമല്ല മൃഗങ്ങളും പക്ഷികളുമുണ്ട് ഇക്കൂട്ടത്തില്*. എന്നാല്*, എളുപ്പം സഞ്ചരിക്കാനുള്ള കഴിവും ഭാരക്കുറവും ചെറിയ പ്രത്യുത്പാദന കാലഘട്ടവും പ്രാണികളെ മാറ്റങ്ങളുമായി പെട്ടെന്ന് പൊരുത്തപ്പെടാന്* സജ്ജരാക്കുന്നുവെന്നുമാത്രം. ഇതാണ് അവ അതിവേഗം കുന്നുകളുടെ മുകള്*ഭാഗങ്ങളിലേക്ക് നീങ്ങാന്* കാരണം.
ബംബിള്* ബീയും നിശാശലഭവും
കാലാവസ്ഥാവ്യതിയാനത്തെത്തുടര്*ന്ന് യൂറോപ്പിലെ പൈറിനീ മലനിരകളില്* കാണപ്പെടുന്ന തേനീച്ചവിഭാഗമായ ബംബിള്* ബീയും കൂടുതല്* ഉയരങ്ങളിലേക്ക് നീങ്ങുകയാണ്. ഓരോ വര്*ഷവും ശരാശരി ഒരു മീറ്ററിലധികം ഉയരത്തിലേക്കാണ് ബംബിള്* ബീകള്* ആവാസകേന്ദ്രം മാറ്റുന്നത്. തേനീച്ചക്കുടുംബങ്ങളിലൊന്നായ അപ്പിഡേയുടെ ഭാഗമായ ബോംബസ് ജനുസ്സിലെ 250-ലധികം സ്പീഷീസുകളിലൊന്നാണ് ബംബിള്*ബീ. കൂടാതെ തേനീച്ചഗോത്രമായ ബംബിനിയില്* അവശേഷിക്കുന്ന ഏക വിഭാഗമാണ് ഈ തേനീച്ചകള്*. വംശനാശം സംഭവിച്ച മറ്റ് ബംബിനിഗോത്ര തേനീച്ചകളുടെ ഫോസിലുകള്* കണ്ടെത്തിയിട്ടുണ്ട്.
ബോര്*ണിയോയിലെ കിനാബാലു പര്*വതനിരകളില്* നിശാശലഭങ്ങള്* കൂടുതല്* ഉയരങ്ങളിലേക്ക് നീങ്ങുന്നതായി കണ്ടെത്തിയിട്ടുണ്ട്. ജൈവവൈവിധ്യ കലവറകളായ കുന്നുകള്*, പര്*വത പ്രദേശങ്ങള്*, വ്യത്യസ്തയിനം ജീവികളുടെ സങ്കേതങ്ങള്* എന്നിവിടങ്ങളെ ആഗോളതാപനവും മറ്റ് പാരിസ്ഥിതിക പ്രത്യാഘാതങ്ങളും എത്രത്തോളം വാസയോഗ്യമല്ലാതാക്കിമാറ്റുന്നു എന്നതിന്റെ സൂചകങ്ങളാണ് ഇതൊക്കെ. ആവാസവ്യവസ്ഥകളുടെ പറിച്ചുനടലിന് ഇനി മറ്റെന്തെങ്കിലും കാരണങ്ങള്*കൂടിയുണ്ടോ എന്നത് അജ്ഞാതമായി തുടരുന്നു.
'പര്*വത പ്രദേശങ്ങളിലെ കാലാവസ്ഥാവ്യതിയാനം ട്രാക്ക് ചെയ്യണമെങ്കില്* ഉയരങ്ങളിലേക്ക് കുറച്ച് മീറ്ററുകള്* സഞ്ചരിച്ചാല്* മതി. എന്നാല്*, പരന്ന പ്രദേശങ്ങളില്* കിലോമീറ്ററോളം സഞ്ചരിക്കേണ്ടിവരും'- യു.കെ.യിലെ ഉഷ്ണമേഖലാ പര്*വതപ്രദേശങ്ങളില്* പ്രാണിവര്*ഗങ്ങളെക്കുറിച്ച് പഠിക്കുന്ന യോര്*ക്ക് സര്*വകലാശാലയിലെ പ്രൊഫസര്* ജെയിന്* ഹില്ലിന്റെ അഭിപ്രായമാണിത്. പ്രാണികളുടെ പ്രത്യുത്പാദനത്തിനും വളര്*ച്ചയ്ക്കും തടസ്സമാണ് കൂടുതല്* ഉയരങ്ങളിലെ താമസം. അതിനാല്* ഇത് ഇവയില്* അസ്വസ്ഥത ഉണ്ടാക്കുന്നുണ്ടെന്നും പഠനങ്ങള്* ചൂണ്ടിക്കാട്ടുന്നു. ഉയരങ്ങളില്* ഈ ജീവിവര്*ഗങ്ങള്* ഒരേപോലെ വിതരണം ചെയ്യപ്പെടുന്നില്ല എന്നതാണ് മറ്റൊരു വസ്തുത. എങ്കിലും, പര്*വതങ്ങളുടെ താഴ്ന്ന ഭാഗങ്ങളില്* അഭിമുഖീകരിക്കുന്നയത്ര വംശനാശഭീഷണി ഇവ മുകള്*ഭാഗങ്ങളില്* നേരിടുന്നില്ല.
മലഞ്ചെരുവുകളിലെ തണുത്ത അന്തരീക്ഷത്തോട് ദീര്*ഘകാലമായി പൊരുത്തപ്പെട്ടുകഴിയുന്ന സ്പീഷീസുകള്*ക്ക് അതിജീവനത്തിന് അനുകൂലമായ സാഹചര്യം കണ്ടെത്താന്* എത്ര ദൂരം സഞ്ചരിക്കാനാകുമെന്നതിന് നിശ്ചിത പരിധിയുണ്ട്. ഇത് നിലനില്*ക്കെയാണ് പഠനവിധേയമാക്കപ്പെട്ട പര്*വതങ്ങളിലെ പ്രാണിവര്*ഗങ്ങളില്* 50 ശതമാനത്തിലധികവും മുകളിലേക്ക് നീങ്ങിയതായി കണ്ടെത്തിയിരിക്കുന്നത്.
ഓറഞ്ചുകണ്ണന്* പൂമ്പാറ്റ
കാലാവസ്ഥാ വ്യതിയാനംകൊണ്ട് ഏറ്റവും ഉയരത്തില്* എത്തപ്പെട്ട ഷഡ്പദമാണ് യു.കെ.യുടെ ജൈവവൈവിധ്യ പ്രവര്*ത്തന പദ്ധതിയിലെ മുന്*ഗണനാ ഇനമായ മൗണ്ടന്* റിങ് ലെറ്റ് എന്ന ചിത്രശലഭം. അന്തിമ ഹിമയുഗത്തിന്റെ അവസാനത്തോടെ യു.കെ. കോളനിവത്കരിക്കപ്പെട്ടപ്പോള്* ചിറകുകളില്* ഓറഞ്ച് നിറത്തിലുള്ള കണ്ണുകളോടുകൂടിയ ഇരുണ്ട തവിട്ടുനിറത്തിലുള്ള ഈ ചിത്രശലഭം അപ്രത്യക്ഷമാകാന്* തുടങ്ങി. രക്ഷതേടി കുറച്ചെണ്ണം വടക്കോട്ടും ഉയര്*ന്ന പ്രദേശങ്ങളിലേക്കും പിന്*വാങ്ങി. നിലവില്* സ്*കോട്ട്ലന്*ഡിലെ ലേക്ക് ജില്ലയിലുള്ള കുന്നുകളുടെ മുകള്* ഭാഗങ്ങളില്* മാത്രമാണ് ഇവ കാണപ്പെടുന്നത്. ഇവിടങ്ങളില്* ഒറ്റപ്പെട്ടുപോയ, വംശനാശത്തിന്റെ വക്കിലെത്തിയ ഈ ചിത്രശലഭ സ്പീഷീസ് ജനിതകപരമായ വൈവിധ്യവും കാണിക്കുന്നുണ്ട്.
കാലാവസ്ഥ അനുകൂലമായാല്* മാത്രമേ ചിത്രശലഭങ്ങള്*ക്ക് പറക്കാന്* സാധിക്കൂ. അതുകൊണ്ടുതന്നെ ഈ കുന്നുകളുടെ മേല്*ഭാഗങ്ങള്* ഇവയ്ക്ക് അനുകൂലമായ ആവാസം ഒരുക്കുന്നുണ്ട് എന്നുവേണം കരുതാന്*. എങ്കിലും വൈവിധ്യമാര്*ന്ന ഇത്തരം ജീവജാലങ്ങളെ വംശനാശത്തില്*നിന്ന് കരകയറ്റാന്* ക്രിയാത്മകമായ ഇടപെടല്* കൂടിയേ തീരൂ. വരുന്ന ദശകങ്ങളില്* ഇവയ്ക്ക് പൂര്*ണതോതില്* വംശനാശം സംഭവിക്കാന്* സാധ്യതയുള്ളതിനാല്* അവയുടെ തനത് ആവാസ വ്യവസ്ഥ സംരക്ഷിക്കുന്നതിനുള്ള പ്രവര്*ത്തനങ്ങളാണ് പ്രൊഫസര്* ഹില്ലിന്റെ നേതൃത്വത്തിലുള്ള സംഘം നടത്തുന്നത്.
എറേബിയ ജനുസ്സില്*പെട്ട പൂമ്പാറ്റകളില്* മൗണ്ടന്* റിങ്ലെറ്റ് മാത്രമല്ല വംശനാശം നേരിടുന്നത്. ബ്രിട്ടനില്* കാണപ്പെടുന്ന സ്*കോച്ച് ആര്*ഗസും, ഇറ്റലിയില്* കാണപ്പെടുന്ന ഡ്യൂയി റിങ്ലെറ്റും ആഗോളതാപനത്തിന്റെ തിക്തഫലങ്ങള്* അനുഭവിക്കുന്നുണ്ട്. ജനിതകപരമായ മാറ്റങ്ങള്* ഇവയിലും കാണപ്പെടുന്നു. പ്രാദേശികമായി ഇവ തുടച്ചുനീക്കപ്പെട്ടതില്* കാലാവസ്ഥാ വ്യതിയാനത്തിന് വലിയ പങ്കുണ്ടെന്നാണ് ശാസ്ത്രജ്ഞരുടെ വിലയിരുത്തല്*.
പ്രാണികളുടെ അപ്പോകാലിപ്സ്
പരിസ്ഥിതി ശാസ്ത്രത്തില്* ചില പ്രതിഭാസങ്ങളെ വിശദീകരിക്കാന്* 'സ്മോക്കിങ് ഗണ്*' എന്ന് പ്രയോഗിക്കാറുണ്ട്. ശാസ്ത്രീയ തെളിവുകളുടെ അടിസ്ഥാനത്തിലുള്ള വിലയിരുത്തലാണത്. അത് ഇവിടെയും സാധ്യമാണ്. അതായത് മുകളിലേക്കുള്ള പ്രാണികളുടെ പലായനം കാലാവസ്ഥയ്*ക്കൊപ്പം മറ്റുചില ഘടകങ്ങളുമായും ബന്ധപ്പെട്ടിരിക്കുന്നു. ഒരുകൂട്ടം ബാഹ്യസമ്മര്*ദങ്ങളുടെ പാക്കേജാണ് ഉയരങ്ങളില്* താമസിക്കുന്ന പ്രാണികളെ പിന്തുടരുന്നത്. യു.കെ.യിലെ സെന്റര്* ഫോര്* ഇക്കോളജി ആന്*ഡ് ഹൈഡ്രോളജിയിലെ ശാസ്ത്രജ്ഞന്* ഡോക്ടര്* ഡേവിഡ് റോയ് ഇത് വിശദീകരിക്കുന്നുണ്ട്. ഇംഗ്ലണ്ടിലെ ഉയര്*ന്ന പ്രദേശങ്ങളിലുള്ള ഷഡ്പദ വര്*ഗങ്ങളുടെ ആവാസ വ്യവസ്ഥ അവിടത്തെ കുറ്റിക്കാടുകളും തണ്ണീര്*ത്തടങ്ങളുമായി ബന്ധപ്പെട്ടതാണ്. എന്നാല്*, ഇവ കെട്ടിട നിര്*മാണം, കൃഷി തുടങ്ങിയവയ്ക്കായി നശിപ്പിക്കപ്പെടുന്നു. ഇത് പ്രാണിവര്*ഗങ്ങളുടെ ആവാസവ്യവസ്ഥ ഇല്ലാതാക്കുകയും കൂട്ടനാശത്തിന് കാരണമാകുകയും ചെയ്യുന്നു.
ആഗോളതാപനത്താല്* ഹിമാനികളും മഞ്ഞുമലകളും വലിയതോതില്* ഉരുകുന്നത് കരയിലും ജലത്തിലും വളരുന്ന പ്രാണിവര്*ഗങ്ങളെ ഒരുപോലെ ബാധിക്കുന്നുണ്ട്. ഉദാഹരണമായി അല്*പയിനിലുള്ള കൊമ്പന്* ചെല്ലികള്* (ലോങ് ഹോണ്* ബീറ്റില്*-ഞീമെഹശമ മഹുശിമ). ചീഞ്ഞളിഞ്ഞ മരത്തടിയുടെ അവശിഷ്ടങ്ങളാണ് അവ ഭക്ഷണമാക്കുന്നത്. ഭക്ഷണ സ്രോതസ്സുകള്* ഇല്ലാതാകുന്നത് ഇവയെ കൂടുതല്* ഉയരങ്ങളിലേക്ക് താമസം മാറ്റാന്* നിര്*ബന്ധിതരാക്കുന്നു. ഹിമാനികള്* ഉരുകുന്നത് നദികളിലെയും അരുവികളിലെയും പ്രാണികളുടെ ആവാസവ്യവസ്ഥയെ വലിയതോതില്* ഇല്ലാതാക്കുമെന്നും ശാസ്ത്രജ്ഞര്* ചൂണ്ടിക്കാണിക്കുന്നു. ഇത്തരം പ്രാണികള്* ജീവിതചക്രത്തിന്റെ ഭൂരിഭാഗവും ജുവനൈലായി(ലാര്*വ) വെള്ളത്തില്* ചെലവഴിക്കാനുള്ള പ്രവണത കാണിക്കുന്നവരാണ്. ഉയര്*ന്ന പ്രദേശങ്ങളിലെ ശുദ്ധജലസ്രോതസ്സുകളില്* വസിക്കുന്ന പ്രാണികളില്* 51 ശതമാനവും നിലവില്* അതീവദുര്*ബല വിഭാഗത്തില്*പ്പെടുന്ന സ്പീഷീസുകളാണ്.
പര്*വത സ്പീഷീസുകള്*ക്ക് വേട്ടക്കാരനില്*നിന്ന് അവയെ സംരക്ഷിക്കാനുള്ള പ്രതിരോധച്ചട്ടയാണ് മഞ്ഞ്. ശത്രുക്കളില്*നിന്ന് രക്ഷനേടാന്* മഞ്ഞുപാളികളില്* ഒളിച്ചുകഴിയുന്നവരും അതിനെ ഒരു കമ്പിളി എന്നപോലെ ഉപയോഗിക്കുന്നവരുമുണ്ട്. എന്നാല്* മഞ്ഞ് ഉരുകുന്നതോടെ ഈ പ്രാണികളുടെ സംരക്ഷണ വലയമാണ് ഇല്ലാതാകുന്നത്. പരിസ്ഥിതിയുടെ നാശവും കാലാവസ്ഥാവ്യതിയാനവും പ്രാണികളുടെ പ്രജനനകാലത്തെയും ലാര്*വഘട്ടത്തെയും എങ്ങനെ ബാധിക്കുന്നു എന്നത് സംബന്ധിച്ച് കൂടുതല്* പഠനം ആവശ്യമാണ്. എപ്പോഴും പൂര്*ണവളര്*ച്ചയെത്തിയ പ്രാണിവര്*ഗങ്ങളെക്കുറിച്ച്, അതും വേനല്*ക്കാലത്ത്, പഠിക്കാനാണ് ഗവേഷകര്* ശ്രമിക്കാറെന്ന് കൊളറാഡോ സര്*വകലാശാലയുടെ മൗണ്ടന്* ലാബിന് നേതൃത്വം നല്*കുന്ന പ്രൊഫസര്* ക്രിസ്റ്റി മാക്കേയ്ന്* പറയുന്നു. അവിശ്വസനീയമാംവിധം തണുത്തതും വരണ്ടതുമായ അന്തരീക്ഷമുള്ള പര്*വത പ്രദേശങ്ങളില്* കാലാവസ്ഥാ വ്യതിയാനമുണ്ടാക്കുന്ന പ്രത്യാഘാതങ്ങള്* ഏറ്റവും രൂക്ഷമാകുന്നത് വേനല്*ക്കാലത്തായിരിക്കണമെന്നില്ല. മാത്രമല്ല, പര്*വതത്തിന്റെ ഏറ്റവും ഉയര്*ന്ന ഭാഗങ്ങളിലുള്ള സ്പീഷീസുകളെക്കുറിച്ച് കൂടുതല്* പഠനങ്ങളുണ്ടാകുന്നുമില്ല. പലപ്പോഴും ചിത്രശലഭങ്ങളുടെയും നിശാശലഭങ്ങളുടെയും കാര്യം മാത്രം പഠിക്കുന്നത്, വൈവിധ്യങ്ങള്* ഒളിപ്പിച്ച മറ്റനേകം പ്രാണിവര്*ഗങ്ങളുടെ ആവാസവ്യവസ്ഥയെക്കുറിച്ച് കൂടുതല്* അറിയാതെ പോകുന്നതിന് കാരണമാകുന്നു.
ശവംതീനി വണ്ടുകള്*
ക്രിസ്റ്റിയുടെ ലാബില്* ശവംതീനി വണ്ടുകളെക്കുറിച്ച് ഒരു വിദ്യാര്*ഥി പഠനം നടത്തുകയുണ്ടായി. കാലാവസ്ഥയെ അതിജീവിക്കാനുള്ള ഈ വണ്ടുകളുടെ കഴിവ് അതിന് തലമുറകള്* വഴി ജനിതക കൈമാറ്റത്തിലൂടെ കിട്ടിയതായിരിക്കാമെന്ന് അവര്* കണ്ടെത്തി. അതിസൂക്ഷ്മ ആവാസവ്യവസ്ഥയില്* ജീവിക്കുന്ന ഇവയ്ക്ക് ജൈവ വിഘടനം നടത്താന്* ശേഷിയുണ്ട്. ക്രെറ്റേഷ്യസ് യുഗം മുതല്* ഇത്തരം പ്രാണികള്* ഉണ്ടായിരുന്നു (14.5 കോടി വര്*ഷങ്ങള്*ക്കുമുന്*പ് ആരംഭിച്ച് ആറുകോടി വര്*ഷങ്ങള്*ക്കുമുന്*പ് അവസാനിച്ച കാലഘട്ടം). ഇത് ശവംതീനി വണ്ടുകളുടെ കോടിക്കണക്കിന് വര്*ഷങ്ങള്*ക്കിടയിലുണ്ടായ തലമുറകളോരൊന്നും, അതിജീവനത്തിനുള്ള 'കാലാവസ്ഥാ സഹന ശക്തി' പാരമ്പര്യമായി കൈമാറിവന്നു എന്നാണ് വെളിവാക്കുന്നത്. എന്നാല്*, കാലാവസ്ഥാവ്യതിയാനത്തെ അതിജീവിക്കുന്നതിന് മാതൃകാപരമായ കഴിവുകളുള്ള പ്രാണികളെ നിലവില്* കണ്ടെത്തിയിട്ടില്ല. വളരെ എളുപ്പം സഞ്ചരിക്കാനുള്ള കഴിവ് മാത്രമാണ് ചില ജീവികളെ കാലാവസ്ഥാ വ്യതിയാനമുണ്ടാക്കുന്ന പ്രത്യാഘാതങ്ങളില്*നിന്ന് താത്കാലികമായെങ്കിലും സംരക്ഷിക്കുന്നത്. ഉയര്*ന്ന പര്*വത പ്രദേശങ്ങളും ഇത്തരത്തില്* അവയുടെ താത്കാലിക രക്ഷാകവചം മാത്രമാണ്.
സൂക്ഷ്മ ആവാസങ്ങള്*
സൂക്ഷ്മ കാലാവസ്ഥ ഉയര്*ന്ന പ്രദേശങ്ങളില്* അനുപാതികമല്ലാത്ത സ്വാധീനമാണുണ്ടാക്കുക. ഇവിടങ്ങള്* ചൂടുള്ളതും തണുത്തതുമായ അന്തരീക്ഷമുള്ള ചെറു പ്രദേശങ്ങളായി ചിതറിക്കിടക്കാന്* ഇത് കാരണമാകുന്നു. ഇത് ഒരുപരിധിവരെ കാലാവസ്ഥാ പ്രത്യാഘാതങ്ങളില്*നിന്ന് പ്രാണികളെ മറച്ചുപിടിക്കുന്നുമുണ്ട്. ഫ്രാന്*സ്-സ്*പെയിന്* അതിര്*ത്തിയിലെ പൈറനീസിന്റെ കാര്യമെടുക്കാം. ഇവിടത്തെ പര്*വത പ്രദേശങ്ങളില്* പരമ്പരാഗത കൃഷിയിടങ്ങള്* ഏതാണ്ട് ഉപേക്ഷിക്കപ്പെട്ട മട്ടാണ്. കൃഷിയോട് വിമുഖതയുള്ള യുവതലമുറ നഗരത്തിലേക്ക് ചേക്കേറുകയാണ്. പഴയ തലമുറയും പലകാരണങ്ങളാല്* കൃഷിയെ കൈവിട്ടുകഴിഞ്ഞു. ഇത് ഇത്തരം ആവാസ വ്യവസ്ഥകളില്* പലതിലും കൂടുതല്* മരങ്ങളും ചെടികളും സ്വാഭാവികമായി വളരാന്* കാരണമായിട്ടുണ്ട്. ഇത് ആഗോളതാപനത്തിനിടയിലും ഈ ആവാസ കേന്ദ്രങ്ങള്*ക്ക് ആശ്വാസമാകുന്നു. പ്രാണികളുടെ അതിജീവനത്തിന് ഇതും ഒരു സഹായക ഘടകമാണ്.
കൂട്ടം തെറ്റുമ്പോള്*
ഒരു ആവാസ വ്യവസ്ഥയില്* വലിയ ബയോമാസ് സംഭാവന ചെയ്യുന്ന, സമൂഹങ്ങളായി ജീവിക്കുന്ന ഉറുമ്പ്, ചിതലുകള്*, തേനീച്ച എന്നിവയുടെ വിതരണത്തിലും സ്വഭാവത്തിലും ഉണ്ടായ മാറ്റങ്ങള്* പഠിക്കുന്നത്, കാലാവസ്ഥാ വ്യതിയാനത്തിന്റെ പ്രത്യാഘാതങ്ങള്* ആവാസവ്യവസ്ഥയെ എങ്ങനെ തകിടംമറിക്കുന്നുവെന്നതിന് കൃത്യമായ ഉത്തരം നല്*കും. ഇതേക്കുറിച്ച് കാര്*ഡിഫ് സര്*വകലാശാലയിലെ ഡോ. ടോം ബിഷപ്പ് പഠനം നടത്തിയിട്ടുണ്ട്. ഉഷ്ണമേഖലാ പ്രദേശങ്ങളില്* നിലത്ത് കൂടുകൂട്ടുന്ന ഉറുമ്പുകള്*ക്ക് മരത്തിന്റെ മേലാപ്പിലും (കാനോപ്പി) ഇലകളിലും കൂടുകൂട്ടുന്ന ഉറുമ്പുകളേക്കാള്* വര്*ധിച്ചുവരുന്ന ചൂടില്*നിന്ന് സംരക്ഷണം ലഭിക്കുമെന്ന് അദ്ദേഹം കണ്ടെത്തി. കാരണം അന്തരീക്ഷത്തില്* ചൂടുകൂടുമ്പോള്* അവയ്ക്ക് മണ്ണിനടിയിലേക്ക് കുഴിയുണ്ടാക്കി കൂടുകള്* മാറ്റി സ്ഥാപിക്കാന്* കഴിയും. കനോപ്പിയിലും ഇലകളിലും കൂടുണ്ടാക്കുന്ന ഉറുമ്പ് സ്പീഷീസുകള്*ക്ക് ഇതിന് കഴിയണമെന്നില്ല. അവ കാലാവസ്ഥാ വ്യതിയാനത്തെ അതിജീവിക്കാന്* പാടുപെടും.
പൊതുവേ ഊഷ്മളവും തണുത്തതുമായ സാഹചര്യങ്ങളില്* ജീവിക്കാന്* കഴിവുള്ളവരാണ് ഉറുമ്പുകള്*. ആവാസവ്യവസ്ഥകളില്* ഉറുമ്പുകോളനികള്*ക്ക് വലിയ സ്വാധീനവും പ്രാതിനിധ്യവുമുണ്ട്. എന്നാല്*, അവ ഉയരങ്ങളിലേക്ക് നീങ്ങുമ്പോള്* അവിടത്തെ ആവാസവ്യവസ്ഥയെ എത്തരത്തില്* ബാധിക്കും എന്നത് പ്രശ്*നവിഷയമാണ്. വടക്കേ അമേരിക്കയിലെ അപ്പലേഷ്യന്* പര്*വതനിരകളുടെ താഴ്ന്ന ഭാഗങ്ങളില്* ചൂടുള്ള കാലാവസ്ഥയില്* പരമ്പരാഗതമായി ജീവിക്കുന്ന ഉറുമ്പുകളാണ് അഫാനോഗാസ്റ്റര്* റൂഡിസ് . എന്നാല്*, കാലാവസ്ഥാ വ്യതിയാനത്തെ തുടര്*ന്ന് ഇവ കുന്നുകളുടെ മേല്*ഭാഗത്തേക്ക് കയറിത്തുടങ്ങിയതോടെ അവിടെ തണുത്ത അന്തരീക്ഷത്തില്* കഴിഞ്ഞിരുന്ന അഫാനോഗാസ്റ്റര്* പിസിയ (അുവമലിീഴമേെലൃ ുശരലമ) എന്ന ഉറുമ്പുവര്*ഗത്തെ തുടച്ചുനീക്കി. സമാന പഠനം ബിഷപ്പ് ദക്ഷിണാഫ്രിക്കയില്* നടത്തിയെങ്കിലും അവിടെ ഇത്തരമൊരു പ്രവണത കണ്ടെത്തിയിട്ടില്ല. ഇതിന്റെ അടിസ്ഥാന കാരണങ്ങളെക്കുറിച്ച് കൂടുതല്* പഠനം നടത്തേണ്ടിയിരിക്കുന്നുവെന്നാണ് അദ്ദേഹത്തിന്റെ പക്ഷം.
കാലാവസ്ഥാവ്യതിയാനം താപനില വര്*ധിപ്പിക്കുന്നതോടൊപ്പം അന്തരീക്ഷം വരണ്ടതാക്കുകയും ചെയ്യും. ഇത് ഷഡ്പദങ്ങളെ സംബന്ധിച്ച് വലിയ സമ്മര്*ദം സൃഷ്ടിക്കുന്നു. നിര്*ജലീകരണത്തോടും ശരീരം ശുഷ്*കിക്കുന്നതിനോടും ഇവ എങ്ങനെ പ്രതികരിക്കുന്നുവെന്ന് ഇനിയും മനസ്സിലാക്കേണ്ടിയിരിക്കുന്നു. കോളനികളായി ജീവിക്കുന്ന പ്രാണികളുടെ എണ്ണത്തെ സംബന്ധിച്ച് കണക്കെടുപ്പ് നടത്തുക അപ്രായോഗികമായതാണ് മറ്റൊരു വെല്ലുവിളി. ഉദാഹരണത്തിന് എത്ര പുതിയ ഉറുമ്പുരാജ്ഞികള്* കോളനികള്* സ്ഥാപിച്ചു എന്നത് കണ്ടെത്തുക പ്രയാസമാണ്. ഒരു നാഷണല്* പാര്*ക്കില്* എത്ര ആനകള്* ജനിച്ചു എന്നത് ട്രാക്ക് ചെയ്യുന്നതുപോലെ എളുപ്പമല്ല അത്. കാലാവസ്ഥാവ്യതിയാന പ്രതികരണങ്ങള്* മനസ്സിലാക്കാന്* പ്രാണികളുടെ വംശവര്*ധനയെക്കുറിച്ചും എണ്ണത്തെക്കുറിച്ചും കോളനിക്കുള്ളിലെ പാറ്റേണിനെ സംബന്ധിച്ചും തങ്ങള്* തീര്*ത്തും അജ്ഞരാണെന്നാണ് ബിഷപ്പും സംഘവും പറയുന്നത്. പഠനത്തിനായി ചില പര്*വത പ്രദേശങ്ങളില്* എത്തിപ്പെടുന്നതും ശ്രമകരമായ ദൗത്യമാണ്.
ജനിതകപരമായി ഒറ്റപ്പെട്ടുപോയ ജീവിവര്*ഗങ്ങളുടെ പരിധിയില്* നിന്നുകൊണ്ടുതന്നെ അവയുടെ സ്വതസ്സിദ്ധമായ ആവാസവ്യവസ്ഥ ഒരുക്കുക എന്നതാണ് കാലാവസ്ഥാ വ്യതിയാനത്താലുഴറുന്ന പ്രാണികളെ സംരക്ഷിക്കാനുള്ള ഫലപ്രദമായ നിര്*ദേശം. പ്രാണികളെ അവയുടെ ജനിതക വൈവിധ്യം സംരക്ഷിക്കാനുതകുന്ന അനുകൂല കാലാവസ്ഥയുള്ള ഒഴിഞ്ഞ പ്രദേശങ്ങളിലേക്ക് എത്തിക്കാം. അല്ലെങ്കില്* നിലവില്* മറ്റ് സ്പീഷീസുകളുള്ള പ്രദേശങ്ങളിലേക്ക് എത്തിക്കണം. ഇത് ജനിതക വൈവിധ്യവും മാറ്റങ്ങളുമായി പൊരുത്തപ്പെടാനുള്ള അവയുടെ ശേഷിയും മെച്ചപ്പെടുത്തും. എന്നാല്*, പ്രാണികളെ ഒരിടത്തുനിന്ന് മറ്റൊരിടത്തേക്ക് മാറ്റുക എന്നത് ആവാസവ്യവസ്ഥയില്* വലിയ പ്രത്യാഘാതങ്ങളുണ്ടാക്കുമെന്ന ആശങ്കയും നിലനില്*ക്കുന്നുണ്ട്. പ്രത്യേകിച്ച്, മനുഷ്യവാസ മേഖലയില്*. ഭൂമുഖത്ത് ഇന്നുവരെ ഉണ്ടായ ജീവജാലങ്ങളില്* 69 ശതമാനവും വംശനാശം നേരിട്ടുവെന്ന വേള്*ഡ് വൈഡ് ഫണ്ട് ഫോര്* നേച്ചറിന്റെ 2022-ലെ ലിവിങ് പ്ലാനറ്റ് റിപ്പോര്*ട്ട് അക്ഷരാര്*ഥത്തില്* ഞെട്ടിക്കുന്നതാണ്. ജീവഗ്രഹമായ ഭൂമിയിലെ ജൈവവൈവിധ്യം സംരക്ഷിക്കേണ്ടതിന്റെ പ്രാധാന്യം അത് നമ്മെ ബോധ്യപ്പെടുത്തുന്നുണ്ട്.
അന്റാര്*ട്ടിക്കയിലെ അധിനിവേശ പ്രാണികള്*
പ്രാണിവര്*ഗങ്ങളുടെ വംശനാശം തടയാന്* അവയെ മറ്റുമേഖലകള്* പരിചയപ്പെടുത്തുക എന്നത് മികച്ച മാര്*ഗമായി കാണുമ്പോഴും അതിന്റെ ദുരന്തം പേറുന്ന ഒരു സ്ഥലമാണ് അന്റാര്*ട്ടിക്കയിലെ സിഗ്*നി ദ്വീപ്. ഒരാണ്ടിന്റെ പകുതിയിലധികവും മഞ്ഞുമൂടിക്കിടക്കുന്ന പ്രദേശമാണിത്. അവിടെ ക്ഷണിക്കപ്പെടാതെ എത്തിയ ഒരു അതിഥിയാണ് വില്ലനായത്. അന്റാര്*ട്ടിക്കന്* ഉപദ്വീപായ തെക്കന്* ജോര്*ജിയയില്* നിന്നെത്തിയ മിഡ്ജ് (ഋൃലാേീുലേൃമ ാൗൃുവ്യശ) എന്ന പ്രാണിയാണ് പ്രശ്*നങ്ങള്* സൃഷ്ടിക്കുന്നത്. പറക്കാന്* ശേഷിയില്ലാത്ത ഈ പ്രാണികള്* പെറ്റുപെരുകി കൂടുതല്* പ്രദേശങ്ങളിലേക്ക് വ്യാപിച്ചു. ഇവ ദ്വീപിലെ മണ്ണിന്റെ ഘടനയില്* സമൂലമായ മാറ്റം വരുത്തി എന്നാണ് ബ്രിട്ടീഷ് അന്റാര്*ട്ടിക്സ് സര്*വേ (ബി.എ.എസ്.) കണ്ടെത്തിയത്. ചീഞ്ഞളിഞ്ഞ സസ്യങ്ങളും മറ്റ് ജൈവാവശിഷ്ടങ്ങളും ആണ് ഇവയുടെ ആഹാരം. ജൈവ വിഘടനം അതിവേഗം നടത്തുന്ന ഈ ജീവി, മണ്ണിലെ നൈട്രേറ്റിന്റെ തോത് മൂന്നുമുതല്* അഞ്ചുമടങ്ങുവരെ വര്*ധിപ്പിച്ചു.
1960-ല്* സസ്യശാസ്ത്ര പരീക്ഷണങ്ങളുടെ ഭാഗമായാണ് മിഡ്ജിനെ സിഗ്*നി ദ്വീപില്* എത്തിക്കുന്നത്. 1980-ഓടെ ഇത് വന്*തോതില്* വ്യാപിച്ചു. പെന്*ഗ്വിനുകളുടെയും സീലുകളുടെയും കോളനികള്*ക്ക് സമാനമായി ഇവ അന്റാര്*ട്ടിക്കയില്* ആധിപത്യം സ്ഥാപിക്കുകയാണ്. കരയിലും ജലത്തിലും ഒരുപോലെ അതിജീവിക്കാന്* ശേഷി കൈവരിച്ച ഇവ മറ്റുദ്വീപുകളിലേക്ക് വ്യാപിക്കുമോ എന്ന ആശങ്കയുമുണ്ടാക്കുന്നു. മനുഷ്യര്* വഴി ഇവ മറ്റുസ്ഥലങ്ങളിലേക്ക് എത്താനുള്ള സാധ്യതയും കൂടുതലാണ്. ഇവയുടെ കോളനിക്ക് സമീപത്തുകൂടി പോകുന്ന ഗവേഷകരുടെയും ടൂറിസ്റ്റുകളുടെയും കാല്പാദങ്ങളില്* പറ്റിപ്പിടിച്ചിരുന്ന് ദൂരദേശങ്ങളിലേക്ക് എത്തിയിട്ടുമുണ്ട്.
ഇത്രയും കാലത്തിനിടയ്ക്ക് വളരെ കുറഞ്ഞ അധിനിവേശ ജീവികള്* മാത്രമേ അന്റാര്*ട്ടിക്കയില്* അതിജീവിച്ചിട്ടുള്ളൂ. എന്നാല്*, മിഡ്ജിന്റെ അധിനിവേശം, കുറഞ്ഞ താപനില, ഈര്*പ്പം, പോഷകങ്ങളുടെ അപര്യാപ്തത തുടങ്ങിയ മോശം അവസ്ഥയിലും ജീവികള്*ക്ക് അതിജീവിക്കാന്* കഴിയുമെന്ന് തെളിയിച്ചു. കാലാവസ്ഥാവ്യതിയാനമാണ് മിഡ്ജിന് അതിജീവനശേഷി നല്*കിയതെന്നും വര്*ധിച്ചുവരുന്ന ആഗോളതാപനം പ്രതിസന്ധി രൂക്ഷമാക്കുമെന്നും ഗവേഷകര്* മുന്നറിയിപ്പ് നല്*കുന്നു.
അപകടകരമായ നിലയില്* 40% പ്രാണികള്*
അതിതീവ്ര മഴ, വെള്ളപ്പൊക്കം, കാട്ടുതീ, മണ്ണിടിച്ചില്*, ഹിമപാതം, ചുഴലിക്കാറ്റുകള്*, വരള്*ച്ച തുടങ്ങിയ കാലാവസ്ഥാ ദുരന്തങ്ങള്* ആവര്*ത്തിക്കപ്പെടുകയാണ്. കാലാവസ്ഥാവ്യതിയാനം ഭൂമുഖത്തെ 40 ശതമാനം പ്രാണികളെയും അപകടകരമായ നിലയിലാക്കി. മൂന്നിലൊന്നു പ്രാണികള്* വംശനാശം നേരിടുന്നുണ്ട്. ചിലന്തി, പാറ്റ, പഴുതാര തുടങ്ങി ആര്*ത്രോപോഡ് വര്*ഗത്തിലെ മിക്ക ഇനങ്ങളും പ്രതിസന്ധിയിലാണ്. വടക്കേ അമേരിക്ക, ഓസ്ട്രേലിയ, യൂറോപ്പ് എന്നിവിടങ്ങളിലും ആര്*ത്രോപോഡുകള്* ഭീഷണി നേരിടുന്നു.
ഭൂമുഖത്തെ ഏറ്റവും വലിയ ജീവിവര്*ഗമാണ് ആര്*ത്രോപോഡുകള്* (ഭൂമിയിലെ അറിയപ്പെടുന്ന ജീവജാലങ്ങളില്* മൂന്നില്* രണ്ട്). അവ ഭൂമിയില്* എല്ലായിടത്തുമുണ്ട്. ഭക്ഷ്യവിളകളിലും ആയിരക്കണക്കിന് കാട്ടുസസ്യ ഇനങ്ങളിലും പരാഗണം നടത്തുകയും വിത്തുവിതരണം നടത്തുകയും പോഷകങ്ങള്* പുനരുപയോഗിക്കുകയും ഭക്ഷ്യശൃംഖലയിലെ പ്രധാന കണ്ണികളെ ചേര്*ത്തുനിര്*ത്തുകയും ചെയ്യുന്നത് അവരാണ്. 1940-കളില്* പരിണാമ ജീവശാസ്ത്രജ്ഞനായ ജെ.ബി.എസ്. ഹാല്*ഡെയ്ന്* ദൈവത്തിന് വണ്ടുകളോടാണ് ഏറ്റവും സ്*നേഹമെന്ന് പരിഹസിച്ചിരുന്നു. ലോകത്തെ ഭരിക്കുന്നത് നമ്മളാണെന്ന് മനുഷ്യന് തോന്നുമെങ്കിലും ഗ്രഹം ഭരിക്കുന്നത് ആര്*ത്രോപോഡുകളാണെന്നതാണ് സത്യം.
1970-കളുടെ മധ്യത്തില്*, കരീബിയന്* ദ്വീപായ പ്യൂര്*ട്ടൊറീക്കോയിലെ ഗവേഷകര്* സ്വീപ്പ് വലകളും സ്റ്റിക്കി ട്രാപ്പുകളും ഉപയോഗിച്ച് ദ്വീപിലെ മഴക്കാടുകളിലുള്ള പ്രാണികളുടെയും മറ്റ് ആര്*ത്രോപോഡുകളുടെയും മൊത്തം ജൈവാംശം (ഹശ്ശിഴ ാമ)ൈ അളക്കാന്* ശ്രമം നടത്തുകയുണ്ടായി. നാലു പതിറ്റാണ്ടുകള്*ക്കുശേഷം മറ്റൊരു ഗവേഷണസംഘം ഇതേ ദ്വീപില്* പഠനം നടത്തി. ആര്*ത്രോപോഡുകളുടെ എണ്ണം എട്ടിലൊന്നുമുതല്* അറുപതിലൊന്നുവരെയായി കുറഞ്ഞെന്നുള്ള ഞെട്ടിപ്പിക്കുന്ന കണ്ടെത്തലാണ് അവര്* നടത്തിയത്. ജീവികളുടെ കൂട്ടനാശം അവിടെ അവസാനിച്ചിരുന്നില്ല. ആര്*ത്രോപോഡുകളെ ഭക്ഷിക്കുന്ന പല്ലികള്*, പക്ഷികള്*, തവളകള്* എന്നിവയുടെ വലിയ വിഭാഗവും ഇല്ലാതായെന്ന് അവര്* കണ്ടെത്തി.
കീടനാശിനികളുടെ പ്രയോഗവും ആവാസ വ്യവസ്ഥയുടെ നാശവും പ്യൂര്*ട്ടൊറീക്കോയിലെ ആര്*ത്രോപോഡുകളുടെ വംശനാശത്തിന് ചെറിയതോതില്* കാരണമായെങ്കിലും ഉഷ്ണതരംഗങ്ങളുടെ വര്*ധനയാണ് പ്രധാന കാരണം. കഴിഞ്ഞ ഏതാനും ദശാബ്ദങ്ങള്* കൊണ്ട് പ്യൂര്*ട്ടൊറീക്കോയിലെ താപനില രണ്ടുഡിഗ്രി സെല്*ഷ്യസ് ഉയര്*ന്നുവെന്നാണ് കാലാവസ്ഥാകേന്ദ്രങ്ങള്* പറയുന്നത്. പസിഫിക് സമുദ്രത്തിലെ താപനിലയിലുണ്ടാകുന്ന ഏറ്റക്കുറച്ചിലുകള്* സൃഷ്ടിക്കുന്ന എല്*നിനോ പ്രതിഭാസവും ലാലിന പ്രതിഭാസവും കാലാവസ്ഥാവ്യതിയാനത്തെ വലിയ രീതിയില്* സ്വാധീനിക്കുന്നുണ്ട്. എല്*നിനോ ആഗോളതാപനം രൂക്ഷമാക്കുന്നതോടൊപ്പം ഉഷ്ണതരംഗങ്ങള്* കൂടുതല്* പ്രദേശങ്ങളെ വരള്*ച്ചയുടെ പിടിയിലാക്കുകയും ചെയ്യും. ഗവേഷകര്* വിശ്വസിക്കുന്നത് അസാധാരണമായ എല്*നിനോ താപതരംഗങ്ങളാണ് ആര്*ത്രോപോഡുകളുടെ കൂട്ടനാശത്തിന് കാരണമായതെന്നാണ്.
ആഗോളതാപനം ഓസ്ട്രേലിയന്* വവ്വാലുകളെയും വലിയ പ്രതിസന്ധിയില്* എത്തിച്ചുവെന്നാണ് പഠനങ്ങള്* പറയുന്നത്. താപനില 42 ഡിഗ്രിലെത്തിയപ്പോഴുണ്ടായ ഉഷ്ണതരംഗം വടക്കന്* ക്വീന്*സ് ലന്*ഡിലെ മൂന്നിലൊന്ന് വവ്വാലുകളെയും കൊന്നൊടുക്കുകയാണുണ്ടായത്.
ഷഡ്പദങ്ങളും ആര്*ത്രോപോഡുകളുമുള്*പ്പെടെയുള്ള കുഞ്ഞുജീവികളുടെ അതിജീവനപ്പോരാട്ടം പലപ്പോഴും നമ്മള്*ക്ക് പെട്ടെന്ന് ദൃശ്യമാകണമെന്നില്ല. എന്നാല്* ഈ ജീവികളുടെ കൂട്ട പലായനവും വംശനാശവും ഭൂമിയിലെ ഭക്ഷ്യശൃംഖലയെയാകെ തകരാറിലാക്കുകയും മനുഷ്യന്റെ നിലനില്*പ്പിനെത്തന്നെ ചോദ്യംചെയ്തുതുടങ്ങുകയും ചെയ്യുമ്പോള്* നമ്മളറിയും. അപ്പോഴേക്കും പരിഹാരക്രിയയ്ക്കുള്ള സമയമുണ്ടാകുമോ എന്ന് സംശയമാണ്.
