🌳🌞Nature Lovers Thread 🍎 പ്രകൃതിസ്നേഹികളേ ഇതിലേ ഇതിലേ🪻🦋

മഞ്ഞുരുകുന്നത് അതിവേഗത്തില്*, അന്റാര്*ട്ടിക്ക സന്ദര്*ശിച്ച് യു.എന്* സെക്രട്ടറി ജനറല്*



https://www.mathrubhumi.com/image/co...10&w=852&q=0.8
അന്റാർട്ടിക്ക സന്ദർശിച്ച യു.എൻ സെക്രട്ടറി ജനറൽ അന്റോണിയോ ഗുട്ടറെസ്* |

കോപ് 28കാലാവസ്ഥാ ഉച്ചകോടിയുടെ പശ്ചാത്തലത്തിൽ അന്റാര്*ട്ടിക്ക സന്ദര്*ശിച്ച് യു.എന്* സെക്രട്ടറി ജനറല്* അന്റോണിയോ ഗുട്ടറെസ്. അന്റാര്*ട്ടിക്കയിലെ മഞ്ഞുപാളികള്* മുന്*പ് ഉണ്ടായിരുന്നതിനെക്കാള്* വേഗതയില്* ഉരുകിക്കൊണ്ടിരിക്കുകയാണെന്ന് സന്ദര്*ശനത്തിനിടെ അദ്ദേഹം പ്രതികരിച്ചു. ആഗോളതലത്തില്* സമുദ്രനിരപ്പ് ഉയരുകയും, ദ്വീപ് രാഷ്ട്രങ്ങളുടെ നിലനില്*പ്പിന് തന്നെ ഭീഷണിയാവുകയും ചെയ്യുന്നു.


ഫോസില്* ഇന്ധനങ്ങളുടെ ഉപയോഗം കുറയ്ക്കുക വഴി മഞ്ഞുരുകുന്നത് ഒരു പരിധി വരെ തടയാമെന്നാണ് അന്റോണിയോ ഗുട്ടറെസ് പറയുന്നത്. ഫോസില്* ഇന്ധനങ്ങളുടെ അമിതമായ ഉപയോഗം കാലാവസ്ഥാ വ്യതിയാനത്തിന് കാരണമാകുന്നു. ഈ നൂറ്റാണ്ടിന്റെ അവസാനത്തോടെ ആഗോള താപ വര്*ധനവ് 1.5 ഡിഗ്രി സെല്*ഷ്യസിനുളളില്* ചുരുക്കുകയാണ് വേണ്ടതെന്നും അദ്ദേഹം കൂട്ടിച്ചേര്*ത്തു.



മഞ്ഞുപ്രദേശമായ അന്റാര്*ട്ടിക്കയില്* പൂച്ചെടികളുടെ സാന്നിധ്യം കൂടിയെന്ന റിപ്പോർട്ടും അടുത്തിടെ പുറത്തുവന്നിരുന്നു. കഴിഞ്ഞ ഏതാനും ദശാബ്ദത്തിനിടെ ചൂടേറിയ വസന്തകാലം, വേനല്*ക്കാലം പോലുള്ളവ മൂലം പ്രദേശത്ത് കാണുന്ന സസ്യങ്ങളുടെ വളര്*ച്ചാനിരക്ക് 2009 മുതല്* 2018 വരെയുള്ള കാലയളവില്* 20 % ആയി ഉയര്*ന്നുവെന്നും റിപ്പോര്*ട്ടില്* പറയുന്നു.

കോപ് 28 കാലാവസ്ഥാ ഉച്ചകോടി നവംബര്* 30 മുതല്* ഡിസംബര്* 12 വരെ യു.എ.ഇയിലാകും നടക്കുക. കോപ് 27 കാലാവസ്ഥാ ഉച്ചകോടി ഈജിപ്തിലെ ഷറം എല്* ഷെയ്ഖിലാണ് സംഘടിപ്പിച്ചിരുന്നത്. കാലാവസ്ഥാ വ്യതിയാനവുമായി ബന്ധപ്പെട്ട എല്ലാവിധ പ്രശ്*നങ്ങളും ചര്*ച്ച ചെയ്യുന്ന ഉച്ചകോടിയാണ് കോണ്*ഫറന്*സ് ഓഫ് ദ പാര്*ട്ടീസ് എന്ന പേരിലറിയപ്പെടുന്ന കോപ് ഉച്ചകോടി.

ചെങ്കല്*പാറപ്പരപ്പുകളിൽ നഷ്ടമാകുന്ന സസ്യ വൈവിധ്യം; പ്രതീക്ഷ നല്*കുന്ന കണ്ണൂരിലെ കണ്ടെത്തല്*


ചെങ്കല്*പാറകള്* നഷ്ടമാകുന്നത് ഇവിടുത്തെ സസ്യ വൈവിധ്യത്തെ ബാധിക്കുന്നതായും വിദഗ്ധര്* പറയുന്നു



https://www.mathrubhumi.com/image/co...10&w=852&q=0.8



കണ്ണൂര്*: കണ്ണൂര്* ജില്ലയിലെ സസ്യ വൈവിധ്യത്തിലേക്ക് വിരല്* ചൂണ്ടുന്ന പുതിയ കണ്ടെത്തലുമായി ​ഗവേഷകർ. ഫിബ്രിസ്*റ്റൈലിസ് ജീനസില്*പ്പെട്ട പുതിയ സസ്യത്തിന്റെ കണ്ടെത്തൽ ശുഭസൂചനയാണ് നൽകുന്നതെന്ന് വിദ​ഗ്ധർ പറയുന്നു. മാത്തിലിനടുത്ത് ചൂരല്* പ്രദേശത്തോടുചേര്*ന്ന് കണ്ണാംകുളത്താണ് 'ഫിബ്രിസ്*റ്റൈലിസ് ജലീലിയാന' എന്ന് നാമകരണം ചെയ്ത സസ്യത്തിന്റെ സാന്നിധ്യം ഗവേഷകരുടെ ശ്രദ്ധയില്*പ്പെട്ടത്.


പ്രമുഖ സസ്യവര്*ഗീകരണ ശാസ്ത്രജ്ഞനായ തളിപ്പറമ്പ് സര്* സയ്യിദ് കോളേജ് മുന്* ബോട്ടണി പ്രൊഫസര്* അന്തരിച്ച ഡോ. അബ്ദുല്* ജലീലിനോടുള്ള ആദരസൂചകമായാണ്* സസ്യത്തിന് 'ഫിബ്രിസ്*റ്റൈലിസ് ജലീലിയാന'യെന്ന് പേര് നല്*കിയത്*. ചേന, ചേമ്പ് തുടങ്ങിയ സസ്യവര്*ഗങ്ങള്* ഉള്*പ്പെടുന്ന അരേസിയേ കുടുംബത്തെ കുറിച്ച് ധാരാളം പഠനങ്ങള്* നടത്തിയ ആള്* കൂടിയായിരുന്നു ഡോ.അബ്ദുല്* ജലീല്*.

ചെങ്കല്*പാറപ്പരപ്പിലെ സസ്യജാലങ്ങളെ കുറിച്ച് ദീര്*ഘനാളുകളായി വിവിധ സ്ഥാപനങ്ങളിലെ ​ഗവേഷകർ ഒരുമിച്ച് പഠനങ്ങള്* നടത്തി വരികയായിരുന്നു. തിരുവനന്തപുരത്തെ ട്രോപ്പിക്കല്* ബൊട്ടാണിക്കല്* ഗാര്*ഡന്* ആന്*ഡ് റിസര്*ച്ച് ഇന്*സ്റ്റിറ്റ്യൂട്ടിലെ ഗവേഷകരും ഇതിന്റെ ഭാഗമാണ്.

മറ്റേത് ജൈവൈവിധ്യ മേഖലകളില്* ഉള്ളത് പോലെ ചെങ്കല്*പാറകളിലും ഒരുപാട് അപൂര്*വ സസ്യ വൈവിധ്യങ്ങളുണ്ട്. പല കാരണങ്ങള്* കൊണ്ട് ഇവ നഷ്ടപ്പെടുകയാണെന്നും കൂടുതല്* പഠനങ്ങള്* ആവശ്യമാണെന്നും വിദഗ്ധര്* പറയുന്നു. കണ്ണൂര്*, കാസര്*കോട് ജില്ലകളിലാണ് കൂടുതലായി ചെങ്കല്*പാറകളുള്ളത്.

2017-ലാണ് കണ്ണൂരില്* 'ഫിബ്രിസ്*റ്റൈലിസ് ജലീലിയാന' എന്ന സസ്യത്തിന്റെ സാന്നിധ്യം സ്ഥിരീകരിക്കുന്നത്. പിന്നീടുള്ള വര്*ഷങ്ങളില്* നിരന്തരം ഗവേഷക സംഘം ഈ സസ്യത്തെ നിരീക്ഷണവിധേയമാക്കി. മണ്ണിലൂടെ പടര്*ന്നുവളരുന്ന തണ്ടുകളും നീളമുള്ള പൂങ്കുലകളും ഈ സസ്യത്തെ ഫിബ്രിസ്റ്റൈലിസ് ഇനങ്ങളില്*പ്പെട്ട മറ്റുചെടികളില്* നിന്ന് ഫിബ്രിസ്*റ്റൈലിസ് ജലീലിയാനയെ വേറിട്ടതാക്കുന്നു.

അന്താരാഷ്ട്ര സസ്യജേണലായ 'ഫൈറ്റോടാക്*സ'യ്ക്ക് 2019-ലാണ് ഗവേഷക സംഘം പഠനം സമര്*പ്പിക്കുന്നത്. തുടര്*ന്ന് ഈ മാസമാണ് (2023 നവംബര്*) പഠനറിപ്പോര്*ട്ട് പ്രസിദ്ധീകരിച്ചത്.

Kureepuzha Waste Plant: കുരീപ്പുഴയിൽ മാലിന്യ സംസ്കരണ പ്ലാന്*റ്, പ്രവർത്തനം ഡിസംബർ അവസാനത്തോടെ; ചെലവ് 122 കോടി രൂപ

ആദ്യഘട്ടം പ്രതിദിനം ഒന്നരലക്ഷം ലിറ്റർ മാലിന്യമാണ് കുരീപ്പുഴയിൽ മലിനജല സംസ്കരണ പ്ലാന്*റില്* സംസ്കരിക്കുക. ഇതിനായി കോർപറേഷൻ മൂന്ന് ടാങ്കർ ലഭ്യമാക്കും.


ഹൈലൈറ്റ്:

• എംബിബിആറിലുള്ള ബാക്ടീരിയകൾ ഖരമാലിന്യം ഭക്ഷിച്ച് ഇല്ലാതാക്കും
• ശേഷിച്ച ജലത്തിലെ ക്ലോറിൻ അയൺ ഘടകങ്ങൾ ഒഴിവാക്കി ശുദ്ധീകരിച്ച് കായലിലേക്ക് ഒഴുക്കും
• മാലിന്യം എവിടെനിന്ന് എടുക്കുന്നെന്നത് ഉൾപ്പെടെയുള്ള വിവരം കൊല്ലം സ്മാർട്ട് ആപ് വഴി ലഭ്യമാകും

കൊല്ലം: കുരീപ്പുഴയിൽ മലിനജല സംസ്കരണ പ്ലാന്*റ് പ്രവർത്തനം ഡിസംബർ അവസാനത്തോടെ. എംബി ബിആർ (മൂവിങ് ബെഡ് ബയോ ഫിലിം റിയാക്ടർ) ടെക്നോളജി ഉപയോഗിച്ച് ജൈവപ്രക്രിയ വഴി മാലിന്യം സംസ്കരിക്കുന്ന പ്ലാന്*റിന്*റെ 88 ശതമാനം പ്രവൃത്തിയും പൂർത്തിയായി. ഇലക്ട്രോ മെക്കാനിക്കൽ ഉപകരണങ്ങൾ സ്ഥാപിക്കുന്ന പ്രവർത്തനം നടന്നുവരുന്നു. അമൃത് പദ്ധതിയിൽ ഉൾപ്പെടുത്തി 122 കോടി രൂപ ചെലവിലാണ് പദ്ധതി നടപ്പാക്കുന്നത്.


പ്ലാന്*റ് നിർമാണത്തിന് 32 കോടിയും പൈപ്പ് ലൈൻ അടക്കമുള്ളവയ്ക്ക് 90 കോടിയുമാണ് വിനിയോഗിക്കുന്നത്. പ്രതിദിനം 12 എംഎൽഡിയാണ് പ്ലാന്*റിന്*റെ സംസ്കരണശേഷി. ആദ്യഘട്ടം പ്രതിദിനം ഒന്നരലക്ഷം ലിറ്റർ മാലിന്യമാണ് സംസ്കരിക്കുക. ഇതിനായി കോർപറേഷൻ മൂന്ന് ടാങ്കർ ലഭ്യമാക്കും. 50 ലക്ഷം രൂപ വിനിയോഗിച്ച് 7000, 5000, 3000 ലിറ്ററുകളുടെ ടാങ്കറുകളാണ് വാങ്ങുന്നത്. ഇതിനൊപ്പം സ്വകാര്യ ടാങ്കറുകളുടെ സേവനവും വിനിയോഗിക്കും. മാലിന്യം എവിടെനിന്ന് എടുക്കുന്നെന്നത് ഉൾപ്പെടെയുള്ള വിവരം കൊല്ലം സ്മാർട്ട് ആപ് വഴി ലഭ്യമാകും.


വീട്, സ്ഥാപനം, ആശുപത്രികൾ എന്നിവിടങ്ങളിൽനിന്ന് ശേഖരിച്ച് പ്ലാന്*റിൽ എത്തിക്കുന്ന മാലിന്യം ഇരട്ടി വെള്ളം ചേർത്ത് നേർപ്പിച്ചാണ് സംസ്കരിക്കുക. എംബിബിആറിലുള്ള ബാക്ടീരിയകൾ ഖരമാലിന്യം ഭക്ഷിച്ച് ഇല്ലാതാക്കും. ശേഷിച്ച ജലത്തിലെ ക്ലോറിൻ അയൺ ഘടകങ്ങൾ ഒഴിവാക്കി ശുദ്ധീകരിച്ച് കായലിലേക്ക് ഒഴുക്കും. വീട്ടിൽനിന്നും സ്ഥാപനങ്ങളിൽനിന്നും മാലിന്യം എത്തിക്കുന്നതിനുള്ള പൈപ്പ്ലൈൻ ശൃംഖല പൂർത്തിയാകാത്തതിനാൽ വാർഡിൽനിന്ന് നേരിട്ടു ശേഖരിച്ചാകും ആദ്യഘട്ടം പ്ലാന്*റിലെത്തിക്കുക.


ഇവിടെ വേർതിരിക്കുന്ന മാലിന്യം വളമാക്കാനും ലക്ഷ്യമുണ്ട്. പ്ലാന്*റിന്*റെ അവസാനഘട്ട പ്രവർത്തനങ്ങൾക്കൊപ്പം മാലിന്യം എത്തിക്കുന്നതിനുള്ള പൈപ്പ് ലൈൻ ശൃംഖലയുടെയും കണക്ഷൻ ടാങ്കിന്*റെയും നിർമാണ പ്രവർത്തികൾ സമാന്തരമായി മുന്നേറുന്നതായി മേയർ പ്രസന്ന ഏണസ്റ്റ് പറഞ്ഞു. സെപ്റ്റിക് ടാങ്ക് മാലിന്യം കുടിവെള്ളത്തിൽ കലരുന്നത് ഒഴിവാക്കുകയാണ് പദ്ധതിയുടെ ലക്ഷ്യം.

എല്ലൊടിയുന്ന മാലിന്യക്കച്ചവടം; കോഴിയറവുമാലിന്യം കിട്ടാനില്ല, 16 സംസ്കരണ പ്ലാന്റുകൾ പൂട്ടി



https://newspaper.mathrubhumi.com/im...10&w=852&q=0.8



ആലപ്പുഴ: ആവശ്യത്തിനു കോഴിയറവുമാലിന്യം കിട്ടാത്തതിനാൽ സംസ്ഥാനത്തെ 41 സ്വകാര്യ സംസ്കരണപ്ലാന്റുകളിൽ 16 എണ്ണം പൂട്ടി. മലപ്പുറത്തു തുടങ്ങിയ 24 പ്ലാന്റുകളിൽ 13 എണ്ണവും വയനാട്ടിൽ ഒരെണ്ണവും കൊല്ലത്ത് രണ്ടു പ്ലാന്റുമാണ് പൂട്ടിയത്. 10 മുതൽ 60 വരെ ടൺ കോഴിയറവുമാലിന്യം സംസ്കരിക്കുന്ന പ്ലാന്റുകളാണിവ. അഞ്ചുമുതൽ 25 വരെ കോടി രൂപ പ്ലാന്റിനായി മുടക്കിയവരുണ്ട്. വർഷം സംസ്ഥാനത്ത് 300-500 കോടി രൂപയുടെ വരുമാനമാണ് ഇതിലൂടെ ലഭിക്കുന്നത്.

ആലപ്പുഴ, കോട്ടയം, ഇടുക്കി, തിരുവനന്തപുരം ജില്ലകളിലൊഴികെ എല്ലായിടത്തും പ്ലാന്റുകളുണ്ട്. കേരളത്തിൽ പ്രതിദിനം 2200 ടൺ കോഴിവിൽപ്പന നടക്കുന്നുണ്ടെന്നാണ് കണക്ക്. എന്നാൽ, എത്ര മാലിന്യം ഉണ്ടാകുന്നെന്ന കണക്കുകൾ ആരുടെ പക്കലുമില്ല. മാലിന്യത്തിന് കിലോയ്ക്ക് 5-7 രൂപ വില കൊടുത്താണ് മിക്കയിടത്തും പ്ലാന്റുകാർ എടുക്കുന്നത്. പ്ലാന്റുകാർക്ക് പണം നൽകുന്നവരുമുണ്ട്.


കോഴിമാലിന്യത്തിൽനിന്നുള്ള വരുമാനം

1. വർഷം സംസ്ഥാനത്ത് 300-500 കോടി രൂപ
2. 30 കോടിയിലധികം ജി.എസ്.ടി.
3. മേഖലയിൽ ജോലിചെയ്യുന്നത് 12,000 പേർ

എന്തുകൊണ്ട് പൂട്ടി

1. പ്ളാന്റുകളുടെ എണ്ണം കൂടി
2. അടുത്തടുത്ത് പ്ലാന്റ് തുടങ്ങിയത് മാലിന്യം കിട്ടാത്ത സാഹചര്യമുണ്ടാക്കി
3. സംസ്കരണത്തിന് വേണ്ടതിന്റെ അമ്പതുശതാനം മാലിന്യംപോലും കിട്ടുന്നില്ല
4. നിശ്ചിതപ്ലാന്റുകൾക്കു നൽകണമെന്ന് കോഴിയിറച്ചിവിൽപ്പനയ്ക്കുള്ള ലൈസൻസ് കൊടുക്കുമ്പോൾ തദ്ദേശസ്ഥാപനങ്ങൾ ഉറപ്പാക്കേണ്ടതാണ്. അതിനുള്ള മാർഗനിർദേശം സർക്കാർ നൽകിയിട്ടുണ്ടെങ്കിലും പാലിക്കപ്പെടുന്നില്ല.
5. പന്നിക്കു നൽകുന്നതിനായി കോഴിയറവ് മാലിന്യം കൊണ്ടുപോകുന്നു

കോഴിയെ അറുത്താൽ
ഒരു കോഴിയുടെ 30 ശതമാനം മാലിന്യമാണെന്നാണ് കണക്ക്. ഇതനുസരിച്ച് ഒരു കിലോ കോഴിയെ അറക്കുമ്പോൾ 300 ഗ്രാം മാലിന്യം ലഭിക്കും. കേരളത്തിൽ ദിവസം മൂന്നുലക്ഷം കിലോഗ്രാം കോഴിയിറച്ചിമാലിന്യം ഉത്*പാദിപ്പിക്കുന്നുണ്ടെന്നാണ് അനൗദ്യോഗിക കണക്ക്.

2200 ടൺ കോഴിയിറച്ചിയാണ് ഒരുദിവസം കേരളത്തിൽ ആവശ്യം വരുന്നത്. 10-12 മണിക്കൂറിനുള്ളിലാണ് പ്ലാന്റിൽ എത്തിക്കുന്നത്. ശീതീകരണിയിലാണ് കൊണ്ടുവരുക. ജി.പി.എസ്. ഉള്ള വണ്ടികളാണ് ഉപയോഗിക്കുക. ജി.എസ്.ടി. ഇനത്തിൽ മാത്രം സർക്കാരിന് 30 കോടിയിലധികം രൂപ ലഭിക്കുന്നു.

സർക്കാർ ഇടപെടണം

മലിനീകരണ നിയന്ത്രണം ഉറപ്പാക്കുന്ന അറവ് പ്ലാന്റുകൾക്ക് കോഴിയറവ് മാലിന്യം ലഭിക്കുന്നതിന് സർക്കാർ ഇടപെടണം. ഇതിനായി ജില്ലാതലത്തിൽ പ്ലാന്റുടമകളെക്കൂടി ഉൾപ്പെടുത്തി യോഗം വിളിക്കണം.

യൂജിൻ ജോൺസൺ(സംസ്ഥാന സെക്രട്ടറി, റെന്ററിങ് ഓണേഴ്സ് അസോസിയേഷൻ ഓഫ് കേരള)

പകുതിപോലും കിട്ടുന്നില്ല

ഒരുദിവസം 45 ടൺ കോഴിയറവ് മാലിന്യം സംസ്കരിക്കാവുന്ന പ്ലാന്റാണ് എന്റേത്. ദിവസം ശരാശരി 16 ടൺ മാത്രമാണ് ഇപ്പോൾ ലഭിക്കുന്നത്. പല കോഴിക്കടക്കാരും ഇപ്പോഴും അനധികൃതമായി കുഴിച്ചുമൂടുന്നുണ്ട്. കെ.എഫ്.സി.യിൽനിന്ന് വായ്പയെടുത്താണ് സ്ഥാപനം തുടങ്ങിയത്

-അഗസ്റ്റിൻ ലിബിൻ പിയൂസ് (സംസ്കരണ പ്ലാന്റ് ഉടമ)

കേരളം പിടിച്ച് ചെറുധാന്യങ്ങൾ; കൃഷിയും വ്യാപകം; ചെറുധാന്യകൃഷി രീതികൾ ഒറ്റ നോട്ടത്തിൽ



https://img-mm.manoramaonline.com/co...g?w=1120&h=583


നമ്മുടെ രാജ്യത്ത് ആയിരക്കണക്കിന് ചെറുധാന്യങ്ങൾ ഉണ്ടായിരുന്നുവെങ്കിലും, ഇപ്പോൾ വ്യാവസായികാടിസ്ഥാനത്തിൽ ഒൻപത് ചെറുധാന്യങ്ങളാന്ന് കൃഷി ചെയ്യുന്നത്. അവ റാഗി, ചാമ, തിന, വരക്, ബജ്ര (കമ്പ്), മണിച്ചോളം, പനിവരക്, ബ്രൗൺ ടോപ്പ് (മലഞ്ചാമ), കുതിരവാലി എന്നിവയാണ്. ശാസ്ത്രം ചെറുധാന്യങ്ങളെ രണ്ടായി തരം തിരിച്ചിരിക്കുന്നു - മേജർ മില്ലറ്റുകൾ, മൈനർ മില്ലറ്റുകൾ. മണിച്ചോളം, ബജ്റ, റാഗി എന്നിവ മേജർ മില്ലറ്റുകൾ ആണ്. ചാമ, തിന, പനിവിരക് , കുതിരവാലി , ബ്രൗൺ ടോപ്പ് ( മലഞ്ചാമ ) വരക് എന്നിവ മൈനർ മില്ലറ്റുകളും.

വിത്തുകൾ

1. നാടൻ ഇനങ്ങൾ
2. ഹൈബ്രിഡ് ഇനങ്ങൾ
3. ഇംപ്രൂവ്ഡ് ഇനങ്ങൾ

ചെറുധാന്യ വിത്തിനങ്ങൾ അറിയേണ്ടവ
പരമ്പരാഗതമായി നാടൻ ചെറുധാന്യ വിത്തിനങ്ങളാണ് കേരളത്തിൽ കൃഷി ചെയ്തിരുന്നത്. എന്നാൽ കാലഘട്ടത്തിന്റെ മാറ്റങ്ങൾക്കനുസരിച്ച് കൂടുതൽ വിളവുണ്ടാക്കേണ്ടതായി വരികയും കൂടുതൽ വിളവിനായി ഹൈബ്രിഡ് വിത്തിനങ്ങളും, ഇംപ്രൂവ്ഡ് വിത്തിനങ്ങളും കാർഷിക ഗവേഷണ സ്ഥാപനങ്ങൾ വികസിപ്പിച്ചെടുത്തു.
നാടൻ ഇനങ്ങൾക്ക് ഉൽപ്പാദനം കുറവാണെങ്കിലും രോഗപ്രതിരോധ ശേഷി വളരെ കൂടുതലായിരിക്കും. അതുപോലെ നാടൻ ഇനങ്ങൾക്ക് അങ്കുരണശേഷി വളരെ കുറവാണ്.
ഹൈബ്രിഡ് ചെറുധാന്യങ്ങൾ
വ്യാവസായിക കൃഷിക്ക് ഹൈബ്രിഡ് ചെറുധാന്യ വിത്തുകൾ അനുയോജ്യമാണ്. ഒരു പ്രത്യേക സ്വഭാവ ഗുണത്തിലുള്ള ആൺ സസ്യവും, ഒരു പ്രത്യേക ഗുണമുള്ള പെൺ സസ്യവും തമ്മിൽ പരാഗണം നടത്തി ഉണ്ടാക്കുന്ന ആദ്യത്തെ പ്രോജനിയാണ് F1 ഹൈബ്രിഡ് എന്നു പറയുന്നത്. ചെറുധാന്യങ്ങളിലും ഹൈബ്രിഡ് വിത്തിനങ്ങൾ ധാരാളം ഉണ്ട്. ഹൈബ്രിഡ് ഇനങ്ങൾ കൃഷി ചെയ്താൽ നല്ല വിളവു കിട്ടും. പക്ഷെ ഒരിക്കൽ കൃഷി ചെയ്ത വിത്തെടുത്ത് വീണ്ടും കൃഷി ചെയ്താൽ F1 ജനറേഷനിൽ കിട്ടിയ വിളവ് കിട്ടില്ല.
ഇംപ്രൂവ്ഡ് വെറൈറ്റി ചെറുധാന്യങ്ങൾ
സാധാരണ മണ്ണിൽ കൃഷി ചെയ്താൽ വളരെ വേഗം കതിര് വരുന്നതും, ഏറ്റവും വലിയ മണികളുള്ള കതിർക്കുലയുള്ള, ഏറ്റവും കുറഞ്ഞ അളവിൽ ജലം വലിച്ചെടുത്ത് കൂടുതൽ വിളവു തരുന്ന, രോഗപ്രതിരോധ ശേഷിയുള്ള, കളകളെ പ്രതിരോധിക്കുന്ന ചെടികളിലെ കതിർക്കുലകൾ ശേഖരിച്ച് ഇങ്ങനെ ഗുണമേന്മകൾക്കനുസരിച്ച് മാറ്റിവച്ച് ഇംപ്രൂവ് ചെയ്ത് എടുക്കുന്ന വിത്തിനങ്ങളാണവ. ഈ ഇനങ്ങൾ കൃഷി ചെയ്താൽ വിളവ് കൂടുതലായിരിക്കും. വളരെ കുറഞ്ഞ ദിവസം കൊണ്ട് വിളവെടുക്കാം. കൃഷിക്കായി വളരെ കുറച്ചു വിത്ത് മതി. രോഗപ്രതിരോധ ശേഷി കൂടുതലായിരിക്കും. ഇങ്ങനെ നാച്ചുറൽ സെലക്ഷനിലൂടെ ഗുണമേന്മയുള്ള വിത്തിനങ്ങൾ ഉൽപ്പാദിപ്പിക്കുന്നു.

ഇംപ്രൂവ്ഡ് ഇനങ്ങൾ സ്ഥിരമായി ഒരേസ്ഥലത്ത് കൃഷി ചെയ്താൽ വിത്തിനങ്ങൾക്ക് കീടപ്രതിരോധശേഷി നഷ്ടപ്പെടുകയും അങ്ങനെ കീടാക്രമണം കൂടുകയും ചെയ്യാം. ഇംപ്രൂവ്ഡ് ഇനങ്ങൾ കൃഷി ചെയ്താൽ തുടർച്ചയായി 6 മുതൽ 7 തവണ വരെ വിത്തെടുത്ത് കൃഷിചെയ്യാം. അതിനു ശേഷം പുറത്തു നിന്ന് പുതിയ വിത്തുകൾ വാങ്ങി നടണം. സീഡ് സയൻസ് പ്രകാരം ഒരിക്കൽ കൃഷി ചെയ്ത വിത്തിനങ്ങളിൽ നിന്നും വീണ്ടും വിത്തെടുത്ത് ഉപയോഗിക്കരുത്, പുതിയ വിത്തുകൾ വാങ്ങി നടുക എന്നാണ്.
കൃഷിയും, വിത്തുൽപ്പാദനവും രണ്ട് തലങ്ങളാണ്. NSCയുടെ പ്രോട്ടോക്കോൾ പ്രകാരമേ വിത്തെടുക്കുവാൻ പാടുള്ളു. TFL (ട്രൂത്ത് ഫുളി ലേബൽഡ്) സീഡ് ആണെങ്കിൽ മാത്രമെ കാശിന് വിൽക്കാനും കഴിയുകയുള്ളു. സീഡ് ടെസ്റ്റിങ് ലാബിൽ കൊടുത്ത് ഗുണനിലവാരം പരിശോധിച്ച്, ജനറ്റിക്കലി പ്യൂരിഫൈഡ് സീഡാണ് എന്ന് തെളിയിച്ചാൽ മാത്രമേ TFL കിട്ടൂ. കർഷകന് ഫാർമർ സീഡ് to ഫാർമർ എന്ന രീതിയിൽ വിത്തുകൾ കൈമാറാം എന്നാൽ കാശിന് വിൽക്കാൻ കഴിയില്ല.

തമിഴ്നാട്ടിലെ കോയമ്പത്തൂരിലെ TNAU (തമിഴ്നാട് അഗ്രികൾച്ചർ യൂണിവേഴ്സിറ്റി) ഇംപ്രൂവ്ഡ് വെറൈറ്റി വിത്തിനങ്ങൾ പുറത്തിറക്കിയിട്ടുണ്ട്. ഓരോ നമ്പരുകളിലാണ് ഈ വിത്തിനങ്ങൾ അറിയപ്പെടുന്നത്.
https://img-mm.manoramaonline.com/co.../millets-1.jpg

കൃഷിയിടം തിരഞ്ഞെടുക്കലും കൃഷിയിടമൊരുക്കലും
നല്ല സൂര്യപ്രകാശം കിട്ടുന്നതും. വെള്ളക്കെട്ടില്ലാത്തതുമായ മണ്ണിൽ ചെറുധാന്യങ്ങൾ സമൃദ്ധമായി വളരും. ഉപ്പുരസമുള്ള മണ്ണിലും, അമ്ല-ക്ഷാരസ്വഭാവമുള്ള മണ്ണിലും ചെറുധാന്യങ്ങൾ വളരുന്നു. എന്നാൽ 6.5 നും 7.5 നും ഇടയിൽ pH ക്രമീകരിച്ചാൽ വിളവേറും.
ഒരു സെന്റിന് രണ്ടര കിലോ കുമ്മായമോ അല്ലെങ്കിൽ ഡോളമൈറ്റോ മണ്ണിൽ ചേർക്കണം. കൂടാതെ 1 ഹെക്റ്ററിന് 10 ടൺ ജൈവവളം അടിവളമായി ചേർത്ത് ട്രാക്ടർ ഉപയോഗിച്ച് നന്നായി ഉഴുത് മറിക്കുക. ഒന്നാമത്തെ കിളകഴിഞ്ഞ് 10 - 15 ദിവസത്തിനിടയിൽ രണ്ടാമത്തെ കിള നടത്തണം. രണ്ടാമത്തെ കിളയ്ക്ക് മുന്നോടിയായി 2 കിലോ അസോസ്പൈറില്ലവും , 2 കിലോ ഫോസ്ഫറസ് ബാക്റ്റീരിയയും കൃഷിയിടത്തിൽ ചേർക്കണം. ജൈവ വളത്തിൽ മിക്സ് ചെയ്താണ് ഇവ മണ്ണിൽ ചേർക്കുന്നത്. ചെടികൾക്ക് പ്രതിരോധ ശക്തിനൽകുകയും , ചെടികളുടെ വേരുകളുടെ വളർച്ച കൂട്ടാനും , മണ്ണിന്റെ ഭൗതിക ഗുണങ്ങൾ മെച്ചപ്പെടാനും ഇത് സഹായിക്കും. കോഴിവളമോ, ചാണകമോ , കംപോസ്*റ്റോ അടിവളമായി നൽകാം.
https://img-mm.manoramaonline.com/co.../millets-2.jpg

3 തരം കൃഷി
നേരിട്ട് വിത: കൃഷിക്കനുയോജ്യമായ സ്ഥലം തിരഞ്ഞെടുത്ത് നിലമൊരുക്കി നേരിട്ട് വിത്ത് വിതയ്ക്കുന്ന രീതി. നേരിട്ട് വിതയ്ക്കുമ്പോൾ ചെടികൾ തമ്മിലുള്ള ഇടയകലം കൃത്യമായിരിക്കണമെന്നില്ല. കളനിയന്ത്രണവും, വളപ്രയോഗവും, കീടരോഗ നിയന്ത്രണവും ഇതിനിടയിൽ തോട്ടത്തിനുള്ളി ഇറങ്ങി ചെയ്യാൻ പ്രയാസകരമായിരിക്കും.
ലൈൻ ഫാമിങ് / നുരിയിടൽ: നിര നിരയായി / ചാലു കീറിയാണ് വിത്തുവിതയ്ക്കുന്നത്. ഒരു ചാൺ ആഴത്തിൽ ചാലു കീറി അതിൽ ജൈവ വളങ്ങൾ നിറച്ച് വിത്ത് വിതയ്ക്കുന്നു. ചെടികളുടെ വലുപ്പത്തിനനുസരിച്ച് ചാലുകൾ തമ്മിലുള്ള ഇടയകലം ക്രമീകരിക്കാൻ ശ്രദ്ധിക്കണം. കേരളത്തിൽ ലൈൻ ഫാമിങ് / നുരിയിടൽ ആയിരിക്കും വിജയകരം. കാരണം രണ്ടു വരികൾക്കിടയിലൂടെ തോട്ടത്തിനുള്ളിലേക്കിറങ്ങി ജലസേചനവും കളനിയന്ത്രണവും വളപ്രയോഗവും കീടരോഗ നിയന്ത്രണ മാർഗങ്ങൾ സ്വീകരിക്കാനും കഴിയും. തോട്ടം കാണാനും ഭംഗിയായിരിക്കും.
ട്രാൻസ്പ്ലാന്റിങ്: നഴ്സറികൾ തയാറാക്കി വിത്തുപാകി മുളപ്പിച്ച ശേഷം 18 മുതൽ 20 ദിവസം പ്രായമാകുമ്പോൾ കൃഷിയിടത്തിലേക്കു പറിച്ചു നടണം. പ്രധാനമായും മണിച്ചോളം, റാഗി, കമ്പ് എന്നീ ചെറുധാന്യങ്ങളാണ് പറിച്ചുനടുന്നത്. മറ്റു ചെറുധാന്യങ്ങൾ പറിച്ചു നട്ടാൽ മുളയ്ക്കുമെങ്കിലും, ആരോഗ്യം കുറവുള്ളതിനാൽ പറിച്ചു നടുമ്പോൾ ഉണ്ടാകുന്ന സമ്മർദത്തെ അതിജീവിച്ച് വളർന്നുവരുമ്പോൾ ചെടിയുടെ ആരോഗ്യം കുറഞ്ഞ് വിളവിനെ സാരമായി ബാധിക്കും. അതിനാൽ അത്തരം ഇനങ്ങൾക്ക് വിതയാണ് ഉത്തമം.
പറിച്ചുനടുന്ന തോട്ടങ്ങളിൽ ചെടികളുടെ ഇടയകലം ക്രമീകരിക്കാൻ കഴിയും. പറിച്ചു നടാനായി തൊഴിലാളികളെ കൂടുതലായി വേണ്ടിവരും. അതുകൊണ്ടുതന്നെ കൃഷിച്ചെലവ് കൂടും. പക്ഷേ, വിളവ് കൂടുതലായിരിക്കും. ചിറപ്പ് പൊട്ടി ധാരാളം കതിർക്കുലകളും ഉണ്ടാകും.

വിത്തിന്റെ അളവ്
റാഗി

• നേരിട്ട് വിതയ്ക്കാൻ
  നാടൻ ഇനങ്ങൾ: 12- 13 Kg/Ha
  അത്യുൽപ്പാദനശേഷിയുള്ളവ: 8-10 Kg/Ha
• ലൈൻ ഫാമിങ് / നുരിയിടൽ
  നാടൻ ഇനങ്ങൾ : 10-12 Kg/ha
  അത്യുൽപ്പാദന ശേഷിയുള്ളവ : 8 - 10 kg/ha
• നഴ്സറിയിൽ മുളപ്പിച്ച് പറിച്ചുനടാൻ
  നാടൻ ഇനങ്ങൾ: 5 - 6 Kg/ha
  അത്യുൽപ്പാദന ശേഷിയുള്ളവ: 4 Kg/ha

https://img-mm.manoramaonline.com/co.../millets-4.jpg

മണിച്ചോളം



മണിച്ചോളം

• നേരിട്ട് വിതയ്ക്കാൻ
  നാടൻ ഇനങ്ങൾ: 12- 15 Kg/Ha
  അത്യൽപ്പാദനശേഷിയുള്ളവ: 8-10 Kg/Ha
• ലൈൻ ഫാമിങ് / നുരിയിടൽ
  നാടൻ ഇനങ്ങൾ : 10-12 Kg/ha
  അത്യുൽപ്പാദന ശേഷിയുള്ളവ : 8 - 10 kg/ha
• നഴ്സറിയിൽ മുളപ്പിച്ച് പറിച്ചുനടാൻ
  നാടൻ ഇനങ്ങൾ : 5 - 6 Kg/ha
  അത്യുൽപ്പാദന ശേഷിയുള്ളവ : 3- 4 Kg/ha .

ബജ്റ

• നാടൻ ഇനങ്ങൾ
  നേരിട്ട് വിതയ്ക്കാൻ : 10- 12 Kg/ Ha
  അത്യൽപ്പാദനശേഷിയുള്ളവ: 8-10 Kg/ Ha
• ലൈൻ ഫാമിങ് / നുരിയിടൽ
  നാടൻ ഇനങ്ങൾ : 8-10 Kg/ha
  അത്യുൽപ്പാദന ശേഷിയുള്ളവ : 6 - 8 kg/ha
• നഴ്സറിയിൽ മുളപ്പിച്ച് പറിച്ചുനടാൻ
  നാടൻ ഇനങ്ങൾ : 5 - 6 Kg/ha
  അത്യുൽപ്പാദന ശേഷിയുള്ളവ : 5 Kg/ha .

ചാമ

• നാടൻ ഇനങ്ങൾ
  നേരിട്ട് വിതയ്ക്കാൻ: 10- 12 Kg/ Ha
  അത്യൽപ്പാദനശേഷിയുള്ളവ: 8-10 Kg/ Ha
• ലൈൻ ഫാമിങ് / നുരിയിടൽ
  നാടൻ ഇനങ്ങൾ : 8-10Kg/ha
  അത്യുൽപ്പാദന ശേഷിയുള്ളവ : 6- 8 kg/ha

നഴ്സറിയിൽ പാകി മുളപ്പിച്ച് പറിച്ചു നടുന്നത് ഉത്തമമല്ല.

വരഗ്

• നാടൻ ഇനങ്ങൾ
  നേരിട്ട് വിതയ്ക്കാൻ : 12- 15 Kg/Ha
  അത്യൽപ്പാദനശേഷിയുള്ളവ: 10-12 Kg/ Ha
• ലൈൻ ഫാമിങ് / നുരിയിടൽ
  നാടൻ ഇനങ്ങൾ : 10 Kg/ha
  അത്യുൽപ്പാദന ശേഷിയുള്ളവ : 8 - 10 kg/ha

നഴ്സറിയിൽ പാകി മുളപ്പിച്ച് പറിച്ചു നടുന്നത് പ്രായോഗികമല്ല.

പനിവരഗ്

• നാടൻ ഇനങ്ങൾ
  നേരിട്ട് വിതയ്ക്കാൻ : 12-14 Kg/Ha
  അത്യൽപ്പാദനശേഷിയുള്ളവയാണെങ്കിൽ: 10-12 Kg/Ha
• ലൈൻ ഫാമിങ് / നുരിയിടൽ
  നാടൻ ഇനങ്ങൾ : 8- 10 Kg/ha
  അത്യുൽപ്പാദന ശേഷിയുള്ളവ : 8 kg/ha

നഴ്സറിയിൽ പാകി മുളപ്പിച്ച് പറിച്ചു നടുന്നത് പ്രായോഗികമല്ല.

കുതിരവാലി

• നാടൻ ഇനങ്ങൾ
  നേരിട്ട് വിതയ്ക്കാൻ : 8 - 10 Kg/Ha
  അത്യൽപ്പാദനശേഷിയുള്ളവ: 10 Kg/Ha
• ലൈൻ ഫാമിങ് / നുരിയിടൽ
  നാടൻ ഇനങ്ങൾ : 8 Kg/ha
  അത്യുൽപ്പാദന ശേഷിയുള്ളവ : 8kg/ha

നഴ്സറിയിൽ പാകി മുളപ്പിച്ച് പറിച്ചു നടുന്നത് പ്രായോഗികമല്ല.

ബ്രൗൺ ടോപ്പ് (മലഞ്ചാമ)

• നാടൻ ഇനങ്ങൾ
  നേരിട്ട് വിതയ്ക്കാൻ : 12 Kg/Ha
  അത്യൽപ്പാദനശേഷിയുള്ളവ: 10-12 Kg/Ha
• ലൈൻ ഫാമിങ് / നുരിയിടൽ
  നാടൻ ഇനങ്ങൾ : 10 Kg/ha
  അത്യുൽപ്പാദന ശേഷിയുള്ളവ : 8 - 10 kg/ha

നഴ്സറിയിൽ പാകി മുളപ്പിച്ച് പറിച്ചു നടുന്നത് പ്രായോഗികമല്ല.

തിന

• നാടൻ ഇനങ്ങൾ
  നേരിട്ട് വിതയ്ക്കാൻ : 10 - 12 Kg/Ha
  അത്യൽപ്പാദനശേഷിയുള്ളവ: 8-10Kg/ Ha
• ലൈൻ ഫാമിങ് / നുരിയിടൽ
  നാടൻ ഇനങ്ങൾ: 8 Kg/ha
  അത്യുൽപ്പാദന ശേഷിയുള്ളവ : 6 - 8 kg/ha

നഴ്സറിയിൽ പാകി മുളപ്പിച്ച് പറിച്ചു നടുന്നത് പ്രായോഗികമല്ല.
മണിച്ചോളം, റാഗി , ബജ്ര എന്നിവയുടെ വിത്തുകൾ നഴ്സറിയിൽ പാകി മുളപ്പിച്ച് 18 - 20 ദിവസം പ്രായമാകുമ്പോൾ പറിച്ചു നടാം. മറ്റ് ഇനങ്ങൾ നഴ്സറി കാലയളവിൽ ആരോഗ്യം കുറവുള്ളതാണ്. ആയതിനാൽ പറിച്ച് കൃഷിയിടത്തിലേക്ക് നടുമ്പോൾ ഉണ്ടാകുന്ന സമ്മർദം അതിജീവിച്ച് കരുത്തായി വളർന്നുവന്ന് വിളവു തരാൻ അവയ്ക്ക് കഴിയില്ല.
വിത്ത് പരിചരണം
വിത്ത് വിതയ്ക്കുന്നതിന് മുന്നോടിയായി 6 മണിക്കൂർ വിത്ത് കുതിർക്കണം. 1 കിലോ വിത്ത് കുതിർക്കാൻ 1 ലീറ്റർ വെള്ളം ആവശ്യമാണ്. കുതിർത്ത വിത്തുകൾ പുറത്തെടുത്ത് വെള്ളം വാർന്ന്പോയ ശേഷം 20 ഗ്രാം സ്യൂഡോമോണാസ് ലായനിയിൽ 30 മിനിട്ട് മുക്കിവച്ച് വിത്ത് പരിചരണം നടത്തണം. രാസകൃഷി ചെയ്യുന്നവർ 2 ഗ്രാം കാർബന്റാസിം 1 ലീറ്റർ വെള്ളത്തിൽ ലയിപ്പിച്ച് ആ ലായനിയിൽ വിത്ത് പരിചരണം നടത്തണം. ചെടികളുടെ വേരുപടലങ്ങൾക്ക് സംരക്ഷണവും , ഫംഗൽ രോഗങ്ങളിൽ നിന്ന് കരുത്തും , രോഗ പ്രതിരോധ ശേഷിയും , നഴ്സറി കാലയളവിൽ ഉണ്ടാകുന്ന ഡൗണി മിൽഡ്യു എന്ന രോഗത്തെ പ്രതിരോധിക്കാനും വിത്ത് പരിചരിക്കുന്നതിലൂടെ കഴിയും.
ജലസേചനം
മഴയെ ആശ്രയച്ചാണ് കർഷകർ ചെറുധാന്യങ്ങൾ കൃഷി ചെയ്യുന്നത്. 250 മില്ലിമീറ്റർ മുതൽ 450 മില്ലീമീറ്റർ വരെ മഴ ലഭിക്കുന്ന ഇടങ്ങളിൽ ചെറു ധാന്യങ്ങൾ കൃഷി ചെയ്യാം. മഴയില്ലാത്ത ദിവസങ്ങളിൽ ആഴ്ച്ചയിൽ രണ്ടു ദിവസമെങ്കിലും ജലസേചനം നൽകുകയാണെങ്കിൽ മണിച്ചോളം നന്നായി തഴച്ചുവളരും. മഴയെ ആശ്രയിച്ചുള്ള കൃഷി മേയ്-ജൂൺ മാസങ്ങളിൽ ആരംഭിക്കുകയും. ഓഗസ്റ്റ്-സെപ്റ്റംബർ മാസങ്ങളിൽ വിളവെടുപ്പ് പൂർത്തീകരിക്കാനും കഴിയും. എന്നാൽ കാലാവസ്ഥാ വ്യതിയാനം കാരണം സീസണുകൾ തെറ്റാറുണ്ട്. കാലാവസ്ഥയിലെ മാറ്റം കൃഷിയെ പ്രതികൂലമായി ബാധിക്കുന്നുവെങ്കിലും അതിനെ അതിജീവിക്കാൻ ചെറുധാന്യങ്ങൾക്ക് കഴിയും. ജലസേചന സൗകര്യമുള്ള ഇടങ്ങളിൽ ജനുവരി , ഫെബ്രുവരി മാസങ്ങളിൽ കൃഷിയാരംഭിച്ച് മാർച്ച്-ഏപ്രിൽ മാസങ്ങളിൽ വിളവെടുപ്പ് പൂർത്തിയാക്കാം.

സംസ്ഥാനത്തെ ആദ്യ കടുവ സഫാരി പാർക്ക്: പേരാമ്പ്ര എസ്റ്റേറ്റിലെ സർവേ 15 ദിവസത്തിനുള്ളിൽ പൂർത്തീകരിക്കും



പദ്ധതിക്കായി നോഡൽ ഓഫീസറെ നിയമിക്കും



https://newspaper.mathrubhumi.com/im...10&w=852&q=0.8



പേരാമ്പ്ര: ചക്കിട്ടപാറ ഗ്രാമപ്പഞ്ചായത്തിലെ മുതുകാട് പേരാമ്പ്ര എസ്റ്റേറ്റ് ഭൂമിയിൽ തുടങ്ങുന്ന സംസ്ഥാനത്തെ ആദ്യ കടുവ സഫാരി പാർക്കിന് ഭൂമി ഏറ്റെടുക്കൽ നടപടി പെട്ടെന്ന് പൂർത്തീകരിക്കാൻ തീരുമാനം. 15 ദിവസത്തിനുള്ളിൽ സർവേ പൂർത്തീകരിച്ച് സ്ഥലം പദ്ധതിക്ക് വിട്ടുനൽകുന്നതിനുള്ള നടപടികൾ സ്വീകരിക്കാൻ വനംമന്ത്രി എ.കെ. ശശീന്ദ്രൻ, കൃഷിമന്ത്രി പി. പ്രസാദ് എന്നിവരുടെ സാന്നിധ്യത്തിൽ കോഴിക്കോട്ടുചേർന്ന യോഗത്തിൽ തീരുമാനമായി.

വനംവകുപ്പിൽനിന്ന് പ്ലാന്റേഷൻ കോർപ്പറേഷന് പാട്ടത്തിന് നൽകിയ ഭൂമിയിലാണ് പേരാമ്പ്ര എസ്റ്റേറ്റ് പ്രവർത്തിക്കുന്നത്. പാട്ടക്കാലാവധി കഴിഞ്ഞ 120 ഹെക്ടർ ഭൂമി കടുവ സഫാരി പാർക്കിന് വിട്ടുനൽകാൻ നവംബർ 18-ന് സർക്കാർ ഉത്തരവായിരുന്നു. ഇതിന്റെ തുടർനടപടി പൂർത്തിയാകുന്നതിനാണ് യോഗം ചേർന്നത്. പദ്ധതിക്കായി നോഡൽ ഓഫീസറെ നിയമിക്കും.

കോഴിക്കോട്ട് കടുവയ്ക്ക് കാടൊരുക്കുമ്പോൾ ഓർക്കണം നെയ്യാറിലെ 'ശ്വാസംനിലച്ച' സിംഹങ്ങളെ

---

---

പെരുവണ്ണാമൂഴി കക്കയം ടൂറിസം സ്പോട്ടിനെ കൂടുതല്* ആകര്*ഷകമാക്കുന്നതാകും കടുവാ സഫാരി പാര്*ക്കെന്നാണ് സര്*ക്കാരും കണക്കുകൂട്ടുന്നത്. നെയ്യാറില്* ലയണ്* സഫാരി പാര്*ക്ക് ആരംഭിച്ച കാലത്ത് സന്ദര്*ശകരുടെ വലിയ ഒഴുക്കായിരുന്നു അന്നുണ്ടായത്.ഇത് വിനോദ സഞ്ചാര മേഖലയ്ക്ക് വലിയ മുതല്*ക്കൂട്ടായിരുന്നു. ഇതിന് സമാനമായിരിക്കും ടൈഗര്* സഫാരി പാര്*ക്കെന്നും സര്*ക്കാരും വനം വകുപ്പും കണക്കുകൂട്ടുന്നു.



https://www.mathrubhumi.com/image/co...10&w=852&q=0.8


വനത്തിനുള്ളിലൂടെ പ്രത്യേകം തയ്യാറാക്കിയ വാഹനത്തില്* കടുവകളുടെ തൊട്ടടുത്തുകൂടിയൊരു യാത്ര. അങ്ങനെയൊരു വിസ്മയിപ്പിക്കുന്ന യാത്രയ്ക്ക് അരങ്ങൊരുങ്ങുകയാണ് കോഴിക്കോട് ജില്ലയിലെ കൂരാച്ചുണ്ട് പഞ്ചായത്തിലെ പേരാമ്പ്ര എസ്റ്റേറ്റില്*. നെയ്യാറിലെ ലയണ്* സഫാരി പാര്*ക്ക് മാതൃകയില്* ഒരുങ്ങുന്ന പുതിയ കടുവാ സഫാരി പാര്*ക്ക് മലബാറിന്റെ വിനോദയാത്രാ വികസനത്തിന് വലിയ നാഴികക്കല്ലാവുമെന്നാണ് വിലയിരുത്തപ്പെടുന്നത്. ഇതിനായി 120 ഹെക്ടര്*(296.526 ഏക്കര്*) സ്ഥലം വിട്ടുകൊടുക്കാന്* വനം വകുപ്പ് തീരുമാനമെടുത്തുകഴിഞ്ഞു.ഇനി സര്*വേ നടപടികളാണ് നടക്കേണ്ടത്. വനം വകുപ്പ് പ്ലാന്റേഷന്* കോര്*പ്പറേഷന് പാട്ടത്തിന് നല്*കിയ പെരുവണ്ണാമൂഴി ഫോറസ്റ്റ് റെയ്ഞ്ചില്*പ്പെട്ട സ്ഥലത്താണ് പേരാമ്പ്ര എസ്റ്റേറ്റ് പ്രവര്*ത്തിക്കുന്നത്. 1230.53 ഹെക്ടര്* സ്ഥലത്തിന്റെ പാട്ടക്കാലാവധി അടുത്തിടെ അവസാനിച്ചിരുന്നു. ഇതില്* പെട്ട 120 ഹെക്ടര്* സ്ഥലമാണ് പാര്*ക്കിനായി അനുവദിച്ചിരിക്കുന്നത്.


ഭൂമിശാസ്ത്രപരമായ കിടപ്പും ജലലഭ്യതയും ചുറ്റും മനുഷ്യവാസമില്ലെന്നതുമെല്ലാം പരിഗണിച്ചാണ് ഇവിടം സഫാരി പാര്*ക്കിന് അനുയോജ്യമായ സ്ഥലമാണെന്ന് കണ്ടെത്തിയിരിക്കുന്നത്. സെപ്തംബര്* 20 ന് വനംമന്ത്രി എ.കെ ശശീന്ദ്രന്റെ നേതൃത്വത്തില്* ചേര്*ന്ന യോഗമായിരുന്നു കോഴിക്കോട്, കണ്ണൂര്* ജില്ലകളില്* ടൈഗര്* സഫാരി പാര്*ക്കിന് അനുയോജ്യമായ സ്ഥലം കണ്ടെത്താന്* തീരുമാനിച്ചത്. ഇതിനായി പ്രത്യേക സമിതി നടത്തിയ പഠനത്തിനൊടുവിലാണ് പ്ലാന്റേഷന്* കോര്*പ്പറേഷന്* അനുയോജ്യമായ സ്ഥലമാണെന്ന് കണ്ടെത്തിയിരിക്കുന്നത്. ഇതിന്റെ ആദ്യ പടിയെന്നോണം സര്*വേ എത്രയും പെട്ടെന്ന് പൂര്*ത്തിയാക്കി ഡി.പി.ആര്* തയ്യാറാക്കി സ്ഥലം പദ്ധതിക്ക് വിട്ടുനല്*കുന്നതിനുള്ള നടപടികള്* സ്വീകരിക്കുമെന്നാണ് കഴിഞ്ഞ ദിവസം വനംമന്ത്രി എ.കെ ശശീന്ദ്രനും കൃഷി മന്ത്രി പി.പ്രസാദും അറിയിച്ചിരിക്കുന്നത്. ഈ ഡി.പി.ആര്* നാഷണല്* ടൈഗര്* റിസര്*വേഷന്* അതോറിറ്റി പ്രതിനിധികള്*ക്ക് സമര്*പ്പിച്ച് അവര്* കൂടിയെത്തി പരിശോധന പൂര്*ത്തിയാക്കുന്ന മുറയ്ക്കാണ് അന്തിമാനുമതി നല്*കുക. ഇത് ഒരുമാസത്തിനുള്ളില്* പൂര്*ത്തിയാക്കാനാവുമെന്നാണ് കരുതുന്നതെന്ന് വനം വകുപ്പ് ഉദ്യോഗസ്ഥരും ചൂണ്ടിക്കാട്ടുന്നു. നേരത്തെ വനം വകുപ്പ് പ്ലാന്റേഷന്* കോര്*പ്പറേഷന് പാട്ടത്തിന് നല്*കിയ ഭൂമിയില്* നിന്നാണ് കടുവാ സഫാരി പാര്*ക്കിനുള്ള സ്ഥലം കണ്ടെത്തുന്നത് എന്നതിനാല്* നിലവിലുള്ളതില്* വനത്തിന് ഒരു ദോഷവും സംഭവിക്കില്ലെന്നും ജനവാസ മേഖലയല്ല എന്നത് അനുകൂലമായ ഘടകമാണെന്നും ബന്ധപ്പെട്ടവര്* ചൂണ്ടിക്കാട്ടുന്നു.

https://www.mathrubhumi.com/image/co...ad468d4&&q=0.8

ബെംഗളൂരു ബന്നാര്* ഘട്ടെ ബയോളജിക്കല്* പാര്*ക്കിലെ കടുവ|

കുടുവകളുടെ പുനരധിവാസം ഒപ്പം ടൂറിസം

വയനാട്ടിലടക്കം മനുഷ്യ-വന്യമൃഗ സംഘര്*ഷത്തില്* ഏറ്റവും പ്രധാനപ്പെട്ടതാണ് കടുവാശല്യം. കാടിറങ്ങുന്ന കടുവകള്* താമസ സ്ഥലങ്ങളിലെത്തി വളര്*ത്തു മൃഗങ്ങളേയും മനുഷ്യനെ പോലും അക്രമിക്കുകയും കൊലപ്പെടുത്തുകയും ചെയ്യുന്ന വാര്*ത്തകള്* വയനാട്ടില്* നിന്നും പുറത്തുവരുന്നത് സ്ഥിരം സംഭവമായി മാറിക്കഴിഞ്ഞു. കടുവാശല്യം മൂലം പല പ്രദേശങ്ങളും രാത്രികാലങ്ങളില്* പുറത്തിറങ്ങാന്* പറ്റാത്ത അവസ്ഥയിലാണ്. വളര്*ത്തുമൃഗങ്ങള്* കൊല്ലപ്പെടാന്* തുടങ്ങിയതോടെ പലരുടേയും വരുമാനമാര്*ഗവും നിലച്ചു. വനം വകുപ്പ് കൂടുവെച്ച് കടുവകളെ പിടുകൂടുന്നുണ്ടെങ്കിലും ഇവയുടെ പുനരധിവാസം വലിയ വെല്ലുവിളിയാണ്. സുല്*ത്താന്*ബത്തേരി പച്ചാടിയിലെ ഏക പുനരധിവാസ കേന്ദ്രമാണിപ്പോള്* പിടികൂടന്ന കടുവകളുടെ കേന്ദ്രം. ഇവിടേയുള്ള കൂടുകള്* ഇപ്പോള്* തന്നെ നിറഞ്ഞ അവസ്ഥയിലാണ്. മാത്രമല്ല ഇവയുടെ പരിപാലനവും വലിയ പ്രശ്*നമാണ്.

പേരാമ്പ്ര എസ്റ്റേറ്റില്* പുതിയ കടുവാ സഫാരി പാര്*ക്ക് വരുന്നതോടെ ഈ കടുവകളെ ഇവിടേയ്ക്ക് എത്തിക്കാന്* കഴിയും സംരക്ഷണമൊരുക്കാനും കഴിയും. പ്രായാധിക്യം കൊണ്ട് വേട്ടയാടാന്* കഴിയാത്തതും പരിക്ക് പറ്റിയവയുമെല്ലാമാണ് ഇപ്പോള്* ജനവാസ കേന്ദ്രങ്ങളില്* ഇറങ്ങി പ്രശ്നക്കാരാകുന്നതെന്നാണ് വിലയിരുത്തപ്പെടുന്നത്. വയനാട്ടില്* മാത്രം പ്രായാധിക്യമെത്തിയ ഇരുപതോളം കടുവകളുണ്ടെന്നാണ് കണക്കാക്കപ്പെടുന്നത്. ഇവയെല്ലാം പുനരധിവസിപ്പിക്കാനുള്ള ശേഷി ഇപ്പോള്* വനം വകുപ്പിനില്ല. ഇത് കൂടി ലക്ഷ്യമിട്ടാവും പേരാമ്പ്രയിലെ സഫാരി പാര്*ക്ക്.


പെരവണ്ണാമൂഴി കക്കയം ടൂറിസം സ്പോട്ടിനെ കൂടുതല്* ആകര്*ഷകമാക്കുന്നതാകും കടുവാ സഫാരി പാര്*ക്കെന്നാണ് സര്*ക്കാരും കണക്കുകൂട്ടുന്നത്. നെയ്യാറില്* ലയണ്* സഫാരി പാര്*ക്ക് ആരംഭിച്ച കാലത്ത് സന്ദര്*ശകരുടെ വലിയ ഒഴുക്കായിരുന്നു അന്നുണ്ടായത്.ഇത് വിനോദസഞ്ചാര മേഖലയ്ക്ക് വലിയ മുതല്*ക്കൂട്ടായിരുന്നു. ഇതിന് സമാനമായിരിക്കും ടൈഗര്* സഫാരി പാര്*ക്കെന്നും സര്*ക്കാരും വനം വകുപ്പും കണക്കുകൂട്ടുന്നു. നെയ്യാറിന് സമാനമായി വലിയ ചുറ്റുമതില്* കെട്ടി വേലികള്* കെട്ടി സംരക്ഷിച്ചായിരിക്കും പേരാമ്പ്ര എസ്റ്റേറ്റിലേയും സഫാരി പാര്*ക്കുകള്*. ഇതിനുള്ളിലൂടെ വനം വകുപ്പിന്റെ വാഹനങ്ങളില്* സഞ്ചരിച്ച് കാഴ്ചകള്* കാണാം. പദ്ധതി നടപ്പിലാക്കുന്നതില്* ബന്നാര്*ഘട്ടയാണ് വനം വകുപ്പ് മാതൃകയായി ചൂണ്ടിക്കാട്ടുന്നത്.

https://www.mathrubhumi.com/image/co...8816550&&q=0.8നെയ്യാര്* സിംഹ സഫാരിപാര്*ക്കിലുണ്ടായിരുന്ന സിംഹങ്ങള്* |

സിംഹങ്ങളില്ലാതായിപ്പോയ നെയ്യാറിലെ സിംഹ സഫാരി പാര്*ക്ക്[

രാജ്യത്തെ ആദ്യ സിംഹ സഫാരി പാര്*ക്കെന്ന ഖ്യാതിയിലാണ് നെയ്യാറില്* 1984- ല്* ലയണ്* സഫാരി പാര്*ക്ക് സ്ഥാപിച്ചത്. തൃശ്ശൂര്* മൃഗശാലയില്* നിന്നും കൊണ്ടുവന്ന സങ്കരയിനത്തില്* പെട്ട ഒരാണും മൂന്ന് പെണ്*സിംഹങ്ങളുമായിട്ടാണ് 1984-ല്* ഇത് ആരംഭിച്ചത്. മൂന്ന് വശങ്ങളും റിസര്*വോയറിനാല്* ചുറ്റപ്പെട്ട നാല് ഹെക്ടര്* വിസ്തീര്*ണമുള്ള ഈ പാര്*ക്കിന് ചുറ്റും ആറ് മീറ്ററോളം ഉയരത്തില്* 1.3 കിലോമീറ്റര്* നീളത്തില്* ഇരുമ്പ് സംരക്ഷണ വേലിയും തീര്*ത്തിരുന്നു. 1985 ല്* വിനോദ സഞ്ചാരികള്*ക്കായി തുറന്നുകൊടുത്ത പാര്*ക്ക് തുടക്കത്തില്* ചില പ്രശ്നങ്ങളില്* പെട്ട് പൂട്ടിപ്പോയെങ്കിലും 1992-ല്* പുനഃരാരംഭിച്ചതോടെ വന്* വിജയമാവുകയും ചെയ്തിരുന്നു.

ക്രമാതീതമായി എണ്ണം പെരുകിയതിനെ തുടര്*ന്ന് മൃഗങ്ങളുടെ പ്രജനനം തിരഞ്ഞെടുത്ത കേന്ദ്രത്തില്* മാത്രം അനുവദിച്ചാല്* മതിയെന്ന കേന്ദ്ര മൃഗശാലാ അതോറിറ്റിയുടെ നിര്*ദേശാനുസരണം അന്ന് പാര്*ക്കില്* ഉണ്ടായിരുന്ന മൂന്ന് ആണ്* സിംഹങ്ങളേയും വന്ധ്യംകരണ ശസ്ത്രക്രിയയ്ക്ക് വിധേയമാക്കി. ഇതോടെ സങ്കരയിനം സിംഹങ്ങള്* ഓരോന്നായി ചത്തു തുടങ്ങുകയും ചെയ്തു. തുടര്*ന്ന് 2019-ല്* ഗുജറാത്തിലെ ജൂനഗഡ് ജില്ലയിലെ സക്കര്*ബര്*ഗ് മൃഗശാലയില്* നിന്നും ഏഷ്യന്* ഇനത്തില്*പെട്ട നാഗരാജിനെയും രാധയെയും മൃഗ കൈമാറ്റ പദ്ധതി പ്രകാരം ഇവിടെ എത്തിക്കുകയായിരുന്നു. ഇതില്* രാധയെ ആറ് മാസം പ്രായമായപ്പോള്* കാട്ടില്* ഉപേക്ഷിക്കപ്പെട്ട നിലയില്* മൃഗശാലയ്ക്ക് ലഭിച്ചതും നാഗരാജനെ പ്രശ്നക്കാരനായത് കൊണ്ട് കാട്ടില്* നിന്നും പിടിച്ചതുമായിരുന്നു. കൊണ്ട് വന്ന് നിരീക്ഷണത്തില്* കഴിയവേ തന്നെ രാധ തിരുവനന്തപുരം മൃഗശാലയില്* വച്ച് ഒരുമാസത്തിനകം ചത്തുപോയി. തുടര്*ന്ന് നാഗരാജിനെ ലയണ്* സഫാരി പാര്*ക്കിലേക്ക് കൊണ്ടുവന്നുവെങ്കിലും മെയ് 18-ന് അവനും അകാലത്തില്* യാത്രയാവുകയായിരുന്നു. 2021-ജൂണ്* രണ്ടിന് നെയ്യാറിലെ ലയണ്* സഫാരിയില്* തന്നെ ജനിച്ചുവലര്*ന്ന ബിന്ദു എന്ന സിംഹത്തിന്റെ മരണത്തോടെ സിംഹങ്ങളില്ലാത്ത സഫാരി പാര്*ക്കായി നെയ്യാര്* മാറുകയും ചെയ്തു. ഇതോടെ പാര്*ക്ക് അടച്ചുപൂട്ടുകയും പാര്*ക്കിന്റെ ലൈസന്*സ് റദ്ദാക്കപ്പെടുകയും ചെയ്തു.

https://www.mathrubhumi.com/image/co...f62debb&&q=0.8

നെയ്യാര്* സിംഹ സഫാരിപാര്*ക്കിലുണ്ടായിരുന്ന സിംഹങ്ങള്*|

17 സിംഹങ്ങള്* വരേയുണ്ടായ പ്രതാപ കാലമുണ്ടായിരുന്നു നെയ്യാറിന്. നാല് ഹെക്ടര്* വിസ്തൃതിയുള്ള പാര്*ക്കിലെ കാട്ടിനുള്ളില്* ലക്ഷക്കണക്കിന് സഞ്ചാരികളാണ് എത്തിയിരുന്നത്. ഇരുമ്പു ഗ്രില്ലുകള്* കൊണ്ട് മറച്ച ജനലുകള്* ഉള്ള ഒരു മിനി ബസില്* ആണ് സന്ദര്*ശകരെ ഈ പാര്*ക്കിലേക്ക് കൊണ്ടുപോയിരുന്നത്. പാര്*ക്കിലേക്ക് പ്രവേശിക്കുന്നതിന് ഒരു സ്ഥലത്ത് തന്നെ രണ്ടു ഗേറ്റ് ഉണ്ടായിരുന്നു. ആദ്യത്തെ ഗേറ്റ് തുറന്ന് വാഹനം അകത്തു കയറി ആ ഗേറ്റ് അടച്ചതിന് ശേഷമാണ് രണ്ടാമത്തെ ഗേറ്റ് തുറക്കുന്നത്. വണ്ടി രണ്ടാമത്തെ ഗേറ്റ് കടക്കുന്ന ഉടനെ രണ്ടാമത്തെ ഗേറ്റും അടയ്ക്കും. രണ്ടാമത്തെ ഗേറ്റിന് ഉള്ളിലാണ് സിംഹങ്ങള്* സ്വതന്ത്രമായി വിഹരിച്ചിരുന്നത്. ബസില്* അതിനകത്ത്കൂടെയുള്ള യാത്ര വളരെ രസകരമായിരുന്നു. പാറപ്പുറത്ത് ഭക്ഷണം കഴിച്ച് മയങ്ങി കിടക്കുന്ന സിംഹങ്ങളും, വണ്ടിക്കരികിലൂടെ വന്ന് കൗതുകത്തോടെ വണ്ടിയിലേക്ക് നോക്കുന്ന സിംഹങ്ങളുമെല്ലാം ഏറെ കൗതുകമുയര്*ത്തി.

പക്ഷേ, 2005 ല്* നടപ്പിലാക്കിയ വന്ധ്യംകരണ പ്രക്രിയ വിജയിച്ചതോടെ നിയന്ത്രണം വിചാരിച്ചതിലും വേഗത്തില്* ആയിരുന്നു സംഭവിച്ചത്.ഇതിനെ തുടര്*ന്നുണ്ടായ അണുബാധയും അസുഖങ്ങളുമാണ് പാര്*ക്കിന്റെ നാശത്തിന് തുടക്കമിട്ടത്. ആ വര്*ഷം തന്നെ മൂന്ന് സിംഹങ്ങള്* ചത്തുപോയി. പിന്നെ പതിയെ പതിയെ മറ്റു സിംഹങ്ങളുടെ അന്ത്യവും സംഭവിച്ചു. സിംഹങ്ങളില്ലാതെ പോയതോടെ പാര്*ക്കില്* ചികിത്സയ്ക്കായി പുലികളെയും കടുവകളെയും എത്തിച്ചതോടെ സിംഹ സഫാരി പാര്*ക്കിന്റെ അടച്ചുപൂട്ടലിന്റെ വേഗതയും കൂടി.


രോഗം ബാധിച്ച പുലിയുടെ കാഷ്ഠവും മൂത്രവും ഒഴുകിക്കിടക്കുന്നത് കാരണം രോഗം വായുവിലൂടെ പകരുമെന്നും ഇത് ആപത്താണെന്നും ഡോക്ടര്*മാര്* മുന്നറിയിപ്പ് നല്*കിയിരുന്നു. ലയണ്* സഫാരി പാര്*ക്കില്* മറ്റ് മൃഗങ്ങളെ പാര്*പ്പിക്കാന്* പാടില്ലെന്ന നിര്*ദേശം നിലനില്*ക്കെയാണ് പുലിയെ ഇവിടെ പാര്*പ്പിച്ചത്. പാര്*ക്കിലേക്ക് പുതുതായി സിംഹങ്ങളെ എത്തിക്കാന്* ശ്രമിച്ചെങ്കിലും കേന്ദ്ര വനം മന്ത്രാലയത്തിന്റെ സെന്*ട്രല്* സൂ അതോറിട്ടി അനുമതി നല്*കിയില്ല. അതോറിട്ടിയുടെ നിബന്ധനപ്രകാരം വലിയ മാംസഭുക്കുകളുടെ സഫാരി നടത്തുന്നതിന് ഏറ്റവും കുറഞ്ഞ വിസ്തീര്*ണ്ണം 20 ഹെക്ടര്* എങ്കിലും വേണം. നെയ്യാറിലെ പാര്*ക്കിന് നാല് ഹെക്ടര്* വിസ്തൃതിയേയുള്ളൂ. ഇതാണ് പാര്*ക്കിന്റെ അംഗീകാരം നഷ്ടപെടാന്* പ്രധാന കാരണമായതെന്ന് ചൂണ്ടിക്കാട്ടുന്നു വനം വകുപ്പ് ഉദ്യോഗസ്ഥര്*.

https://www.mathrubhumi.com/image/co...04c9880&&q=0.8
ചൈനയിലെ ഹ്യുലോങ്ചാങ് കടുവാ സഫാരി പാര്*ക്കിലെ ദൃശ്യം| ഫോട്ടോ: ഗെറ്റി ഇമേജസ്*

കടുവാ സഫാരി പാര്*ക്കിനായി 296.50 ഏക്കര്* ഭൂമിയാണ് വനം വകുപ്പ് വിട്ടുകൊടുക്കാന്* തീരുമാനിച്ചിരിക്കുന്നത്. ടൂറിസത്തിന് പ്രാധാന്യം നല്*കിക്കൊണ്ട് ഇത്രയധികം ഭൂമി വിട്ടുകൊടുക്കുമ്പോള്* വനം വകുപ്പ് കനിയാത്തത് കൊണ്ട് മാത്രം നടക്കാതെ പോയെ നിരവധി വികസന പ്രവര്*ത്തനങ്ങളുടെ കഥയുണ്ട് ഈ പ്രദേശത്തുകാര്*ക്ക് പറയാന്*. ഇതില്* ഏറ്റവും പ്രധാനപ്പെട്ടതാണ് പെരുവണ്ണാംമൂഴി ടൂറിസം സ്പോട്ടിനെ കക്കയവുമായി എളുപ്പത്തില്* ബന്ധിപ്പിക്കാവുന്ന കൂപ്പ് റോഡും, ബാണുസുര ഡാം ടൂറിസത്തെ കോഴിക്കോടുമായി ബന്ധിപ്പിക്കുന്ന പൂഴിത്തോട്-പടിഞ്ഞാറത്തറ റോഡും. 800 മീറ്റര്* വനത്തിലൂടെ കടന്നുപോവുന്നുവെന്നത് കൊണ്ടാണ് കൂപ്പ് റോഡിന് വനംവകുപ്പ് കാലങ്ങളായി തടസ്സം നില്*ക്കുന്നത്. ഇതോടെ കക്കയത്തെത്തുന്നവര്*ക്ക് പെരുവണ്ണാമൂഴിയും ജാനികിക്കാടുമെല്ലാം സന്ദര്*ശിക്കുന്നതിന് 25 കിലോമീറ്ററോളം ചുറ്റി വളഞ്ഞ് വരേണ്ട അവസ്ഥയാണ്. സമാനകാരണം പറഞ്ഞാണ് 13 കിലോമീറ്റര്* വനത്തിലൂടെ കടന്നുപോവുന്നുവെന്ന് പറഞ്ഞ് പൂഴിത്തോട്-പടിഞ്ഞാറത്തറ റോഡിനും വനംവകുപ്പ് എതിര് നിന്നത്. ഈ രണ്ട് റോഡും യാഥാര്*ഥ്യമായാല്* നേരത്തെ പ്രഖ്യാപിക്കപ്പെട്ട ബാണാസുര-പെരവണ്ണാംമൂഴി-കക്കയം ടൂറിസം കോറിഡോര്* തന്നെയാണ് യാഥാര്*ഥ്യമാവുക. മാത്രമല്ല വയനാട്ടിലേക്കുള്ള ചുരമില്ലാ പാതയും യാഥാര്*ഥ്യമാവും. ഇത് സഫാരി പാര്*ക്കിന് മുതല്*ക്കൂട്ടാവുകയും ചെയ്യും. സഫാരി പാര്*ക്കിനായി 296.50 ഏക്കര്* ഭൂമി വിട്ടുകൊടുത്ത വനം വകുപ്പ് എന്തുകൊണ്ടാണ് ഈ പദ്ധതികള്*ക്ക് എതിര് നില്*ക്കുന്നതെന്ന ചോദ്യവും നാട്ടുകാര്* ഉയര്*ത്തുന്നുണ്ട്. സഫാരി പാര്*ക്കിനൊപ്പം ഈ റോഡുകള്* കൂടി യാഥാര്*ഥ്യമായാല്* കോഴിക്കോട് വയനാട് ടൂറിസത്തിന് പുതിയ മുഖം തന്നെയാവും തെളിഞ്ഞു വരിക. 52 വര്*ഷം മുമ്പ് പ്രവൃത്തി ഉദ്ഘാടനം ചെയ്ത് ഈ റോഡും സഫാരി പാര്*ക്ക് വരുന്നതിനൊപ്പം തടസ്സങ്ങള്* നീങ്ങുമെന്ന പ്രതീക്ഷയിലാണ് നാട്ടുകാര്*.


മനുഷ്യ-വന്യമൃഗ സംഘര്*ഷം വര്*ധിപ്പിക്കുമോ?


കാട്ടാനകളുടെ വിഹാര കേന്ദ്രമാണ് കടുവ സഫാരി പാര്*ക്ക് വരാനിരിക്കുന്ന പേരാമ്പ്ര എസ്റ്റേറ്റും പരിസരവും. ഇപ്പോള്* തന്നെ കാട്ടാനകള്* കൃഷിയിടത്തിലേക്കിറങ്ങുന്നതും അക്രമകാരികളാവുന്നതും ഇവിടത്തെ പതിവ് കാഴ്ചയാണ്. സ്ഥലത്ത് ഏകദേശം 13 ഓളം ആനത്താരകളുണ്ടെന്നാണ് നാട്ടുകാരും കര്*ഷക സംഘടനകളും ചൂണ്ടിക്കാട്ടുന്നത്. ഈ ആനകളെല്ലാം കുടിവെള്ളത്തിനായി പ്രധാനമായും ആശ്രയിക്കുന്നത് പെരുവണ്ണാംമൂഴി അണക്കെട്ടിന് സമീപത്തെ
റിസര്*വോയറിലാണ്. മാത്രമല്ല മറ്റ് മൃഗങ്ങളുടേയും സഞ്ചാരകേന്ദ്രമാണ്. കടുവാ സഫാരി പാര്*ക്ക് വരികയും സന്ദര്*ശകര്* വര്*ധിക്കുകയും ചെയ്യുമ്പോള്* ആ ആനത്താരകളടക്കം ഇല്ലാതായിപ്പോവുകയും വന്യമൃഗങ്ങള്* റിസര്*വോയറിലേക്ക് മറ്റ് വഴിതേടി ജനവാസ കേന്ദ്രത്തിലൂടെ ഇറങ്ങാനുള്ള സാധ്യതയും നാട്ടുകാര്* ചൂണ്ടിക്കാട്ടുന്നുണ്ട്. ഇത് സംബന്ധിച്ച് ശാസ്ത്രീയമായ പഠനം നടത്തണമെന്നാണ് ഇവര്* ആവശ്യപ്പെടുന്നത്. മാത്രമല്ല സമീപ ജനവാസ കേന്ദ്രങ്ങളിലടക്കം സഞ്ചാര നിയന്ത്രണങ്ങളടക്കമുണ്ടാവുമോയെന്ന് ആശങ്കയും ജനങ്ങള്* പങ്കുവഹിക്കുന്നു.

വന്യമൃഗശല്യം കുറയും-എ.കെ ശശീന്ദ്രന്*

"നിലവില്* വലിയ രീതിയില്* വന്യജീവി ആക്രമണം നടക്കുന്ന പ്രദേശമാണിത്. വന്യമൃഗങ്ങള്* കാട്ടിലേക്കിറങ്ങുന്നതും കര്*ഷകര്*ക്ക് വലിയ നാശനഷ്ടമുണ്ടാക്കുന്നതും ഈ ഭാഗങ്ങളിലെ പതിവ് വാര്*ത്തയാണ്. ഇതിനൊരു പരിഹാരം കാണുക എന്ന ഉദ്ദേശ്യത്തോടുകൂടിയാണ്* ഇവിടം സഫാരി പാര്*ക്കിനായി തിരഞ്ഞെടുക്കാന്* പ്രേരിപ്പിച്ചതെന്ന് വനംമന്ത്രി എ.കെ ശശീന്ദ്രന്* മാതൃഭൂമി ഡോട്*കോമിനോട് പറഞ്ഞു. ടൈഗര്* സഫാരി പാര്*ക്ക് വരുന്നതോടെ ചുറ്റും വേലികെട്ടുന്നതിനാല്* വന്യമൃഗങ്ങള്* പുറത്തേക്കിറങ്ങി ആക്രമണം നടത്തുന്നത് ഇല്ലാതാവുമെന്നും അദ്ദേഹം പറഞ്ഞു. ഇതിന് പുറമെ ഇപ്പോള്* തന്നെ കോഴിക്കോട് ജില്ലയിലെ പ്രധാന വിനോദസഞ്ചാര കേന്ദ്രങ്ങളായ പെരുവണ്ണാംമൂഴി ഡാം, കക്കയം, ജാനകിക്കാട് എന്നിവിടങ്ങളിലൊക്കെയുള്ള സന്ദര്*ശകരുടെ എണ്ണം വര്*ധിക്കും. ഇത് വിനോദ സഞ്ചാര മേഖലയ്ക്ക് മുതല്*ക്കൂട്ടാവുകയും ചെയ്യും. പാട്ടക്കാലാവധി കഴിഞ്ഞ പ്ലാന്റേഷന്* കോര്*പ്പറേഷന്റെ കയ്യിലുള്ള ഭൂമി വനം വകുപ്പിന് വിട്ടുകൊടുക്കന്നതിനുള്ള നടപടിക്രമങ്ങളെല്ലാം പൂര്*ത്തിയാക്കി വരികയാണെന്നും മന്ത്രി ചൂണ്ടിക്കാട്ടി. പദ്ധതി സംബന്ധിച്ച് സ്ഥലം കണ്ടെത്തുകയെന്നത് മാത്രമാണ് ഇപ്പോള്* പൂര്*ത്തിയാക്കിയിരിക്കുന്നത്. ഇനി നടക്കേണ്ടത് സര്*വേയും വിശദമായ ഡി.പി.ആര്* തയ്യാറാക്കലുമാണ്. ഇതിനായി സ്*പെഷ്യല്* ഓഫീസറായി കോഴിക്കോട് ഡി.എഫ്.ഒ യെ ചുമതലപ്പെടുത്തിയിട്ടുണ്ടെന്നും വനം മന്ത്രി എ.കെ ശശീന്ദ്രന്* മാതൃഭൂമി ഡോട്*കോമിനോട് പ്രതികരിച്ചു. ഇത് പൂര്*ത്തിയാകുന്നതോടെ ഡി.പി.ആര്* തയ്യാറാക്കും. മുഖ്യമന്ത്രി പ്രഖ്യാപിച്ച പദ്ധതിയെന്ന നിലയ്ക്ക് പ്രത്യേക പ്രയോറിറ്റി നല്*കി നടപ്പിലാക്കാനാണ് ഉദ്ദേശിക്കുന്നത്."

വാടാതെ സൂക്ഷിക്കാം, ഈ വടകരപ്പെരുമ



https://newspaper.mathrubhumi.com/im...10&w=852&q=0.8
വടകര ചന്തപ്പറമ്പിൽ പച്ചമരുന്ന് ചന്തയിൽ വിൽപ്പനയ്ക്കുവെച്ച പച്ചമരുന്നുകൾക്കരികെ വ്യാപാരി

വടകര : തിങ്കളാഴ്ച രാത്രിയിൽ തുടങ്ങും ആളും ബഹളവും. കച്ചവടക്കാരെല്ലാം രാത്രിതന്നെ തമ്പടിക്കും. ചൊവ്വാഴ്ച പുലർച്ചെ അഞ്ചുമണിയോടെ കച്ചവടം തുടങ്ങുകയായി. ഉച്ചയാകുമ്പോഴേക്കും പച്ചമരുന്നെല്ലാം തീർന്നിരിക്കും. പിന്നെ വടകര ചന്തപ്പറമ്പ് പൂരമൊഴിഞ്ഞ അമ്പലപ്പറമ്പുപോലെയാണ്. പറഞ്ഞുവരുന്നത് 30-40 കൊല്ലം പിറകോട്ടുള്ള വടകരയിലെ പച്ചമരുന്ന് ചന്തയെക്കുറിച്ചാണ്. വടകരയുടെ സമ്പന്നമായ പൈതൃകത്തിന്റെ ബാക്കിപത്രമായി ഇന്നുമുണ്ട് പച്ചമരുന്ന് ചന്ത.

ഒരുനൂറ്റാണ്ടിലേറെ പഴക്കം


വടകരയിൽ ചൊവ്വാഴ്ച നടക്കുന്ന പച്ചമരുന്ന് ചന്ത പണ്ടുമുതൽ ഏറെ പ്രസിദ്ധമാണ്. കേരളത്തിന്റെ പല ഭാഗങ്ങളിൽ നിന്നും ഇവിടെ പച്ചമരുന്നുകളെത്തും. ആയുർവേദ മരുന്നുകൾക്ക് വേണ്ട ഒരുവിധം എല്ലാ കൂട്ടും ഇവിടെ കിട്ടും. നാട്ടിൻപുറങ്ങളിൽനിന്ന് ഇവ ശേഖരിച്ച് ഇവിടെ വിൽക്കുന്ന ഒട്ടേറെപ്പേർ അന്നുണ്ടായിരുന്നു. ഇവർക്ക് ജീവിതമാർഗമായിരുന്നു ഇത്.

സമീപകാലത്തുവരെ ഒട്ടേറെ സ്ത്രീകൾ കഞ്ഞണ്ണി, ബ്രഹ്മി, നീലയമരി തുടങ്ങിയവ ശേഖരിച്ച് കൊണ്ടുവന്നിരുന്നു. ഇപ്പോൾ പ്രാദേശികമായി മരുന്ന് കിട്ടുന്നത് കുറവാണ്. തമിഴ്*നാട്ടിൽനിന്നാണ് കൂടുതലും വരുന്നത്.

കൂടാതെ കേരളത്തിലെ പല ജില്ലകളിൽനിന്നും. മരുന്ന് വാങ്ങാൻ കണ്ണൂർ, കാസർകോട് ജില്ലകളിൽനിന്നും ഇപ്പോഴും ആളുകളെത്തും. പിന്നെ തൃശ്ശൂർവരെയുള്ള ജില്ലകളിലേക്ക് ഇവിടെനിന്ന് മരുന്ന് കൊണ്ടുപോകും.

എണ്ണ കാച്ചാനും മറ്റുമുള്ള ഇലകൾക്കും വേരുകൾക്കുമായാണ് പ്രാദേശികമായി ആവശ്യക്കാർ കൂടുതൽ. മുമ്പ് 200-ഓളം കച്ചവടക്കാരുള്ള സ്ഥാനത്താണ് ഇപ്പോൾ മൂന്നുപേർ മാത്രം. നടക്കുതാഴയിലെ കുന്നുമ്മൽ കുമാരൻ, മകൻ മണി എന്നിവരും വില്യാപ്പള്ളി സ്വദേശി ശശിയും.

വടകരയിൽ കിട്ടുന്ന പച്ചമരുന്നുകൾ

കറ്റാർവാഴ, കഞ്ഞണ്ണി, ബ്രഹ്മി, നീലയമരി, ഉഴിഞ്ഞവള്ളി, മഞ്ഞൾ, കുമിഴ്, കൂവളം, പാതിരി, പയ്യാന, ഓരില, മൂവില, ചെറുവഴുതിന, വെള്ളോട്ട് ചുണ്ട, മുഞ്ഞവേര്, കീഴാർനെല്ലി, പൂവാംകുരുന്നില, രാമച്ചം, ശതാവരിക്കിഴങ്ങ്, ചിറ്റാമൃത്, വേലിപ്പരുത്തി തുടങ്ങിയവ.

ഇന്നത്തെ ചന്ത ഇങ്ങനെ

തിങ്കളാഴ്ചകളിൽ പച്ചമരുന്നെത്തുമെങ്കിലും പഴയതുപോലെ ആരവമില്ല. ആകെയുള്ളത് രണ്ട് കച്ചവടക്കാർ. പിന്നെ നാട്ടിൻപുറങ്ങളിൽനിന്നും ആരെങ്കിലും പച്ചമരുന്നുമായി വന്നാലായി. എങ്കിലും ചൊവ്വാഴ്ചകളിൽ ആവശ്യക്കാരെത്തും.

പഴയതുപോലെ തിരക്കില്ലെങ്കിലും ആയുർവേദമരുന്ന് കമ്പനികളും തറിമരുന്ന് കച്ചവടക്കാരും മുതൽ വീട്ടാവശ്യക്കാർവരെ ഇപ്പോഴും ഈ ചന്തയെ തേടിയെത്തുന്നു. ചന്തയെന്ന് പറയാൻ പ്രത്യേകിച്ച് സംവിധാനമൊന്നുമില്ല ഇവിടെ.

ഒരുമൂലയിൽ വെറുംനിലമാണ് മരുന്നുകൾ സൂക്ഷിക്കുന്നിടം. ഇത്രയും കാലമായിട്ടും ഇവ സൂക്ഷിച്ചുവെക്കാൻ ഒരു ഷെഡ്ഡ് പോലുമില്ല.

വടകരയുടെ പൈതൃകത്തിന്റെ ഭാഗമായ ഈ ചന്തയെയും ചൊവ്വാഴ്ചച്ചന്തയെയും പുനരുജ്ജീവിപ്പിക്കാൻ നഗരസഭ ബജറ്റുകളിൽ പ്രഖ്യാപനം നടത്താറുണ്ടെങ്കിലും ഒന്നും യാഥാർഥ്യമായിട്ടില്ല. സംരക്ഷണമില്ലെങ്കിൽ ഈ ചന്തയും വിസ്മൃതിയിലാകും.

ഒഴുകിവരുന്നു പച്ചത്തുരുത്ത്; കൗതുകവും ഭീഷണിയും



https://newspaper.mathrubhumi.com/im...10&w=852&q=0.8
തടാകത്തിലൂടെ ഒഴുകിവന്ന പച്ചത്തുരുത്ത് ആദിക്കാട് പമ്പ്ഹൗസിനു സമീപം അടിഞ്ഞപ്പോൾ

പത്തു സെന്റോളംവിസ്തീർണം വരുന്ന കുന്നാണ് നീങ്ങുന്നത്

ശാസ്താംകോട്ട : അകലെനിന്നു നോക്കവേ ചെറു ദ്വീപെന്നു തോന്നിക്കുന്നവിധം ശാസ്താംകോട്ട ശുദ്ധജലതടാകത്തിലൂടെ പച്ചത്തുരുത്ത് ഒഴുകിനടക്കുന്നു.


പത്തു സെന്റോളം വിസ്തീർണം വരുന്ന കുന്നാണ് തടാകപ്പരപ്പിലൂടെ നീങ്ങുന്നത്. രാവിലെ മീൻ പിടിക്കാൻപോയ തൊഴിലാളികളാണ് കോളേജിനു സമീപം ഇത് ആദ്യംകണ്ടത്. ഉച്ചയോടെ അതൊഴുകി ആദിക്കാട് പമ്പ്ഹൗസിനു സമീപം അടിഞ്ഞു. കാറ്റ് ശക്തിയാർജിച്ചാൽ ഒഴുകുന്നതു തുടരും. മത്സ്യത്തൊഴിലാളികൾ അതിനെ കരയ്ക്കടുപ്പിക്കാൻ ശ്രമിച്ചെങ്കിലും നടന്നില്ല.

രൂപപ്പെട്ടത് വേനൽക്കാലത്ത്

വേനലിൽ കിലോമീറ്ററോളം ഭാഗം ഉൾവലിഞ്ഞ് കരയായി മാറിയിരുന്നു. ഇവിടങ്ങളിൽ എക്കലും മാലിന്യങ്ങളും അടിഞ്ഞ് മൺകൂനകൾ രൂപപ്പെട്ടു. ക്രമേണ ചെടിയും വൃക്ഷങ്ങളും വളർന്ന് ഇതൊരു തുരുത്തായി.

തുടർച്ചയായ കനത്ത മഴയിൽ തടാകത്തിൽ ജലനിരപ്പ് ഉയർന്നതോടെ വറ്റിവരണ്ടു കിടന്ന ഭാഗങ്ങളിലും വെള്ളംകയറി.

വെള്ളം കെട്ടിനിന്നതിനൊപ്പം ശക്തമായ ഓളവും അടിച്ചതോടെ അടിഭാഗം ഇളകി ഒഴുകുകയായിരുന്നു.പച്ചപ്പണിഞ്ഞ ഇവ തടാക ഉപരിതലത്തിലൂടെ നീങ്ങുന്ന കാഴ്ച കാണികൾക്ക് കൗതുകവുമായി.

ഒഴുകുന്നതു ഭീഷണി

മീൻപിടിക്കാനിറങ്ങുന്ന വള്ളക്കാർക്കും ബോട്ട് സവാരിക്കായെത്തുന്ന സഞ്ചാരികൾക്കും കുന്നൊഴിനടക്കുന്നത് ഭീഷണിയാണ്*. ഒഴുക്കിന്റെയും കാറ്റിന്റെയും ഗതിയനുസരിച്ച് ഇതു നീങ്ങിക്കൊണ്ടിരിക്കും. ഏതു ദിശയിലേക്ക് നീങ്ങുമെന്ന് അറിയാൻ കഴിയാത്തതാണ് ഭീഷണിക്കു കാരണം.

ഒരു ടണ്* ഖനനം ചെയ്യാന്* 22.73 ലക്ഷം ലിറ്റര്* ജലം; സൗഹൃദമോ ലിഥിയം ബാറ്ററി?


ആഗോളതലത്തില്* ഏറ്റവും കൂടുതല്* ആവശ്യക്കാരുളള ധാതുക്കളില്* ഒന്നായ ലിഥിയമാണ് ലിഥിയം അയോണ്* ബാറ്ററിയുടെ പ്രധാന ഘടകം. ലോകമെങ്ങും ഉയര്*ന്ന ആവശ്യകതയുള്ളതിനാല്* 'വെളുത്ത സ്വര്*ണ്ണം' എന്ന് പേരിലും ലിഥിയം അറിയപ്പെടുന്നു.



https://www.mathrubhumi.com/image/co...10&w=852&q=0.8

സെല്*ഫോണ്*, ഇലക്ട്രിക് വാഹനങ്ങൾ എന്നിവയിലെല്ലാം ലിഥിയം അയോണ്* ബാറ്ററികൾ സാന്നിധ്യമറിയിച്ചു കഴിഞ്ഞു. റീച്ചാര്*ജ് ചെയ്യാനുള്ള സൗകര്യം, ഉയര്*ന്ന ആയുര്*ദൈര്*ഘ്യം, പ്രവര്*ത്തനക്ഷമത എന്നിവയാണ് ഈ ബാറ്ററികളുടെ ജനപ്രീതി ഇതിനോടകം തന്നെ ലോകത്താകമാനം വര്*ധിപ്പിച്ചത്. പോരാത്തതിന് പെട്രോൾ ഡീസൽ പോലുള്ള ഇന്ധനങ്ങൾക്ക് ബദലാവുന്നു എന്നതിനാൽ തന്നെ ഇവ പരിസ്ഥിതി സൗഹൃദമാണെന്നുള്ള ഉറച്ച വിശ്വാസത്തിലാണ് പരിസ്ഥിതി സ്നേഹികൾ. എന്നാൽ പരിപൂർണ്ണമായും പരിസ്ഥിതി സൗഹൃദം തന്നെയോ ഇവ. ലിഥിയം ഖനനം പരിസ്ഥിതിക്ക് വരുത്തുന്ന ദോഷങ്ങൾ പരിഗണിക്കുമ്പോൾ ഈ സമീപനത്തിൽ പുനരാലോചന ഉണ്ടാവേണ്ടതുണ്ടെന്നാണ് പല പഠനങ്ങളും പറയുന്നത്. ഇലക്ട്രിക് വാഹനങ്ങള്* കാര്*ബണ്* ബഹിര്*ഗമന തോത് കുറയ്ക്കുന്നതില്* പ്രധാന പങ്ക് വഹിക്കുന്നുവെങ്കിലും അവ അടിസ്ഥാനമാക്കിയിരിക്കുന്ന ബാറ്ററികള്* പരിസ്ഥിതിക്ക് കനത്ത ആഘാതം സൃഷ്ടിക്കാന്* കെല്*പ്പുള്ളവയാണ്.


ഓസ്*ട്രേലിയയില്* മാത്രം 3,300 ടണ്* ലിഥിയം ബാറ്ററി മാലിന്യമാണ് പ്രതിവര്*ഷമുണ്ടാകുന്നത്

ലിഥിയം അയോൺ ബാറ്ററികളുടെ പുനഃചംക്രമണം

ലെഡ് ആസിഡ് ബാറ്ററി പോലുള്ളവ പുനഃചംക്രമണം (recycle) ചെയ്യാന്* എളുപ്പമായിരുന്നെങ്കില്* ലിഥിയം അയോണ്* ബാറ്ററികളുടെ കഥ മറ്റൊന്നായിരുന്നു. സൂക്ഷിച്ച് വേര്*പ്പെടുത്തിയാല്* പോലും ലിഥിയം അയോണ്* ബാറ്ററികളിലെ പല വസ്തുക്കളും വീണ്ടും ഉപയോഗിക്കാന്* കഴിയുന്നവായിരുന്നില്ല. ലിഥിയം ഖനനം ചെയ്യുന്നതുമായി താരതമ്യം ചെയ്യുമ്പോള്* പുനഃചംക്രമണത്തിന് ധാരാളം പണം വിനിയോഗിക്കേണ്ടതായും വന്നു. ആഗോളതലത്തില്* തന്നെ ലിഥിയം ബാറ്ററികളുടെ അഞ്ച് ശതമാനം മാത്രമാണ് പുനഃചംക്രമണത്തിന് വിധേയമാക്കുന്നത്. ബാക്കിയുള്ളവ പാഴ്വസ്തുക്കളായി തുടരുന്നു. ഓസ്*ട്രേലിയയില്* മാത്രം 3,300 ടണ്* ലിഥിയം ബാറ്ററി മാലിന്യമാണ് പ്രതിവര്*ഷമുണ്ടാകുന്നതെന്ന് കോമണ്*വെല്*ത്ത് സയന്റിഫിക് ആന്*ഡ് ഇന്*ഡസ്ട്രിയല്* റിസർച്ച് (സിഎസ്*ഐആര്*ഒ) പ്രസിദ്ധീകരിച്ച റിപ്പോര്*ട്ടില്* പറയുന്നു. ഓസ്*ട്രേലിയയില്* ഇത്രയേറെ അളവില്* മാലിന്യം ഉത്പാദിപ്പിക്കപ്പെടുന്നുവെങ്കില്* ആഗോളതലത്തിലെ കണക്കുകള്* എത്ര ഭീകരമായിരിക്കുമെന്ന് ഊഹിക്കാവുന്നതേയുള്ളൂ. ലിഥിയം അയോണ്* ബാറ്ററികളുടെ പുനഃചംക്രമണത്തിനായി ആധുനികരീതിയിലുള്ളതും കുറച്ചുകൂടി മെച്ചപ്പെട്ടതുമായ മാർഗങ്ങൾക്കുള്ള ശ്രമത്തിലാണ് ​ഗവേഷകർ.


https://www.mathrubhumi.com/image/co...ae3917d&&q=0.8
ചിലിയിലെ വലിയ സാള്*ട്ട് ഫ്*ളാറ്റുകളിലൊന്നായ സലാര്* ഡേ അറ്റകാമ |

അത്ര നിസാരമല്ല ലിഥിയം ഖനനം

ലിഥിയം ബാറ്ററിക്കായുള്ള പലവിധ ലോഹങ്ങള്* ഖനനം ചെയ്യണമെങ്കില്* ധാരാളം ജലം ആവശ്യമാണ്. ഒരു ടണ്* ലിഥിയം ഖനനം ചെയ്യുന്നതിനായി 22.73 ലക്ഷം ലിറ്റര്* ജലമാണ് പ്രയോജനപ്പെടുത്തേണ്ടി വരിക. ലിഥിയം കുഴിച്ചെടുക്കുന്നതിനായുള്ള ഡ്രില്ലിങ് ഘട്ടത്തിലടക്കം വെളളം ധാരാളമായി ആവശ്യം വരുന്നു. ചിലിയിലെ അറ്റാക്കാമ സാള്*ട്ട് ഫ്ളാറ്റുകളില്* (ജലാശയങ്ങള്* വറ്റിവരണ്ടുണ്ടാകുന്ന ഭൂപ്രദേശങ്ങളാണ് സാള്*ട്ട് ഫ്ളാറ്റുകൾ. ഉപ്പോ മറ്റ് ധാതുക്കളുടെയോ സാന്നിധ്യവും ഈ പ്രദേശത്തുണ്ടാകും. സസ്യങ്ങള്*ക്കോ മൃഗങ്ങള്*ക്കോ ഈ പ്രദേശങ്ങളില്* അതിജീവനം സാധ്യമാകണമെന്നില്ല) ലിഥിയം ഖനനം പരിസ്ഥിതിക്ക് വരുത്തിയ ദോഷം ചെറുതല്ല. പ്രദേശത്തെ പ്രതിദിന താപനില, വരള്*ച്ചാ സംഭവങ്ങള്* എന്നിവയില്* വന്*വര്*ധനവ് ഇതുമൂലം രേഖപ്പെടുത്തി. ഖനനം നടക്കുന്ന മേഖലയിലെ ജലസ്രോതസ്സുകളെ ബാധിക്കുന്നത് വരള്*ച്ചാ സംഭവങ്ങളിലേക്ക് വഴിവെയ്ക്കുന്നു. ലിഥിയം അയോണ്* ബാറ്ററി മൂലമുണ്ടാകുന്ന കാലാവസ്ഥാ പ്രത്യാഘാതങ്ങളുടെ 40 ശതമാനവും ഖനനം നടക്കുന്ന സമയത്താണ് പ്രതിഫലിക്കുന്നതെന്ന് 2019-ല്* നടത്തിയ ചില പഠനങ്ങള്* ചൂണ്ടിക്കാട്ടുന്നു. വൻതോതിലുള്ള കാർബൺ ബഹിർ​​ഗമനവും ഖനനത്തിലൂടെ നടക്കുന്നു

ചൈനയ്ക്ക് നഷ്ടമായ മത്സ്യസമ്പത്ത്

നിക്കല്*, കൊബാള്*ട്ട് പോലുള്ളവയാല്* നിര്*മിതമായ കാതോഡാണ് ലിഥിയം അയോണ്* ബാറ്ററിയില്* ഉപയോഗിക്കുന്നത്. പ്രകൃതി വിഭവങ്ങളുടെ ശോഷണം മാത്രമല്ല, ആഗോളതാപനം പോലുള്ളവ ഇതിന്റെ ഉപയോഗം മൂലമുണ്ടാകുന്ന പരിണിത ഫലങ്ങളാണ്. 2016-ല്* ചൈനയിലെ സിച്വാന്* പ്രവിശ്യയിലെ ലിഥിയം ഖനിയില്* (Ganzizhou Rongda Lithium mine) മാരകമായ കെമിക്കല്* ലീക്ക് മൂലം പ്രദേശത്ത് വലിയ പരിസ്ഥിതി ആഘാതങ്ങളാണുണ്ടായത്. കന്നുകാലികളും ലിക്വി നദിയിലെ മത്സ്യങ്ങളടക്കം ചത്തൊടുങ്ങി. നദിയിലൂടെ ചത്തൊടുങ്ങിയ മീനുകള്* ഒഴുകുന്ന കാഴ്ച നിരവധി പ്രതിഷേധങ്ങളിലേക്കും വഴിവെച്ചു. ഏഴ് വര്*ഷങ്ങള്*ക്കിടെ ഈ ഖനിയില്* നടക്കുന്ന മൂന്നാമത്തെ സംഭവം കൂടിയായിരുന്നു ഇത്.


https://www.mathrubhumi.com/image/co...c671d2a&&q=0.8
ആൻഡിസ് മലനിരകൾ |

പാഠമാണ് ആന്*ഡിസ് മലനിരകള്*

അര്*ജന്റീനിയ, ചിലി, ബൊളീവിയ തുടങ്ങിയ പ്രദേശങ്ങളില്* വ്യാപിച്ചുകിടക്കുന്ന ആന്*ഡിസ് മേഖലയില്* ലിഥിയം ഖനനത്തില്* കുതിപ്പാണ് ഇതിനോടകം രേഖപ്പെടുത്തിയത്. ഈ രാജ്യങ്ങളുടെ അതിര്*ത്തികള്* പങ്കിടുന്ന മേഖല ലിഥിയം ട്രയാങ്കിള്* (lithium triangle) എന്നാണ് അറിയപ്പെടുന്നത്. യു.എസ് ജിയോളജിക്കല്* സര്*വേയുടെ റിപ്പോര്*ട്ട് പ്രകാരം ലോകത്തിലെ ലിഥിയത്തിന്റെ ഏറിയ പങ്കും ലിഥിയം ട്രയാങ്കിളിലാണ് കാണപ്പെടുക. ഇലക്ട്രിക് വാഹനങ്ങളുടെ വര്*ധിച്ചു വരുന്ന ജനപ്രീതിയാണ് വന്*തോതില്* ഖനനം നടക്കാനുള്ള പ്രധാന കാരണം. ഇതുമൂലം ആന്*ഡിസ് മലനിരകളിലെ തണ്ണീര്*ത്തടങ്ങള്*, ഫ്ളമിംഗോ അടക്കമുള്ള പക്ഷികളുടെ ആവാസവ്യവസ്ഥ മുതലായവ ഭീഷണി നേരിടുകയാണ്. ലിഥിയം അയോണ്* ബാറ്ററികളില്* മാത്രം ഉപയോഗിക്കാവുന്ന പോളിടെട്രാഫ്*ളൂറോഈഥലെയ്ന്റെ (polytetrafluoroethylene) ഉത്പാദനം ഓസോണ്* പാളിയിലുണ്ടാവുന്ന വിള്ളലിന് പ്രധാന കാരണം കൂടിയാണ്. 2030-ഓടെ ലിഥിയത്തിന്റെ ആവശ്യകത പ്രതിവര്*ഷം 2.4 മില്ല്യണ്* മെട്രിക് ടണ്ണായി ഉയരുമെന്നാണ് പ്രവചനം. അര്*ജന്റീനയുടെ വടക്കുപടിഞ്ഞാറന്* മേഖലയില്* മാത്രം ലിഥിയം ഖനനത്തിന് ലൈസന്*സുള്ള ധാരാളം പ്രൊജക്ടുകളാണ് നിലവിലുളളത്. ഇന്ത്യയില്* ജമ്മു ആന്*ഡ് കാശ്മീരില്* അടുത്തിടെ ലിഥിയം ശേഖരം കണ്ടെത്തിയിരുന്നു.


2021-ല്* ആഗോള ലിഥിയം ഉത്പാദനം ആദ്യമായി ഒരുലക്ഷം ടണ്* എന്ന റെക്കോഡ് ഉയരം രേഖപ്പെടുത്തി.
https://www.mathrubhumi.com/image/co...aa0aa1e&&q=0.8
കശ്മീരിലെ റിയാസി ജില്ലയില്* ഒരു ഗ്രാമീണന്* ലിഥിയം കല്ലുകള്* കാണിക്കുന്നു |

ജമ്മു കശ്മീരിലെ ലിഥിയം ശേഖരം

5.9 മില്ല്യണ്* ടണ്* വരുന്ന ലിഥിയം ശേഖരമാണ് ജമ്മു കാശ്മീരില്* കണ്ടെത്തിയത്. ജമ്മു കശ്മീരിലെ റിയാസി ജില്ലയില്* 5.9 ദശലക്ഷം ടണ്* വരുന്ന ലിഥിയം നിക്ഷേപം കണ്ടെത്തിയതായി
ജിയോളജിക്കല്* സര്*വേ ഓഫ് ഇന്ത്യയാണ് പ്രഖ്യാപിച്ചത്. നിലവില്* ലിഥിയം ബാറ്ററി നിര്*മിക്കാന്* ഉപയോഗിക്കുന്ന വസ്തുക്കളുടെ ഏറിയ പങ്കും ഇന്ത്യ ഇറക്കുമതി ചെയ്യുകയാണ്. ഈ സാഹചര്യത്തില്* ജമ്മുവിലെ ലിഥിയം ശേഖരം കണ്ടെത്തിയത് നിര്*ണായകമായി വിലയിരുത്തപ്പെടുന്നു. ജമ്മുവിലെ ലിഥിയം ശേഖരത്തിന്റെ പശ്ചാത്തലത്തില്* ലിഥിയം അടിസ്ഥാനമാക്കിയുള്ള വ്യവസായങ്ങള്*ക്ക് സാധ്യതയുണ്ട്. അതേസമയം കശ്മീരിലെ ലിഥിയം ഖനനം ജൈവവൈവിധ്യപരമായി പ്രാധാന്യം അര്*ഹിക്കുന്ന ഹിമാലയന്* മേഖലയുടെ നാശത്തിന് തന്നെ കാരണമായേക്കാമെന്ന ആശങ്ക അപ്പോഴും ബാക്കിയാണ്. നിരവധി ജലാശയങ്ങളുടെ ജലസ്രോതസ്സ് കൂടിയായ ഹിമാലയന്* പ്രദേശത്തിന്റെ നാശം നദികള്* മലിനപ്പെടുന്നതിലേക്ക് അടക്കം നയിക്കും. .

ഉത്പാദനത്തില്* മുന്*പന്തിയില്* ചൈന

ലിഥിയം ബാറ്ററിയുടെ ഉത്പാദനത്തില്* മുന്*പന്തിയില്* ചൈനയാണ്. ബാറ്ററികളുടെ പുനഃചംക്രമണത്തിലും വളരെ മുന്നില്* തന്നെയാണ് ചൈനയുടെ സ്ഥാനം. ഇന്ത്യയിലെ ലിഥിയം അയോണ്* ബാറ്ററി മേഖല വളര്*ച്ചയുടെ പാതയിലാണ്. പത്തുവര്*ഷങ്ങള്*ക്ക് മുമ്പ് ചൈനയിലെ സ്വിചാനിലെ ലിഥിയം ഖനികളില്* നിന്ന് വന്*തോതില്* മലിനീകരണമുണ്ടാകുന്നതായി കണ്ടെത്തി. 2016, 2017 വര്*ഷങ്ങളിലും വായുമലിനീകരണം, ആവാസവ്യവസ്ഥ നാശം തുടങ്ങിയവ പഠനങ്ങളിലും മറ്റുമായി കണ്ടെത്തി. ലിഥിയം ഖനനം മൂലം യേചുണിലെ പ്രാദേശിക നദിയില്* ഉയര്*ന്ന അളവിലുള്ള താലിയം കണ്ടെത്തുന്നത് നവംബര്* 2022-നാണെന്ന് ചൈനീസ് മാധ്യമങ്ങള്* റിപ്പോര്*ട്ട് ചെയ്യുന്നു. മനുഷ്യരിലടക്കം കടുത്ത ആരോഗ്യപ്രശ്*നങ്ങള്* ഉണ്ടാക്കാന്* ശേഷിയുള്ള പദാര്*ത്ഥം കൂടിയാണ് താലിയം.

ഫ്യൂച്ചര്*ഹൈടെക്ബാറ്ററീസാണ് ഇന്ത്യയിലെ ആദ്യത്തെ ലിഥിയം അയോണ്* ബാറ്ററി നിര്*മാതാക്കള്*

ലിഥിയം അയോൺ ബാറ്ററിക്ക് പകരമെന്ത്
ഓര്*ഗാനിക് പദാര്*ത്ഥങ്ങള്* അടിസ്ഥാനമാക്കിയുള്ള ബാറ്ററിയെന്ന ലക്ഷ്യത്തിലേക്കുള്ള ശ്രമങ്ങള്* ആദ്യം നടത്തുന്നത് ടെക്സാസ് എ ആന്*ഡ് എം യൂണിവേഴ്സിറ്റിയിലെ കെമിക്കല്* എന്*ജിനയറിങ് വിഭാഗം പ്രൊഫസറായ ജോഡി ലുട്ട്കെന്*ഹോസാണ്. രാസപരമായോ ജൈവപരമായോ തകര്*ക്കപ്പെടാവുന്ന (degradable) ബാറ്ററിയായിരുന്നു ജോഡിയുടെ ലക്ഷ്യം. ഇന്ന് ഉപയോഗിക്കുന്ന പല ബാറ്ററികളും പുനചംക്രമണത്തിന് വിധേയമാകുന്നില്ലെന്നത് അദ്ദേഹത്തെ ആശങ്കപ്പെടുത്തിയിരുന്നു. അങ്ങനെയാണ് 2000-ത്തിന്റെ തുടക്കത്തില്* ഓര്*ഗാനിക് റാഡിക്കല്* ബാറ്ററി (ഒആര്*ബി) പിറവി കൊള്ളുന്നത്. ഓര്*ഗാനിക് പദാര്*ത്ഥങ്ങളുടെ സഹായത്താലാണ് ഈ ബാറ്ററി പ്രവര്*ത്തിക്കുന്നത്. ഇത്തരം ബാറ്ററിയുടെ നിര്*മാണഘട്ടങ്ങളിലും വെല്ലുവിളികള്* നേരിടേണ്ടതായി വന്നു. ഇത് നിര്*മിക്കാന്* ഉപയോഗിക്കുന്ന വസ്തുക്കള്*ക്ക് വിപണിയില്* വന്*തുകയാണ് നല്*കേണ്ടി വരിക. അതേസമയം ഇലക്ട്രിക് വാഹനങ്ങളുടെ ആവശ്യകതയ്ക്ക് അനുസരിച്ചുള്ള ഊര്*ജം പ്രദാനം ചെയ്യാന്* ഇത്തരം ബാറ്ററികള്*ക്ക് സാധിക്കുകയും ചെയ്യും. സോളിഡ് സ്റ്റേറ്റ് ലിഥിയം ബാറ്ററിയും മറ്റൊരു പ്രധാന ആശയമാണ്. കുറഞ്ഞ ചെലവ്, കൂടുതല്* ശക്തി, വേഗത്തില്* ചാര്*ജ് ചെയ്യാമെന്ന് തുടങ്ങി നിരവധി ഗുണങ്ങള്* ഇത്തരം ബാറ്ററിക്കുണ്ട്.





https://www.mathrubhumi.com/image/co...b20d2f3&&q=0.8
ജോഡി ലുട്ട്കെന്*ഹോസ് |

വിപണിയില്* പിടിമുറുക്കിയ ലിഥിയം അയോണ്* ബാറ്ററികളോട് പൊരുതാന്* ഓര്*ഗാനിക് ബാറ്ററിക്ക് കഴിയുമോയെന്ന ആശങ്ക നിലനിന്നിരുന്നു.


ഇലക്ട്രിക് വാഹനങ്ങളിലെ ലിഥിയം കുതിപ്പ്, വർധിക്കുന്ന അപകടങ്ങൾ

അടുത്തകാലത്ത് ലോകത്തിന്റെ വിവിധയിടങ്ങളിലായി ഇലക്ട്രിക് വാഹനങ്ങളിൽ വ്യാപകമായ തീപിടിത്തം പോലുള്ളവ മാധ്യമങ്ങൾ റിപ്പോർട്ട് ചെയ്തു. 2010 മുതല്* 2023 വരെ ലോകമെമ്പാടുമുള്ള ഇലക്ട്രിക് വാഹനങ്ങളിലെ 393 എണ്ണം വരുന്നവയിലാണ് തീപിടുത്തം പോലുള്ള സംഭവങ്ങള്* റിപ്പോര്*ട്ട് ചെയ്തതെന്ന് ഓസ്*ട്രേലിയയിലെ ഇവി ഫയര്*സേഫ് നടത്തിയ സർവേകൾ ചൂണ്ടിക്കാട്ടുന്നു. എന്നാൽ വാഹനരം​ഗത്ത് ലിഥിയം അയോണ്* ബാറ്ററി ഉപയോഗിച്ച്* വിപ്ലവകരമായ മാറ്റങ്ങൾക്കാണ് വിവിധ വാഹന നിർമാതാക്കൾ ഒരുങ്ങുന്നത്. ഗ്യാസ് ഉപയോഗിച്ച് പ്രവര്*ത്തിപ്പിക്കുന്ന വാഹനങ്ങളുടെ നിര്*മാണം 2035-ഓടെ പൂര്*ണമായും നിര്*ത്തുമെന്ന് പ്രഖ്യാപനം പ്രമുഖ വാഹന നിര്*മാതാക്കളായ ജനറല്* മോട്ടോഴ്സ് നടത്തുന്നത് ഈ വര്*ഷമാണ്. 2033-ഓടെ സമാനമായ മാറ്റമാണ് ഔഡിയും ലക്ഷ്യമിടുന്നത്. 2040-ഓടെ വില്*പ്പനയ്ക്ക് വെയ്ക്കുന്ന വാഹനങ്ങളുടെ മൂന്നില്* രണ്ടും ഇലക്ട്രിക് അടിസ്ഥാനമാക്കിയുളളവയായിരിക്കുമെന്നാണ് റിപ്പോര്*ട്ടുകള്* പറയുന്നത്. ഒരു ടണ്* ലിഥിയം 100 ഇലക്ട്രിക് കാറുകള്* പ്രവര്*ത്തിപ്പിക്കാന്* പര്യാപ്തമാണ്. ഇന്ത്യന്* സര്*ക്കാര്* 2030-ഓടെ ഇലക്ട്രിക്ക് വാഹന വില്*പ്പനയില്* വന്*വര്*ധനവാണ് ലക്ഷ്യം വെയ്ക്കുന്നത്. ലിഥിയം ശേഖരങ്ങളുടെ കുറവ് ഈ ലക്ഷ്യത്തിന് മാര്*ഗതടസമാണ്. ലോകത്താകെ 98 മില്ല്യണ്* ടണ്* വരുന്ന ലിഥിയം ശേഖരം മാത്രമാണ് ശേഷിക്കുന്നതെന്ന് റിപ്പോര്*ട്ടുകളുണ്ട്. ഇലക്ട്രിക് കാര്* വാഹന നിര്*മാതാക്കളില്* ചിലര്* അവരുടെ തന്നെ ബാറ്ററി പുനരുപയോഗ വിധേയമാക്കുന്നുണ്ട്. നിസാന്* ലീഫ് കാറുകളിലെ ബാറ്ററികള്* സമാനമായ രീതിയില്* പുനരുപയോഗിച്ചിരുന്നു. ഇതെല്ലാം ഭാവിയിൽ ലിഥിയം അയൺ ബാറ്ററി ഉത്പാദനത്തിൽ കുതിപ്പ് രേഖപ്പെടുത്തുമെന്ന മാത്രമല്ല, പരിസ്ഥിതി പ്രശ്നങ്ങളടക്കമുണ്ടാകുമെന്ന മുന്നറിയിപ്പാണ് മനുഷ്യരാശിക്ക് നൽകുന്നത്.



https://www.mathrubhumi.com/image/co...b044aa9&&q=0.8
പ്രതീകാത്മക ചിത്രം |