ചവിട്ടിതാഴ്*ത്തേണ്ട സിനിമയല്ലിത്-white review
തിരുവനതപുരം കൈരളി
വൈറ്റ് കണ്ടു ,ഇഷ്ടപ്പെട്ടു !
മുൻപ് മമ്മൂക്ക ഒരു ഇന്റർവ്യൂവിൽ പറഞ്ഞിട്ടുണ്ട് "ഞാൻ സിനിമ അല്ല തിരഞ്ഞെടുക്കുന്നത് ,എന്നെ ആകർഷിക്കുന്ന ഒരു കഥയോ അല്ലേൽ ഒരു തിരക്കഥയോ ആണ് തിരഞ്ഞെടുക്കുന്നത് ,ഒരു സിനിമ തിരഞ്ഞെടുക്കാൻ പറ്റുമെങ്കിൽ മോശമായത് ഞാൻ എടുക്കുമോ ? ഒരു നല്ല കഥ/തിരക്കഥ നല്ല സിനിമയാവാൻ ,അവതരണം നന്നാവണം , കൂടെ അഭിനയിക്കുന്നവർ നന്നാവണം അങ്ങനെ കുറെ ഘടകങ്ങൾ ഉണ്ട് ..."
ഈ പറഞ്ഞത് എത്രയോ ശരിയാണ് "വൈറ്റ്" എന്ന സിനിമയുടെ കാര്യത്തിൽ .കൊള്ളാവുന്ന ഒരു കഥയുണ്ട് ഈ സിനിമയ്ക്ക്.ഒരിക്കലും ഒരു മധ്യവയസ്ക്കന് 25 കാരിയോട് പ്രണയം തോന്നുന്ന സിനിമയല്ല വൈറ്റ്* .പ്രകാശ് റോയ് എന്ന കഥാപാത്രത്തിന്റെ വ്യത്യസ്തമായ സ്വഭാവവും ,ചെയ്തികളും കണ്ട് അയാളോട് ഒരു പെൺകുട്ടിക്ക് അടുപ്പം തോന്നുന്നു .പ്രകാശ് റോയിയുടെ ഈ വ്യത്യസ്തക് ഒരു കാരണമുണ്ട് ,അങ്ങനെ ഒരു കാരണം ഉള്ളത് കൊണ്ട് തന്നെ പ്രേക്ഷകനെ അവസാനം വരെ പിടിച്ചിരുത്താൻ ചിത്രത്തിന് സാധിക്കുന്നുണ്ട് .ഇതിനു പുറമെ ഐ.ടി കമ്പനി തൊഴിലാളികൾ അനുഭവിക്കുന്ന പ്രശ്നങ്ങൾ പറഞ് പോകുന്നുണ്ട് .ഹുമ ഐ.ടി. കമ്പനിയിൽ വർക്ക് ചെയ്യുന്ന റോഷ്*നി എന്ന കഥാപാത്രത്തെ അവതരിപ്പിക്കുന്നു.
ഇതെങ്ങനെ ഭൂരിപക്ഷം പേർക്കും ഇഷ്ടപ്പെട്ടില്ല ? അവിടെയാണ് സംവിധായകൻ ദയനീയമായി പരാജയപ്പെട്ടത്.പുള്ളിയുടെ ഉഴപ്പ് പടത്തിൽ മുഴച്ചു നിൽക്കുന്നുണ്ട് .വേണ്ടാത്ത സീനുകൾ കുത്തികയറ്റിയും ,അവസാന 15 മിനുട്ടിൽ 3 ഗാനങ്ങൾ ഉൾകൊള്ളിച്ചും പ്രേക്ഷകനെ പരീക്ഷിക്കാൻ പുള്ളി ആവും വിധം ശ്രമിച്ചു."ഒരു വേള " എന്ന വിരഹ ഗാനത്തിന് ശേഷം ഉടൻ തന്നെ മറ്റൊരു വിരഹ ഗാനം "എരിയുമോ ഈ വേനലിൽ " . എഡിറ്റിങ് ശരാശരി നിലവാരം മാത്രം പുലർത്തി .
എന്നെ പോലെ കുറച് പേർക്കെങ്കിലും ഇത് ഇഷ്ടപ്പെടാൻ കാരണം ? മമ്മൂക്കയുടെ ലുക്കോ,ഹുമയുടെ സൗന്ദര്യമോ അല്ല ,മറിച് അവരുടെ പ്രകടനമായിരുന്നു .ഹുമ വളരെ മികച്ച രീതിയിലാണ് രോഷ്നി എന്ന കഥാപാത്രത്തെ അവതരിപ്പിച്ചത് .അവരുടെ ഈ പ്രകടനം അവഗണിക്കപ്പെട്ടു പോയല്ലോ എന്നാർത്തപ്പോൾ ദുഃഖം വന്നു .മമ്മൂക്ക അലസമായ അഭിനയം എന്നൊക്കെ പറഞ്ഞു കേട്ടിരുന്നു.എങ്കിൽ ഇക്ക ഈ കഥാപാത്രം അവതരിപ്പിച്ചതിൽ 100 % വിജയിച്ചു എന്ന് പറയാം .അങ്ങനെ ഒരു അടുക്കും ചിട്ടയുമില്ലാത്ത ഉഴപ്പൻ തന്നെയാണ് പ്രകാശ് റോയ് .വിഷ്വൽസ് നന്നായര്ന്നു ,രാഹുൽ രാജ് ബി.ജി.എം പടത്തിന്റെ ഫീലിന് അനുസരിച് വന്നു .ഒത്തിരി നല്ല സീൻസുണ്ട് പടത്തിൽ .ഇക്കയും ഹുമയും കാരണം എനിക്ക് ഈ പടം ഇഷ്ടമായി .സംവിധായകൻ തിരക്കഥയിൽ ഉള്ളത് മാത്രം എടുത്ത് വെച്ചു ,ക്രിയേറ്റീവായിട്ട് ഒന്നും കൊണ്ട് വന്നില്ല.
പ്രധാനപ്പെട്ട വേഷങ്ങൾ അഭിനയിച്ചവരുടെ പ്രകടനം കാരണം ഒരു തവണ കണ്ടിരിക്കാവുന്ന ഗണത്തിൽ ഈ പടത്തെ ഞാൻ ഉൾപ്പെടുത്തും.ലാഗിംഗും,സംവിധായകന്റെ ചില പരീക്ഷണവും നിങ്ങൾക്ക് സഹിക്കാമെങ്കിൽ നിങ്ങൾക്കും ഒരു തവണ കണ്ടിരിക്കാം .അല്ലാതെ അച്ഛാദിൻ ,ഉട്ടോപ്യ ,ലൈല ഓ ലൈല ,ലോഹം ശ്രേണിയിലേക്ക് ചവിട്ടിതാഴ്*ത്തേണ്ട സിനിമയല്ലിത്.
എൻ്റെ റേറ്റിംഗ്* ~ 3.25/5
എൻ്റെ മാത്രം അഭിപ്രായമാണ് ,ഇത് വായിച്ചു പടത്തിനു പോകാൻ ഞാൻ പറയുന്നില്ല
Reply With Quote
Originally Posted by roshy
