Originally Posted by MALABARI
Thomas Isaac post today in FB...
കഞ്ഞിക്കുഴി പഞ്ചായത്തിലെ മാതൃക കൃഷി തോട്ടത്തിലെ ആദ്യത്തെ പ്ലോട്ട് പ്രിയപ്പെട്ട മമ്മൂട്ടിയ്ക്ക് ആണ് . ഓട്ടോകാസ്റ്റിന് നേരെ എതിർ വശമുള്ള ഏതാണ്ട് 4 ഏക്കർ വരുന്ന തരിശ് ഭൂമി കൃഷിയോഗ്യമാക്കി ഇത്തവണ പച്ചക്കറി നടുവാൻ കഞ്ഞിക്കുഴി പഞ്ചായത്തിലെ കാർഷിക കർമ്മ സേന തീരുമാനിച്ചു .ആ ചൊരിമണൽ പുരയിടത്തിന്റെ ഇന്നത്തെ കിടപ്പ് ചിത്രങ്ങളിൽ നിങ്ങൾക്ക് കാണാം . എന്നാൽ അധികം താമസിയാതെ ഇത് മുഴുവൻ ഹരിതാഭം ആകുവാൻ പോകുകയാണ് . 25 ലക്ഷം പച്ചക്കറി തൈകൾ നടുന്നതിന്റെ ഭാഗമായിട്ടാണ് ഈ തരിശുഭൂമിയിലും കൃഷി നടത്തുന്നത് .ഒരു തടസ്സമേയുള്ളൂ .കർമ്മസേന അംഗങ്ങൾക്ക് നാല് ഏക്കർ ഭൂമിയിൽ കൃഷി ചെയ്യാൻ പണം ഇറക്കുവാൻ ഇല്ല . മൂന്ന് മാസത്തെ തൊഴിലാളിയുടെ കൂലി ചെലവ് , വളത്തിന്റെ ചെലവ് ഇതൊക്കെ ആര് വഹിക്കും ? ഇന്ന് അവിടുത്തെ ആദ്യത്തെ തൈ നടുന്നതിന് ചേർന്ന സമ്മേളനത്തിൽ ആണ് ഗൗരവമായി ഈ പ്രശ്നം ഉയർന്നു വന്നത് . സമ്മേളന വേദിയിൽ നിന്ന് തന്നെ മമ്മൂൂട്ടിയെ വിളിച്ചു ചോദിച്ചു . സെന്റിന് ആയിരം രൂപ വച്ച് സ്പൊണ്*സർ ചെയ്യാമോ എന്ന് ; ഇരുപത്തിയഞ്ച് സെന്റിന്റെ പ്ലോട്ടുകൾ ആയിട്ടാണ് സെലിബ്രിറ്റികൾക്ക് കൃഷി സ്പോണ്*സർഷിപ്പിന് നൽകുന്നത് . സ്പോണ്*സർമാർക്ക് നാൽപ്പതിനായിരം രൂപയുടെ പച്ചക്കറി എങ്കിലും കഞ്ഞിക്കുഴി ഗ്രാമപഞ്ചായത്ത് ഉറപ്പ് നൽകുന്നു . കീടനാശിനി ഉപയോഗിക്കാത്ത രാസവളം ഉപയോഗിക്കാത്ത ജൈവ പച്ചക്കറി തന്നെ. സ്പോണ്*സർമാരുടെ പേരിൽ ഓരോ പ്ലോട്ടും പ്രത്യേകം വേർതിരിച്ചിട്ടുണ്ടാവും . അവർക്ക് ചേർത്തല ആലപ്പുഴ ഹൈവേയിലൂടെ സഞ്ചരിക്കുമ്പോൾ അവിടെ നിർത്തി തങ്ങളുടെ കൃഷിയിടം സന്ദർശിക്കുകയും ചെയ്യാം . ഏതാനും ദിവസങ്ങൾക്കുള്ളിൽ മറ്റുള്ളവരും മമ്മൂട്ടിയുടെ മാതൃക അനുകരിച്ച് കൃഷി സ്പോണ്*സർ ചെയ്യാൻ മുന്നോട്ട് വരും എന്ന് പ്രതീക്ഷിക്കുന്നു
MAMMOOKKA 
